Womusu 72:19 - Bibeli Gusunɔn Gari

¹⁹ Su nùn siɑrɑ win yĩsi bɛɛrɛɡii ten sɔ̃. Win yiiko yu sɔ̃ɔsirɑ hɑnduniɑ kpuro sɔɔ. Ami! Ami!

Womusu 72:19 ပူးပေါင်းရင်းမြစ်များ

Sinɑmbu I 1:36

Mɑ Bɛnɑyɑ Yehoyɑdɑn bii u nɛɛ, ɑmi, nɛn yinni sinɑ boko. Yinni Gusunɔ u de n koorɑ mɛ.

Nɛɛmi 9:5

Yerɑ Lefi beni, Yosue kɑ Kɑdimiɛli kɑ Bɑni kɑ Asɑbiniɑ kɑ Serebiɑ kɑ Hodiyɑ kɑ Sebɑniɑ kɑ Petɑyɑ bɑ nɛɛ, i seewo i Gusunɔ bɛsɛn Yinni siɑrɑ sere kɑ bɑɑdommɑɔ. Bɑɑwure u nùn siɑro win yĩsi bɛɛrɛɡirun sɔ̃, bɑɑ mɛ i ǹ ɡɑri yɛ̃ yi i ko i kɑ nùn siɑrɑ.

Womusu 41:13

A mɑn kɔ̃su nɛn mɛm nɔɔbun sɔ̃. Mɑ ɑ derɑ nɑ wɑ̃ɑ wunɛn mi sere kɑ bɑɑdommɑɔ.

Womusu 89:52

Yinni Gusunɔ, yibɛrɛbɑ bɑ wunɛn tɔmbu sekuru dokemɔ, mɑ bɑ wi ɑ ɡɔsɑ wɔmmɔ mi u dɔɔ kpuro.

Esɑi 11:9

Bɑɑwure u ko n Yinni Gusunɔn yɛ̃ru yibɑwɑ nɡe mɛ nim wɔ̃ku ɡɑ nim yibɑ. Yen sɔ̃nɑ be bɑ koo dɑ bu Yinni Gusunɔ sɑ̃ win ɡuurɔ te u tii ɡɔsiɑ Yerusɑlɛmuɔ, ben ɡoo kun win winsim kɔ̃sɑ kuɑmmɛ.

Esɑi 6:3

Bɑ nɔɔɡiru sue bɑ mɔ̀, Dɛɛro Dɛɛro, Gusunɔ wɔllu kɑ tem Yinni u sɑ̃ɑwɑ Dɛɛro. Win yiiko yɑ hɑnduniɑ kpuro yibɑ.

Yeremi 28:6

u nɛɛ, ɑmi. Gusunɔ u de yu koorɑ nɡe mɛ ɑ ɡeruɑ. Kpɑ u de tɔn be kpuro bu wurɑmɑ Bɑbilonin di kɑ Yinni Gusunɔn sɑ̃ɑ yerun dendi yɑ̃ɑ ni.

Hɑbɑkuku 2:14

Sɑɑ ye sɔɔ, Yinni Gusunɔn bɛɛrɛ yɛ̃ru tɑ ko n yibɑwɑ tem sɔɔ nɡe mɛ nim wɔ̃ku ɡɑ rɑ n nim yibɑ.

Sɑkɑri 14:9

Yinni Gusunɔwɑ u ko n sɑ̃ɑ tem kpuron sunɔ. Wi turowɑ u ko n sɑ̃ɑ Yinni. Win turon yĩsirɑ tɔmbu kpuro bɑ koo ɡiɑ.

Mɑlɑsi 1:11

Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Gbɑburu 14:21

Adɑmɑ sere kɑ nɛn wɑ̃ɑru kɑ sere mɑɑ nɛn yiiko ye yɑ tem kpuro yibɑ,

Gbɑburu 5:22

Gusunɔ u de nim mɛ mu kɑ bɔ̃ri nɑɑmɔ mi, mu du wunɛn nukurɔ kpɑ wunɛn nuku te, tu mɔsi, kpɑ wunɛn mɑrutuu ɡu ɡberɑ. Sɑɑ ye sɔɔrɑ, kurɔ wi, u koo ɡere u nɛɛ, ɑmi!

Mɑteu 6:10

A nɑ ɑ bɑndu swĩi. A de bu wunɛn kĩru ko tem sɔɔ mini, nɡe mɛ bɑ mɔ̀ wɔllɔ.

Mɑteu 6:13

A ku kɑ sun dɑ kɔkiribun berɑ ɡiɑ. Adɑmɑ ɑ sun wunɑ sɑɑ tɔn kɔ̃son nɔmun di. [Domi wunɑ ɑ bɑndu kɑ dɑm kɑ yiiko mɔ sere kɑ bɑɑdommɑɔ. Ami.]

Kɑ̃siru 1:18

Wiyɑ u sɑ̃ɑ wɑso, u rɑɑ ɡu ɑdɑmɑ tɛ̃ u ko n wɑ̃ɑwɑ kɑ bɑɑdommɑɔ. U yiiko mɔ ɡɔɔn wɔllɔ kɑ ɡɔribun wɑ̃ɑ yerɔ.

Kɑ̃siru 22:20

Wi u ɡɑri yini kpuro ɡeruɑ u yi sirewɑ u nɛɛ, mɛyɑ, u sisi u ǹ tɛɛmɔ. Ami, ɑ nɑ Yinni Yesu.

Kɑ̃siru 5:13

Mɑ nɑ nuɑ tɑkɑ koorɑ kpuro, ye yɑ wɑ̃ɑ wɔllɔ kɑ temɔ, kɑ tem sɔɔwɔ, kɑ nim wɔ̃ku sɔɔ, ye yɑ wɑ̃ɑ hɑnduniɑ sɔɔ kpuro ɡesi yɑ nɔɔɡiru sue yɑ mɔ̀, wi u sɔ̃ sinɑ kitɑrɔ kɑ Yɑ̃ɑ kinɛ kpɛm te, beyɑ bɑ siɑrɑbu kɑ bɛɛrɛ kɑ yiiko kɑ sinɑndu mɔ sere kɑ bɑɑdommɑɔ.