Womusu 72:14 - Bibeli Gusunɔn Gari

¹⁴ Kon bu wɔrɑ be bɑ bu dɑm dɔremɔn min di. Kon bu yɑkiɑ be bɑ bu nɔni sɔ̃ɔmɔn nɔmɑn di. Domi ben wɑ̃ɑru tɑ sɑ̃ɑwɑ ɡɑ̃ɑ ɡirinu nɛn nɔni sɔɔ.

Womusu 72:14 ပူးပေါင်းရင်းမြစ်များ

Torubu 48:16

Win ɡɔrɑdo u mɑɑ mɑn wɔrɑ kɔ̃sɑ kpuron di. Gusunɔ wiyɑ u koo wunɛn bii beni domɑru kuɑ. Nɛn yĩsiru kɑ nɛn bɑɑbɑbɑ Aburɑhɑmu kɑ Isɑkin yĩsinɑ bɑ koo kɑ bu soku, kpɑ bu mɑrurɑ bu dɑbiɑ.

Sɑmuɛli II 23:17

U nɛɛ, Gusunɔ u mɑn ɡbɑrɑ bu nɛɛ, nɛnɑ nɑ nim mɛ nɔrɑ. Domi mɛn sɔ̃nɑ tɔn beni bɑ ben wɑ̃ɑru kɑri bɔrie. Nim mɛ, mu sɑ̃ɑwɑ nɡe ben yɛm mɛ mu koo rɑɑ yɑri. Yen sɔ̃nɑ u yinɑ u mu nɔ. Yenibɑ kpurowɑ Dɑfidin tɑbu durɔbu itɑ be, bɑ kuɑ.

Sɑmuɛli II 4:9

Dɑfidi u Rekɑbu kɑ Bɑɑnɑ wisɑ u nɛɛ, i ǹ yɑɑye sɔmɔ wi u nɑ u mɑn Sɔɔlun ɡɔɔ sɔ̃ɔwɑ, mɑ u tɑmɑɑ lɑbɑɑri ɡeɑ u mɑn nɔɔsiɑmɔ, ɑdɑmɑ nɑ derɑ bɑ nùn mwɑ bɑ ɡo Sikilɑɡiɔ? Nɑ nùn win lɑbɑɑrin ɑre wɛ̃. Kɑɑ sere ɡere tɔn kɔ̃sobu be bɑ tɔnu wi u kun ɡɑ̃ɑnu kue kɑ̃ɑsi bɑ ɡo win dirɔ mi u kpĩ? Sere kɑ Yinni Gusunɔn wɑ̃ɑru wi u mɑn wɔrɑ sɑɑ nɔni swɑ̃ɑru kpuron di, kon de bu bɛɛ ɡowɑ.

Womusu 116:15

Be bɑ Yinni Gusunɔ nɑɑnɛ sɑ̃ɑn ɡɔɔ u sɑ̃ɑwɑ ɡɑ̃ɑ bɑkɑnu win mi.

Womusu 130:8

Wiyɑ u koo bɛɛ Isirelibɑ yɑkiɑ, kpɑ u bɛɛn torɑnu kpuro suuru ko.

Womusu 25:22

Gusunɔ, ɑ wunɛn tɔmbu Isirelibɑ yɑro ben nɔni swɑ̃ɑru kpuron di.

Womusu 69:18

A ku nɛ wunɛn sɔm kowo biru kisi. A mɑn wurɑrio fuuku, wee nɑ wɑ̃ɑ nuku sɑnkirɑ bɑkɑnu sɔɔ.

Titu 2:14

Yesu Kirisi wi, u win tii wɛ̃ bɛsɛn sɔ̃ u kɑ sun yɑkiɑ sɑɑ kom kɔ̃sum kpuron di, kpɑ u kɑ sun ko tɔn dɛɛrobu be bɑ sɑ̃ɑ wi tɔnɑɡibu be bɑ mɑɑ hɑniɑ mɔ bu kɑ sɔm ɡeenu ko.

Kɑ̃siru 17:6

Mɑ nɑ wɑ tɔn be bɑ Yesu nɑɑnɛ doken yɛm kɑ mɑɑ be bɑ win seedɑ din yɛm mu kurɔ wi bɑ̃ɑrumɔ. Ye nɑ nùn wɑ, nɑ biti soorɑ ɡem ɡem.

Kɑ̃siru 19:2

Win siribu sɑ̃ɑ ɡem bu mɑɑ dɛnde. Domi u kurɔ tɑnɔ kpoko wi siri wi u hɑnduniɑ kpuro sɑnkɑ kɑ win dɑɑ bɛrɛtɛkɛ mɑ u nùn sɛɛyɑsiɑ yèn sɔ̃ u win sɔm kowobu ɡo.

Sɑmuɛli I 26:21

Sɔɔlu u Dɑfidi wisɑ u nɛɛ, nɛn bii, nɑ ɡɔbɑ kuɑwɑ. A wurɑmɑ yɛnuɔ. Nɑ ǹ mɑɑ nun kɔ̃sɑ kuɑmmɛ. Domi ɡisɔ nɛn wɑ̃ɑru tɑ sɑ̃ɑwɑ ɡɑ̃ɑ bɑkɑnu wunɛn nɔni sɔɔ. Wee nɑ kuɑ nɡe wiiro, nɑ torɑ too.