Womusu 71:20 - Bibeli Gusunɔn Gari

²⁰ Wunɑ ɑ derɑ sɑ wɑhɑlɑ kɑ nuku sɑnkirɑnu wɑ. Adɑmɑ kɑɑ nɑ ɑ sun wɑ̃ɑru wɛ̃, kpɑ ɑ sun yɑrɑ sɑɑ siki wɔrun di.

Womusu 71:20 ပူးပေါင်းရင်းမြစ်များ

Sɑmuɛli II 12:11

U kpɑm nun sɔ̃ɔmɔ mɑ u koo de kɔ̃sɑ ɡɑɑ yu se wunɛn bweseru sɔɔn di yu nun deemɑ. Yerɑ u koo de wunɛn bweserun ɡoo u wunɛn kurɔbu suɑ u kɑ kpunɑ wunɛn wuswɑɑɔ sɔ̃ɔ sɔɔ ɡbɑ̃ɑrɑ.

Womusu 119:25

Nɛ wee nɑ mwiɑ kpɑnɑ nɡe wi u kpĩ tuɑ sɔɔ. A mɑn nɛn wɑ̃ɑru wesio nɡe mɛ ɑ nɔɔ mwɛɛru kuɑ.

Womusu 138:7

Nɑ̀ n sĩimɔ nuku sɑnkirɑnun swɑɑ sɔɔ, ɑ rɑ mɑn wɑ̃ɑru wɛ̃. A rɑ nɛn yibɛrɛbɑ nɔmu dɛmiɛ bɑ̀ n kɑ mɑn mɔru seewɑ. Mɛyɑ wunɛn dɑm mu rɑ mɑn fɑɑbɑ ko.

Womusu 16:10

Domi ko nɑ n kɑ nun wɑ̃ɑ. A ǹ nɛn hunde derimɔ ɡɔribun wɑ̃ɑ yerɔ. A ǹ wurɑmɔ wunɛn kĩnɑsin wɑsi yi kɔ̃si.

Womusu 60:3

Gusunɔ, wee ɑ sun yinɑ mɑ ɑ sun yɑrinɑsiɑ. Bɑɑ mɛ ɑ mɔru sɑ̃ɑ, ɑ sun seeyo.

Womusu 60:5

A derɑ wunɛn tɔmbɑ nɔni sɔ̃ɔrɑ, mɑ bɑ tɑm nɔrɑ mu ben wiru ɡɔsiɑ.

Womusu 80:18

A de wunɛn dɑm mu n kɑ wi ɑ ɡɔsɑ u sɔ̃ wunɛn nɔm ɡeuɔ wɑ̃ɑ.

Womusu 85:6

Nɡe kɑɑ n kɑ sun mɔru sɑ̃ɑwɑ sere kɑ bɑɑdommɑɔ? Nɡe kɑɑ n mɔru sɑ̃ɑwɑ sere kɑ bɛsɛn bibun bibu sɔɔ?

Womusu 86:13

Domi ɑ mɑn durom bɑkɑm kuɑ, ɑ mɑn yɑrɑ ɡɔribun wɑ̃ɑ yerun sɔɔ sɔɔn di.

Womusu 95:4

Win nɔmɑ yɑ kpuro nɛni ye yɑ wɑ̃ɑ tem sɔɔwɔ. Guunun wii kpiinu nu mɑɑ sɑ̃ɑ wiɡinu.

Esɑi 26:19

Nɛɡibu, bɛɛn tɔn be bɑ rɑɑ ɡu bɑ koo se ɡɔrin di bu wɑ̃ɑru di. Bɛɛ be i kpĩ tem sɔɔwɔ, i dom yɑndo, kpɑ i nuku dobun kuuki ko. Domi tem mu koo bɛɛ seeyɑ ɡɔrin di nɡe mɛ bururun kɑkoru tɑ rɑ yɑkɑsu seeye.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.

Yonɑsi 2:6

Nim mɑn mwɛ sere nɑ kĩ n ɡbi. Mu mɑn wukiri, mɑ yɑkɑ si su wɑ̃ɑ mɛn sɔɔwɔ su mɑn tɛ̃kusi sere wirɔ.

Mɑɑku 15:34

Kɔbɑ itɑ yen sɑkɑwɑ Yesu u ɡbɑ̃rɑ kɑ dɑm, u nɛɛ, “Eloi, Eloi, lemɑ sɑbɑtɑni.” Yen tubusiɑnɑ, Gusunɔ nɛn Yinni, mbɑ n kuɑ ɑ kɑ mɑn deri.

Gɔrobun Kookoosu 2:24

Adɑmɑ Gusunɔ u nùn wɔrɑ ɡɔɔn wɑhɑlɑn nɔmun di ye u kɑ nùn seeyɑ ɡɔrin di. Gɔɔ kun kpĩɑ u nùn nɛnuɑ win dɑm sɔɔ.

Efesu 4:9

Tɛ̃, mbɑ “u yɔɔwɑ wɔllɔn” tubusiɑnu. Yen tubusiɑnɑ, u rɑɑ sɑrɑmɑ wɔllun di u duɑ sere tem sɔɔwɔ.

Kɑ̃siru 7:14

Nɑ wisɑ nɑ nɛɛ, nɑ ǹ yɛ̃ ni tɔnwero, wunɑ kɑɑ n yɛ̃. U mɑn sɔ̃ɔwɑ u nɛɛ, tɔn beni bɑ yɑrimɑwɑ bɔnɛ bɑkɑn di. Bɑ ben yɑbenu teɑ bɑ bururɑsiɑ kɑ Yɑ̃ɑ kinɛ kpɛm ten yɛm.

Sɑmuɛli I 2:6

Yinni Gusunɔwɑ u rɑ de tɔnu u ɡbi. Wiyɑ u rɑ mɑɑ de u n wɑ̃ɑ. Wiyɑ u rɑ de u dɑ ɡɔriɔ. Wi turo wiyɑ u rɑ mɑɑ nùn yɑre min di.