Womusu 71:16 - Bibeli Gusunɔn Gari

¹⁶ Yinni Gusunɔ, kon wunɛn sɔm dɑmɡinun ɡɑri ɡere. Wunɛ turon ɡem ɡɑriyɑ kon kpɑrɑ.

Womusu 71:16 ပူးပေါင်းရင်းမြစ်များ

Womusu 106:2

Wɑrɑ u koo Yinni Gusunɔn sɔm mɑɑmɑɑkiɡinu ɡere. Wɑrɑ u koo kpĩ u nùn tɔmɑ u nɑɑmwɛ.

Womusu 29:11

Wiyɑ u koo mɑɑ tɔmbu dɑm kɛ̃. Wiyɑ u koo bu domɑru kuɑ u bu bɔri yɛndu wɛ̃.

Womusu 51:14

A kpɑm mɑn wunɛn fɑɑbɑn nuku dobu wɛ̃ɛyɔ, kpɑ kĩi ɡeeru tu nɛn hunde dɑm kɛ̃.

Womusu 71:15

Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere. Domi yɑ ǹ nɔru mɔ.

Womusu 71:19

Wunɛn ɡem mu wɑ̃ɑwɑ sere kɑ wɔllɔ. Gusunɔ, ɡɑ̃ɑ bɑkɑnɑ ɑ kuɑ. Wɑrɑ u kɑ nun weenɛ.

Womusu 71:2

Wunɛ wi ɑ rɑ siri dee dee, ɑ mɑn wɔro kpɑ ɑ mɑn fɑɑbɑ ko. A mɑn swɑɑ dɑkio, kpɑ ɑ mɑn somi.

Womusu 71:24

Mɛyɑ mɑɑ nɛn yɑrɑ yɑ ko n wunɛn ɡɑri kpɑrɑmɔ sɑɑ bɑɑyere. Be bɑ kɑsu bu mɑn ɡo, bɑ burisinɑ bɑ sekuru wɑ.

Esɑi 26:13

Gusunɔ bɛsɛn Yinni sɑ rɑɑ yinnibu ɡɑbu sɑ̃wɑ. Adɑmɑ tɛ̃, wunɛ turon yĩsirɑ sɑ soku.

Esɑi 40:31

Adɑmɑ bèn yĩiyɔbu wɑ̃ɑ Yinni Gusunɔ sɔɔ, u ko n dɑ bu dɑm kpɑm wɛ̃, kpɑ bu se kɑ dɑm nɡe ɡunɔ bɑkeru. Bɑ̀ n duki mɔ̀, bɑ ǹ wɑsirɑmɔ. Bɑ̀ n mɑɑ sĩimɔ, bɑ ǹ kpɑnɑmɔ.

Esɑi 63:7

Kon Yinni Gusunɔn durom mɛ u sun kuɑ kpɑrɑ, kpɑ n nùn tɔmɑ ye u sun kuɑn sɔ̃. Kon win tɔn ɡeerun ɡɑri ɡere te u bɛsɛ Isirelibɑ sɔ̃ɔsi win wɔnwɔndu kɑ win kĩi bɑkɑrun sɑɑbu.

Sɑkɑri 10:12

Kon nɛn tɔmbu tɑ̃sisiɑ. Kpɑ bɑ n sĩimɔ kɑ nɛn yĩsiru. Nɛ, Yinni Gusunɔwɑ nɑ yeni ɡeruɑ.

Mɑteu 6:33

Yen sɔ̃, i ɡinɑ hɑniɑ koowo i kɑ du mi Gusunɔ u bɑndu swĩi kpɑ i n sɑ̃ɑ win tɔn ɡeobu. Yen biru u koo bɛɛ wɛ̃ ye yɑ tie.

Romu 1:17

Lɑbɑɑri ɡeɑ ye, yɑ sɔ̃ɔsimɔ nɡe mɛ Gusunɔ u rɑ tɔnu ɡem wɛ̃. Gem mɛn torubu kɑ mɛn nɔru, nɑɑnɛ dokebɑ. Nɡe mɛ bɑ yoruɑ, “Wi u kuɑ ɡemɡii nɑɑnɛ dokebu sɔɔ, u ko n wɑ̃ɑwɑ.”

Romu 10:3

Bɑ ǹ swɑɑ yɛ̃ ye Gusunɔ u rɑ kɑ tɔnu ɡem wɛ̃, mɑ bɑ swɑɑ kɑsu bu kɑ ben tiin ɡem yɑrɑ. Yen sɔ̃nɑ bɑ ǹ Gusunɔn ɡem swɑɑ wiru kpĩiyɛ.

Romu 3:21

Adɑmɑ tɛ̃ Gusunɔ u sɔ̃ɔsi nɡe mɛ u rɑ tɔnu ɡem wɛ̃, n ǹ mɔ kɑ woodɑn ɡɑri. Mɔwisin woodɑ kɑ Gusunɔn sɔmɔbu bɑ yen seedɑ di.

Efesu 3:16

Nɑ nùn kɑnɑmɔ u de win Hunde u bɛɛ dɑm kɛ̃ bɛɛn ɡɔ̃ruɔ nɡe mɛ win yiikon kpɑ̃ɑrɑ nɛ,

Efesu 6:10

Ye yɑ tie nɑ kĩ n bɛɛ sɔ̃ wee. Bɛɛ kɑ Yinnin ɡbinnɑɑ sɔɔ i de win dɑm bɑkɑm mu bɛɛ dɑm kɛ̃.

Sɔ̃ɔsiru 33:25

kpɑ yen wusun ɡbɑ̃rɑnun kɔnnɔsu su n sɑ̃ɑ sisuɡisu kɑ sii ɡɑnduɡisu, kpɑ yɑ n dɑm mɔ yen wɑ̃ɑrun tɔ̃ru kpuro sɔɔ.

Filipi 3:9

kpɑ nɑ n kɑ nùn ɡbinnɛ. Nɑ ǹ mɑɑ yĩiyɔ mɑ kon ɡem wɑ woodɑn mɛm nɔɔbun sɔ̃, ɑdɑmɑ kon ɡem wɑ yèn sɔ̃ nɑ Kirisi nɑɑnɛ doke. Gem mɛ, mu weewɑ sɑɑ Gusunɔn min di nɑɑnɛ doke bin sɑɑbu.

Filipi 4:13

Kon ye kpuro kpĩ sɑɑ Kirisin min di wi u mɑn dɑm kɛ̃mɔ.

Tɛsɑlonikɑ II 1:6

Domi Gusunɔ u koo ko ye n sɑ̃ɑ dee dee, u koo bu nɔni sɔ̃ be bɑ bɛɛ nɔni sɔ̃ɔmɔ.

Timɔte II 2:1

Wunɛ mɑɑ nɛn bii, ɑ n tɑ̃sɑ durom mɛ sɔɔ, mɛ sɑ mɔ Yesu Kirisin min di.