Womusu 71:15 - Bibeli Gusunɔn Gari

¹⁵ Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere. Domi yɑ ǹ nɔru mɔ.

Womusu 71:15 ပူးပေါင်းရင်းမြစ်များ

Bɑndun Gɑri I 16:23

Yen sɔ̃, bɛɛ hɑnduniɑɡibu, i Yinni Gusunɔ tɔmɔ. I win fɑɑbɑn ɡɑri kpɑro tɔ̃ɔ bɑɑtere.

Womusu 145:2

Tɔ̃ɔ bɑɑtere kon nun siɑrɑ. Mɛyɑ kon wunɛn yĩsiru tɔmɑ sere kɑ bɑɑdommɑɔ.

Womusu 30:12

Wee tɛ̃, nɛn nuku sɑnkirɑru tɑ kuɑ nuku dobu. A nɛn sɑɑki ye nɑ wukiri nuku sɑnkirɑrun sɔ̃ wunɑ. Mɑ ɑ mɑn tɔ̃ɔ bɑkɑ yɑ̃nu sebusiɑ n kɑ nuku dobu ko.

Womusu 35:28

Yinni, nɑ kon wunɛn ɡem ɡɑri kpɑrɑ. Kon mɑɑ nun tɔmɑ bɑɑdommɑ.

Womusu 40:12

Yinni Gusunɔ, ɑ ku de n wunɛn wɔnwɔndu biɑ. A de wunɛn tɔn ɡeeru kɑ wunɛn bɔrɔkiniru tu mɑn kɔ̃su sɑɑ kpuro sɔɔ.

Womusu 40:5

Doo nɔɔruɡiiwɑ wi u Yinni Gusunɔ nɑɑnɛ sɑ̃ɑ, wi u ku rɑ ɡɛre u tii suobu kɑ wee kowobu swĩi.

Womusu 40:6

Gusunɔ nɛn Yinni, wunɛn sɔm ɡeenu kɑ wunɛn himbɑ ye ɑ sun kuɑ yɑ dɑbi. Gusunɔ, ɑ kpɑ̃, ɑ ǹ sɑɑrɑ mɔ. Nɑ kĩ n ye kpuro kpɑrɑ n tɔmbu nɔɔsiɑ. Adɑmɑ yen ɡeerɑ kpɑ̃ sere nɑ ǹ kpɛ̃ n ye sɑɑri.

Womusu 51:16

Gusunɔ, wunɛ wi ɑ mɑn fɑɑbɑ kuɑ, ɑ ku mɑɑ mɑn ɡoon yɛm bikiɑ. Ko nɑ n wunɛn ɡem mɛ ɑ mɑn wɛ̃ tɑkɑru mɔ̀.

Womusu 71:24

Mɛyɑ mɑɑ nɛn yɑrɑ yɑ ko n wunɛn ɡɑri kpɑrɑmɔ sɑɑ bɑɑyere. Be bɑ kɑsu bu mɑn ɡo, bɑ burisinɑ bɑ sekuru wɑ.

Womusu 71:8

Yinni Gusunɔ, ɑ de nɑ n nun siɑrɑmɔ bɑɑdommɑ. A de nɑ n nun bɛɛrɛ wɛ̃ɛmɔ tɔ̃ɔ bɑɑtere.

Womusu 73:28

Adɑmɑ nɛ, n mɑn wɛ̃re nɑ n wɑ̃ɑ wunɛn bɔkuɔ Yinni Gusunɔ. Domi nɑ kuku yee nɑɑnɛɡiru wɑ wunɛ sɔɔ. Kon kpɑrɑ ye ɑ mɑn kuɑ kpuro.

Womusu 89:16

Yinni Gusunɔ, doo nɔɔruɡibɑ be bɑ rɑ nun tɑkɑru ko. Bɑ rɑ sĩwɑ yɑm bururɑm sɔɔ wunɛn wuswɑɑɔ.

Mɔnnu 5:2

Sɑɑ ye sɔɔrɑ, kɑɑ ɡiɑ nɡe mɛ kɑɑ kɑ sĩ dee dee. Wunɛn ɡɑri koo sɔ̃ɔsi mɑ ɑ yɛ̃ru mɔ.

Kpɑrobu 5:11

I swɑɑ dɑkio. Dɔkɔbɑn bɔkuɔ tɔmbɑ Yinni Gusunɔn nɑsɑrɑn womusu mɔ̀, ye u Isirelibɑ wɛ̃. Yen biru Yinni Gusunɔn tɔmbu bɑ sɑrɑmɑ bɑ dɑ bɑ wɑ̃ɑ ben wusɔ.