Womusu 71:11 - Bibeli Gusunɔn Gari

¹¹ Bɑ ɡerumɔ bɑ mɔ̀, wee ɑ mɑn deri. Bɑ koo mɑn nɑɑ swĩiwɑ bu mwɑ. Domi nɑ ǹ ɡoo mɔ u mɑn wɔrɑ.

Womusu 71:11 ပူးပေါင်းရင်းမြစ်များ

Womusu 3:2

Yinni Gusunɔ, nɛn yibɛrɛbɑ bɑ dɑbi. Be bɑ mɑn seesi bɑ dɑbi.

Womusu 37:25

Nɑ rɑɑ sɑ̃ɑ bii, tɛ̃ nɑ bukurɑ. Nɑ ǹ mɑɑ wɑɑre Gusunɔ u ɡemɡii deri, ǹ kun mɛ win bibu bu bɑrɑ ko bu kɑ di.

Womusu 37:28

Yinni Gusunɔ u ɡem kĩ. U ǹ win tɔmbu derimɔ, u rɑ n bu kɔ̃su. Adɑmɑ bɑ koo tɔn kɔ̃sobun bweseru kpeerɑsiɑ.

Womusu 42:10

Gusunɔ, nɛn Yinni, ɑ sɑ̃ɑwɑ nɛn kpee sɑɑrɑ. Mbɑn sɔ̃nɑ ɑ mɑn duɑri. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

Womusu 50:22

I lɑɑkɑri koowo, kpɑ i swɑɑ dɑki i nɔ bɛɛ be i nɛ Gusunɔ duɑri. Mɑ n kun mɛ, kon bɛɛ sɛ̃re n yɑɑku. Goo kun mɑɑ kpɛ̃ u bɛɛ wɔrɑ.

Womusu 7:2

Gusunɔ nɛn Yinni, wunɑ nɑ nɑɑnɛ sɑ̃ɑ. A mɑn wɔro be bɑ mɑn nɑɑ ɡiren nɔmɑn di.

Dɑniɛli 3:15

Tɛ̃, i doo i n sɔɔru sɑ̃ɑ. Ì n kpɑm nuɑ bɑ kɔbɑ so kɑ ɡuunu kɑ mɔrɔkunu kɑ bɑrɑnu kɑ ɡɑ̃ɑsu kɑ bɑrɑ bwese ni nu tie, i yiiro kpɑ i bwɑ̃ɑroku ɡe sɑ̃. Ì n yinɑ, bɑ koo bɛɛ kpɛ̃ɛwɑ mii mii dɔ̃ɔ boko wi bɑ sɔ̃ruɑ sɔɔ kpɑ n wɑ ǹ n bũu weren nɑ u koo bɛɛ wɔrɑ sɑɑ nɛn nɔmun di.

Mɑteu 27:46

Kɔbɑ itɑn sɑkɑ Yesu u nɔɔɡiru suɑ u nɛɛ, Eli, Eli, lemɑ sɑbɑtɑni. Yen tubusiɑnɑ, Gusunɔ nɛn Yinni mbɑ n kuɑ ɑ kɑ mɑn deri.

Mɑteu 27:49

Adɑmɑ be bɑ tie bɑ nɛɛ, ɑ yɔ̃ro ɡinɑ, su wɑ nɡe Eli u koo nɑ u nùn fɑɑbɑ ko.

Sɑmuɛli I 23:7

Yen biruwɑ bɑ dɑ bɑ Sɔɔlu sɔ̃ɔwɑ bɑ nɛɛ, Dɑfidi u tunumɑ u wɑ̃ɑ Keilɑɔ. Yerɑ Sɔɔlu u nɛɛ, Gusunɔwɑ u mɑn nùn nɔmu bɛriɑ. Domi u nɑ u tii kɛnusi wuu ɡe ɡɑ ɡbɑ̃rɑru kɑ ɡɑmbo mɔ sɔɔ.