Womusu 7:16 - Bibeli Gusunɔn Gari

¹⁶ U suurɑ ɡbɑ ɡɑbun sɔ̃, ɑdɑmɑ win tiiwɑ u koo ye wɔri.

Womusu 7:16 ပူးပေါင်းရင်းမြစ်များ

Sinɑmbu I 2:32

Tɔn beyɑ Abinɛɛ, Nɛrin bii, Isirelibɑn tɑbu sunɔ, kɑ mɑɑ Amɑsɑ Yetɛɛn bii, Yudɑbɑn tɑbu sunɔ. Bɑ nùn ɡem kɑ bɛɛrɛ kere, mɑ u bu ɡo kɑ tɑkobi nɛn tundo Dɑfidi u ǹ kɑ bɑɑru. Yen sɔ̃, Gusunɔ u de win yɛm mu wɔri win tii sɔɔ.

Sinɑmbu I 21:19

A nùn sɔ̃ɔwɔ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Ye u tɔnu ɡo u kpɑ, yerɑ u koo mɑɑ yɛ̃ron tubi suɑ? Tɛ̃ mi bɔ̃nu nu Nɑbɔtin yɛm dɑburɑ, miyɑ nu koo mɑɑ win tiiɡim dɑbiri.

Ɛsitɛɛ 7:10

Mɑ bɑ Hɑmɑni suɑ bɑ kɑ dɑ bɑ bwɛ̃ dɑ̃ɑ ten wɔllɔ, te u rɑɑ sɔɔru kuɑ Mɑɑdosen sɔ̃. Sɑɑ yerɑ sinɑ bokon mɔru yɑ sure.

Ɛsitɛɛ 9:25

Adɑmɑ Ɛsitɛɛ u dɑ sinɑ bokon mi. Mɑ sinɑ boko u woodɑ yɑrɑ u nɛɛ, ye Hɑmɑni u rɑɑ himbɑ kuɑ mi, yu wɔri win wiru wɔllɔ kpɑ bu wi kɑ win bibu bwɛ̃ dɑ̃ɑ wɔllɔ.

Yoobu 4:8

Nɛ, nɑ ɡɑbu wɑɑre, kɔ̃sɑn sɔmburɑ bɑ rɑ n mɔ̀, kpɑ bɑ n weesu swĩi. Mɛyɑ bɑ rɑ mɑɑ ye kpuron ɑre wɑ.

Womusu 141:10

A de tɔn kɔ̃so be, bu wɔri ben yinɑ sɔɔ, kpɑ nɛ, n kisirɑ min di.

Womusu 35:8

A de bu kɑm ko subɑru sɔɔ, bu wɔri ben suurɑ ye sɔɔ, bu ɡbi.

Womusu 36:12

A ku de tii suobu bu mɑn nɑɑ turi, kpɑ tɔn kɔ̃sobu bu de n dukɑ yɑkurɑ.

Womusu 36:4

Win ɡɑri kpuro, weesɑ yi sɑ̃ɑ. U ku rɑ wure u ɡɑ̃ɑnu ko kɑ lɑɑkɑri u sere ɡeɑ ko.

Womusu 57:7

Nɛn yibɛrɛ be, bɑ mɑn yɛ̃ri bɛriɑ nɛn swɛɛ kpuro sɔɔ, mɑ nɑ tem tuke nɑ wɑ bɑ wɔru ɡbɑ nɛn wuswɑɑɔ. Adɑmɑ berɑ bɑ ɡu wɔri.

Womusu 9:16

Wee bwese tukunu nu suurɑ ɡbɑ ɡɑbun sɔ̃, mɑ nin tii nu wɔri ye sɔɔ. Nu ɡɑbu yinɑ bɛriɑ, mɑ nin tiin nɑɑsu wɔri ye sɔɔ. Tɔn kɔ̃sobɑ sɔm kɔ̃sunu kuɑ. Mɑ ben tii bɑ nin ɑre wɑ. Yinni Gusunɔ u sɔ̃ɔsi mɑ u rɑ siri dee dee.

Mɔnnu 1:19

Nɡe mɛyɑ n sɑ̃ɑ kɑ bɑɑwure wi u dukiɑn kĩru mɔ. Be bɑ tii ye wɛ̃, berɑ yɑ rɑ ɡo.

Mɔnnu 26:27

Wi u suurɑ ɡbemɔ, wiyɑ u koo ye wɔri. Wi u mɑɑ kperu bimiɑmɔ, wiyɑ tɑ koo sɛ̃re.

Wɑɑsu kowo 10:8

Wi u suurɑ ɡbemɔ, wiyɑ u koo kpĩ u wɔri ye sɔɔ. Wi u mɑɑ ɡbɑ̃rɑru surɑmɔ kpɑ wɑɑ yu nùn dɔm.

Sɑmuɛli I 23:9

Sɑɑ ye sɔɔ, Dɑfidi u nuɑ kɔ̃sɑ ye Sɔɔlu u kĩ u nùn kuɑ. Yerɑ u yɑ̃ku kowo Abiɑtɑɑ sɔ̃ɔwɑ u nɛɛ, ɑ kɑ yɑbe tɑrɑkpe ye nɑ.

Sɑmuɛli I 26:10

Dɑfidi u mɑɑ nɛɛ, sere kɑ Yinni Gusunɔn wɑ̃ɑru nɑ yɛ̃ mɑ win tii u koo nùn ɡo tɑbu ɡberɔ, ǹ kun mɛ win ɡɔɔn tɔ̃ru tɑ̀ n turɑ.

Sɑmuɛli I 28:19

U koo wunɛ kɑ Isirelibɑ Filisitibɑ nɔmu bɛriɑ. Siɑ wunɛ kɑ wunɛn bii tɔn durɔbu i ko mɑn deemɑ mini. Kpɑ Yinni Gusunɔ u Isirelibɑn tɑbu kowobu Filisitibɑ nɔmu bɛriɑ.