Womusu 69:6 - Bibeli Gusunɔn Gari

⁶ Gusunɔ, ɑ nɛn ɑsɑnsi sɑriru yɛ̃. Nɛn torɑnu nu ǹ mɑɑ beruɑ wunɛn mi.

Womusu 69:6 ပူးပေါင်းရင်းမြစ်များ

Sɑmuɛli II 23:3

Gusunɔ, Isirelibɑn Yinni wi u rɑ bu kɔ̃su, u mɑn sɔ̃ɔwɑ u nɛɛ, sunɔ wi u tɔmbu kpɑrɑmɔ ɡem swɑɑ sɔɔ, mɑ win tii u Gusunɔ nɑsie,

Womusu 25:3

Be bɑ nun nɑɑnɛ sɑ̃ɑ bɑ ǹ sekuru wɑsi, ɑdɑmɑ be bɑ ǹ kɑ nun yɔ̃, bɑ koo sekuru wɑ.

Womusu 35:26

A de be, be bɑ nuku dobu mɔ̀ nɛn wɑhɑlɑn sɔ̃, be kpuro bu sekuru wɑ sɑnnu sɑnnu. A de be, be bɑ mɑn seesimɔ, bu sekuru wɑ tɑ n kpɑ̃.

Womusu 7:7

Yinni Gusunɔ, ɑ nɛn yibɛrɛ wɔrio kɑ mɔru. Be bɑ kɔ̃ruɑ, ɑ bu sɛɛyɑsio kɑ mɔru. A de ɑ n wɑ̃ɑ nɛn bɔkuɔ. A de ɑ mɑn siriɑ.

Womusu 72:18

Su Gusunɔ Isirelibɑn Yinni siɑrɑ. Domi wi turowɑ u rɑ sɔm mɑɑmɑɑkiɡinu ko.

Esɑi 49:23

Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

Gɔrobun Kookoosu 13:17

Gusunɔ bɛsɛ Isirelibɑn Yinni u bɛsɛn sikɑdobɑ ɡɔsɑ mɑ u derɑ bɑ kuɑ bwese bɑkɑru sɑnɑm mɛ bɑ wɑ̃ɑ Eɡibitin temɔ. Yen biru u bu yɑrɑ min di kɑ win dɑm bɑkɑm,

Gɔrobun Kookoosu 13:23

Dɑfidi win bweserun diyɑ, Yesu u yɑrɑ wi Gusunɔ u kuɑ Isirelibɑn Fɑɑbɑ kowo nɡe mɛ u nɔɔ mwɛɛru kuɑ.

Gɔrobun Kookoosu 4:7

Bɑ ɡɔro be yɔ̃rɑsiɑ ben wuswɑɑɔ mɑ bɑ bu bikiɑm wɔri bɑ nɛɛ, kɑ weren yiikowɑ nɡe kɑ yĩsi terɑ̀ i kɑ yeni kuɑ.