Womusu 69:34 - Bibeli Gusunɔn Gari

³⁴ Domi Yinni Gusunɔ u rɑ sɑ̃ɑrobun ɡɑri nɔ. U ku rɑ wiɡibu duɑri be bɑ wɑ̃ɑ dɛsiru sɔɔ.

Womusu 69:34 ပူးပေါင်းရင်းမြစ်များ

Torubu 1:20

Mɑ Gusunɔ u nɛɛ, nim mu de hunde konibɑ dɑbi dɑbinu nu koorɑ mɛ sɔɔ, kpɑ ɡunɔsu su n yɔ̃ɔmɔ wom dirum sɔɔ.

Womusu 102:18

U rɑ sɑ̃ɑron kɑnɑru nɔ. U ku rɑ tu ɑtɑfiiru ko.

Womusu 150:6

Hunde koni bɑɑyere ye yɑ ɡesi wɛ̃siɑmɔ, yu Yinni Gusunɔ siɑro. I Yinni Gusunɔ siɑro.

Womusu 96:11

Wɔllu tu nukuru doro. Tem mu yɛ̃ɛrio. Nim wɔ̃ku kɑ ye yɑ wɑ̃ɑ ɡe sɔɔ kpuro yu kukirio.

Esɑi 49:13

Wɔllu, ɑ yɛ̃ɛrio. Tem, ɑ nukuru doro. Bɛɛ mɑɑ ɡuunu, i dɛsiru kɑro. Domi Yinni Gusunɔ u win tɔmbu nukuru yɛmiɑsiɑmɔ. Be bɑ nɔni sɔ̃ɔre, u ben wɔnwɔndu mɔ.

Esɑi 55:12

Kɑ ɡem, i ko yɑri yorun di kɑ nuku dobu, kpɑ bu bɛɛ kpɑrɑ ɑlɑfiɑ sɔɔ. Guunu kɑ ɡunɡunu nu koo yɛ̃ɛri bɛɛn wuswɑɑɔ, kpɑ dɑ̃ɑ ni nu wɑ̃ɑ yɑkɑsɔ nu tɑki ko.