Womusu 69:21 - Bibeli Gusunɔn Gari

²¹ Sekurɑ mɑn nuki sɑnkɑ sere nɑ kom yɑɑ bie. Nɑ mɑrɑ ɡoo u mɑn wɔnwɔndu kuɑ, ɑdɑmɑ sɑri. Nɑ kɑsu wi u koo mɑn nukuru yɛmiɑsiɑ, nɑ ǹ wɑ bɑɑ turo.

Womusu 69:21 ပူးပေါင်းရင်းမြစ်များ

Wɑɑsu kowo 4:1

Nɑ dɑm dɔrebu kpuro lɑɑkɑri kuɑ hɑnduniɑ sɔɔ. Ye nɑ wɑ wee. Be bɑ dɑm dɔremɔ bɑ rɑ n wuri mɔ̀wɑ. Goo ku rɑ mɑɑ bu somiru nɛ. Domi be bɑ bu dɑm dɔremɔ mi, berɑ bɑ dɑm bo.

Yeremi 23:15

Yen sɔ̃nɑ nɛ Gusunɔ, wɔllu kɑ tem Yinni, nɑ nɛn sɔmɔbu Yerusɑlɛmuɔ sɔ̃ɔmɔ mɑ wee kon de bu dɑ̃ɑ kiku ɡɑɡu ɡe ɡɑ sosu di, kpɑ bu nim mɛ mu dɛ̃ɛ mɔ nɔ. Domi beyɑ bɑ derɑ tem mɛn tɔmbu kpuro bɑ ǹ mɑɑ mɑn bɛɛrɛ wɛ̃ɛmɔ.

Yeremi 8:14

Yudɑbɑ bɑ nɛɛ, mbɑn sɔ̃nɑ sɑ sɔ̃ mini. I de su mɛnnɑ kpɑ su dɑ wuu si su ɡbɑ̃rɑnu mɔn mi, sɑ n ɡɔɔ mɑrɑ. Domi Gusunɔ bɛsɛn Yinni u yiwɑ su ɡbi. U koo sun nim dɛ̃ɛɡim nɔrusiɑ, yèn sɔ̃ sɑ nùn torɑri.

Yeremi 9:15

Kpɑ n de bu yɑrinɑ bu dɑ bwese tukunun suunu sɔɔ, mi be kɑ ben bɑɑbɑbɑ bɑ ǹ dɑɑ yɛ̃. Kon de bu bu ɡo kɑ tɑkobi, kpɑ bu bu kɑm koosiɑ mɑm mɑm.

Swĩi 1:2

Yɑ wuri mɔ̀ wɔ̃ku ɡiriru mɑ yen nɔni yĩresu kokumɔ. Be bɑ rɑɑ sɑ̃ɑ yen kĩnɑsibu, ben ɡoo sɑri wi u ye nukuru yɛmiɑsiɑmɔ. Be kpuro bɑ kuɑwɑ nɑɑnɛ sɑribɑ, mɑ bɑ kuɑ yen yibɛrɛbɑ.

Swĩi 1:9

Wee, yen durum yĩreru tɑ wɑ̃ɑ yen yɑberɔ. Adɑmɑ yɑ ǹ dɑɑ yen kpeeru bwisikɑ. Yɑ wɔrumɑ subɑru sɔɔ ɡoo kun ye nukuru yɛmiɑsie. Mɑ yɑ nɔɔɡiru suɑ yɑ nɛɛ, Yinni Gusunɔ, ɑ nɛn nɔni swɑ̃ɑru mɛɛrio. A mɛɛrio nɡe mɛ yibɛrɛ u tii sue.

Mɑteu 27:34

miyɑ bɑ Yesu tɑm wɛ̃ u nɔ kɑ tim mɛ mu rɑ yɛm ɡo. Ye u mu dendɑ u ǹ wure u mwɛ.

Mɑteu 27:48

Yɑnde ben turo u dukɑ dɑ u swɛɛ dukɛ dukɛsu suɑ u kpɛ̃ɛ tɑm mɔmmɔm sɔɔ u bɛri dɛkɑɔ u kɑ nùn tĩi u nɔ.

Mɑɑku 15:23

Mɑ bɑ nùn tɑm wɛ̃ mɛ mu kɑ tim mɛnnɑ mɛ bɑ rɑ soku miru, ɑdɑmɑ u yinɑ u nɔ.

Mɑɑku 15:36

Yerɑ ben turo u dukɑ nɑ kɑ swɛ̃ɛ dukɛ dukɛsu si u wɑsɑ tɑm mɔmmɔm sɔɔ u bɛri dɛkɑɔ. Mɑ u Yesu tĩi u nɔ, u nɛɛ, i de su wɑ Eli ù n koo nɑ u nùn sɑrɑsiɑ.

Luku 23:36

Tɑbu kowobu bɑ mɑɑ susi bu kɑ nùn yɑɑkoru ko, kpɑ bu nùn tɑm mɔmmɔm wɛ̃.

Sɔ̃ɔsiru 29:18

Wi u ɑrukɑwɑni yen ɡɑri nuɑ ye bɑ bɔkuɑ kɑ bɔ̃ri mi, u ku tii suɑ win ɡɔ̃ruɔ u nɛɛ, u koo bɔri yɛndu wɑ bɑɑ ù n win tiin kĩru mɔ̀, kpɑ u de ɡoo u wɔri bũu sɑ̃ɑru sɔɔ.