Womusu 68:5 - Bibeli Gusunɔn Gari

⁵ I Gusunɔn yĩsiru wɔlle suo kɑ womusu. I nùn swɑɑ kuo, u ɡbɑburu mɔ̀, u ɡuru winu sɔni u wee. Win yĩsirɑ Yinni Gusunɔ. I nuku dobu koowo win wuswɑɑɔ.

Womusu 68:5 ပူးပေါင်းရင်းမြစ်များ

Bɑndun Gɑri II 30:27

Yerɑ yɑ̃ku kowobu kɑ Lefibɑ bɑ seewɑ bɑ tɔn be domɑru kuɑ. Yinni Gusunɔ u ben nɔɔ nuɑ domi ben kɑnɑ te, tɑ nùn ɡirɑri sere win wɑ̃ɑ yee dɛɛrɑrɔ wɔllɔ.

Bɑndun Gɑri II 6:2

Adɑmɑ nɛ, nɑ nun wɑ̃ɑ yee ɡeeru bɑniɑ mi kɑɑ n wɑ̃ɑ sere kɑ bɑɑdommɑɔ.

Womusu 10:14

Yinni Gusunɔ, ɑ rɑ n yɛ̃ nɔni swɑ̃ɑ te tɔmbɑ mɔ hɑnduniɑ sɔɔ. A rɑ bu somi. A rɑ mɑɑ ɡobekubɑ nɔɔri. Yen sɔ̃nɑ bɑ rɑ nun tii wɛ̃.

Womusu 118:19

I mɑn ɡem kɔnnɔsu kɛniɔ, kpɑ n du n Yinni Gusunɔ siɑrɑ.

Womusu 146:9

U rɑ sɔbu kɔ̃su. U rɑ mɑɑ ɡɔminibu kɑ ɡobekubɑ nɔɔri. Kpɑ u tɔn kɔ̃sobun himbɑ kɑm koosiɑ.

Womusu 150:6

Hunde koni bɑɑyere ye yɑ ɡesi wɛ̃siɑmɔ, yu Yinni Gusunɔ siɑro. I Yinni Gusunɔ siɑro.

Womusu 33:14

Sɑɑ win wɑ̃ɑ yerun di, u hɑnduniɑɡibu kpuro mɛɛrɑ.

Womusu 72:2

kpɑ n wunɛn tɔmbu siri ɡem sɔɔ bɑɑ be bɑ sɑ̃ɑ sɑ̃ɑrobu.

Womusu 72:4

Kon sɑ̃ɑrobu siriɑ kpɑ n bu ben ɡem wɛ̃, kpɑ n bwɛ̃ɛbwɛ̃ɛbun bibu fɑɑbɑ ko, n be bɑ bu dɑm dɔremɔ kɔsuku.

Yɑribu 3:15

Mɛniwɑ nɛn yĩsiru sere kɑ bɑɑdommɑɔ. Mɛyɑ bɑ ko n dɑ mɑn soku sere kɑ ben bweserun bibɔ. Mɑ u kpɑm Mɔwisi sɔ̃ɔwɑ u nɛɛ, ɑmɛniwɑ kɑɑ Isirelibɑ sɔ̃ ɑ nɛɛ, nɛ wi nɑ rɑ n wɑ̃ɑ nɑ sɑ̃ɑ bɛɛn sikɑdobɑ Aburɑhɑmu kɑ Isɑki kɑ Yɑkɔbun Yinni, nɑ mɑɑ nun ɡɔrimɑ ben mi.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Esɑi 12:4

kpɑ tɔ̃ɔ te sɔɔ, bu ɡere bu nɛɛ, i Yinni Gusunɔ siɑro, i win yĩsiru wɔlle suo. I win sɔm bɑkɑ ni u kuɑ kpɑro bwesenu kpuro sɔɔ. I tɔmbu yɑɑyɑsio mɑ win yĩsirɑ kpɑ̃.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 66:1

Yinni Gusunɔ u nɛɛ, wɔllɑ sɑ̃ɑwɑ nɛn sinɑ ɡɔnɑ, mɑ tem mu sɑ̃ɑ nɛn nɑɑ sɔnditiɑ. Ǹ n mɛn nɑ, dii teren bweserɑ i ko kpĩ i mɑn bɑniɑ. Nɡe wɑ̃ɑ yee terɑ̀ i ko mɑn wɛ̃ nɑ n dɑ n wɛ̃re mi.

Yeremi 49:11

Bɑɑ bɑ̀ n ben bibu deri bɑ kuɑ ɡobekubɑ, nɛnɑ kon de bɑ n wɑ̃ɑ, kpɑ ben ɡɔminibu bu mɑn nɑɑnɛ ko.

Yeremi 5:28

Bɑ dĩɑ ɡeenu di mɑ bɑ bɔriɑ. Bɑ rɑ kɔ̃sɑ kowɑ yu bɑndɑ. Bɑ ku rɑ kɑ ɡobeku yinɛ, ǹ kun mɛ sɑ̃ɑro. Bɑ ku rɑ bu ben ɡem wɛ̃. Kpɑ ben tii bɑ n kuurɑmɔ.

Osee 14:3

Bu wurɑmɑ win mi bu kɑnɑ teni ko te tɑ nɛɛ, Yinni Gusunɔ, ɑ sun bɛsɛn torɑnu kpuro suuru kuo. Kpɑ ɑ sun mɛɛri kɑ nɔnu ɡeu. Ye sɑ ko kɑ nun yɑ̃kuru kuɑ, sɑ ko nun siɑrɑ.

Efesu 5:1

Tɛ̃, yèn sɔ̃ i sɑ̃ɑ bii be Gusunɔ u kĩ, i hɑniɑ koowo i n kɑ mɔ̀ nɡe wi.

Sɔ̃ɔsiru 10:18

U rɑ ɡobekubɑ kɑ ɡɔminibu ben ɡem wɛ̃, kpɑ u sɔbu kĩru sɔ̃ɔsi u bu dĩɑnu kɑ yɑ̃nu wɛ̃.

Sɔ̃ɔsiru 26:15

U tukɑmɑ u bɛɛ mɛɛri sɑɑ win sin yee dɛɛrɑrun di te tɑ wɑ̃ɑ wɔllɔ, kpɑ u bɛɛ win tɔmbu Isirelibɑ domɑru sosiɑ kɑ bɛɛn tem mɛ u bɛɛ wɛ̃, mɛ mu tim kɑ bom yibɑ nɡe mɛ u bɛsɛn bɑɑbɑbɑ nɔɔ mwɛɛru kuɑ.