Womusu 68:33 - Bibeli Gusunɔn Gari

³³ Hɑnduniɑn sinɑmbu, i Yinni Gusunɔ siɑro kɑ womusu. I nùn wɔlle suo.

Womusu 68:33 ပူးပေါင်းရင်းမြစ်များ

Sinɑmbu I 8:27

Adɑmɑ kɑɑ sere kpĩ ɑ sinɑ tem mɛ sɔɔ kɑ ɡem? Domi wɔllɑ kun nun turɑ. Kɑɑ sere ɡere dii te nɑ nun bɑniɑ mini?

Womusu 102:25

Nɑ ɡeruɑ nɑ nɛɛ, nɛn Yinni, wunɛ wi ɑ wɑ̃ɑ kɑ bɑɑdommɑ, ɑ ku mɑn wunɑ sɛkum sɔɔ.

Womusu 104:3

Wunɛn wɑ̃ɑ yerɑ wɑ̃ɑ sere wɔllun nim wɔllɔ. Mɑ ɡuru wirɑ sɑ̃ɑ wunɛn tɑbu kɛkɛ. Mɑ ɑ bɛllimɔ wom wɔllɔ.

Womusu 18:10

U derɑ wɔllɑ kɑ tem dɛbɛ dɛbɛ kuɑ, mɑ u sɑrɑmɑ u ɡuru wii bɑkɑru tɑɑkumɔ.

Womusu 46:6

Gusunɔ u wɑ̃ɑ te sɔɔ, yen sɔ̃nɑ tɑ ǹ wɔrumɛ. Gusunɔ u rɑ tu ɡɑbewɑ sɑɑ buru buru yellun di.

Womusu 66:1

Womu ɡe bɑ wom kowobun wiruɡii kuɑ. Ge wee. Bɛɛ hɑnduniɑn tɔmbu kpuro, i Gusunɔ nɔɔɡiru sueyo kɑ nuku dobu.

Womusu 66:2

I womu koowo win yĩsirun yiikon sɔ̃. I win yĩsiru wɔlle suo kɑ womusu,

Womusu 68:4

Adɑmɑ ɡemɡibu bɑ rɑ n nuku dobu kɑ nɑsɑrɑ mɔwɑ wunɛn mi kpɑ bɑ n yɛ̃ɛrimɔ.

Womusu 93:2

Sɑɑ yee yellun diyɑ ɑ wunɛn bɑndu swĩi. Sɑɑ yee yellun diyɑ ɑ wɑ̃ɑ.

Esekiɛli 10:5

Mɑ wɔllun kɔ̃sobun kɑsenun wɔkinu nu nɔɔrɑ sere sɑ̃ɑ yee ten yɑɑrɑɔ. Mɑ n sɑ̃ɑre nɡe Gusunɔ Dɑm kpuroɡiin nɔɔwɑ ɡɑ ɡɑri mɔ̀.

Sɔ̃ɔsiru 10:14

Domi wiyɑ u wɔllu mɔ kɑ tem kɑ ye yɑ wɑ̃ɑ mɛ sɔɔ.

Sɔ̃ɔsiru 33:26

Yerɑ Mɔwisi u kpɑm ɡeruɑ u nɛɛ, bɛɛ Isirelibɑ, i n yɛ̃ mɑ Yinni ɡoo sɑri nɡe Gusunɔ. Wee u wɔllu sɔni u kɑ sisi bɛɛn mi kɑ win yiiko bɑkɑ. Guru wirɑ u duɑ u kɑ wee u bɛɛ somi.

Kɑ̃siru 11:12

Yerɑ Gusunɔn sɔmɔbu yiru ye, bɑ nɔɔɡiru nuɑ wɔllun di bɑ nɛɛ, i yɔɔmɑ ɡee. Bɑ yɔɔwɑ wɔllɔ ɡuru wiru sɔɔ sɑnɑm mɛ ben yibɛrɛbɑ bɑ bu mɛɛrɑ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 11:19

Yerɑ bɑ sɑ̃ɑ yee te tɑ wɑ̃ɑ Gusunɔ wɔllɔ kɛniɑ mɑ woodɑn kpɑkororɑ terɑ win sɑ̃ɑ yee te sɔɔ. Mɑ ɡuru mɑɑkinu wɑ̃ɑ mi, kɑ wurenu, kɑ ɡuru ɡbɑ̃sukunu kɑ tem yĩirubu, kɑ mɑɑ ɡuru kpee bɑkɑnu.