Womusu 68:25 - Bibeli Gusunɔn Gari

²⁵ Gusunɔ nɛn Yinni, nɛn sinɑ boko, bɑ wunɛn sɑnum wɑɑmɔ wunɛn sɑ̃ɑ yee dɛɛrɑrɔ.

Womusu 68:25 ပူးပေါင်းရင်းမြစ်များ

Bɑndun Gɑri I 13:8

Mɑ Dɑfidi kɑ Isirelibɑ kpuro bɑ bu swĩi bɑ mɔrɔkunu soomɔ kɑ ɡɔ̃ɔɡenu, kɑ bɑrɑ kpɑ̃nu, kɑ sɛkɛtirɛnu, kɑ yɑnkokonu. Mɑ bɑ womusu mɔ̀ bɑ yɑɑmɔ kɑ ben dɑm kpuro bɑ kɑ Gusunɔ sɑ̃ɑmɔ.

Womusu 63:3

Wee nɑ wɑ̃ɑ wunɛn sɑ̃ɑ yerɔ nɑ nun mɛɛrɑ, kpɑ n kɑ wunɛn dɑm kɑ wunɛn yiiko wɑ.

Womusu 77:14

Gusunɔ, wunɛn swɛɛ yi dɛɛrewɑ. Wɑrɑ u kɑ nun kpɑ̃ɑru nɛ.

Womusu 87:7

Be bɑ womusu mɔ̀ bɑ yɑɑmɔ, bɑ koo nɔɔɡiru suɑ bɑ n mɔ̀, Yinni, bɛsɛn nuuru kpuro tɑ woowɑ wunɛn mi.

Yɑribu 15:20

Yen biruwɑ Aronin sesu Mɑriɑmu wi u sɑ̃ɑ Gusunɔn sɔmɔ, u bɑrɑ kpɑ̃ru suɑ mɑ tɔn kurɔbu kpuro bɑ nùn swĩi bɑ bɑrɑ kpɑ̃nu soomɔ bɑ yɑɑmɔ.

Yeremi 31:13

Wɔndiɑbɑ bɑ koo nuku dobu ko, bɑ n yɑɑmɔ. Mɛyɑ mɑɑ ɑluwɑɑsibɑ kɑ durɔ tɔkɔnu ko n yɛ̃ɛrimɔ. Domi kon ben nuku sɑnkirɑnu ɡɔsiɑ nuku dobu, n bu nukuru yɛmiɑsiɑ. Kpɑ n mɑɑ ben nɔni swɑ̃ɑru ɡɔsiɑ bɔri yɛndu.

Yeremi 31:4

Bɛɛ Isirelibɑ, kon mɑɑ wure n bɛɛ swĩi, kpɑ i yɔ̃rɑ. Kon de i bɛɛn bɑrɑnu so, kpɑ i yɑri i n yɑɑmɔ be bɑ nuku dobu mɔ̀n suunu sɔɔ,

Kpɑrobu 11:34

Sɑnɑm mɛ Yɛfite u ɡɔsirɔ win wuuɔ, Misipɑɔ, yerɑ win bii wɔndiɑ u yɑrimɑ u nùn sennɔ wee, u bɑrɑ kpɑ̃ru soomɔ u yɑɑmɔ. N deemɑ bii wɔndiɑ wi turowɑ u mɑrɑ. Uǹ mɑɑ bii ɡoo mɔ.

Sɑmuɛli I 18:6

Sɑɑ yè sɔɔ tɑbu kowobɑ wee tɑbu ɡberun di, mi Dɑfidi u Filisiti wi ɡo, yerɑ tɔn kurɔbɑ yɑrimɑ Isirelibɑn wusu kpuron di bu kɑ Sɔɔlu sennɑ. Bɑ yɑɑmɔ bɑ bɑrɑnu kɑ mɔrɔkunu soomɔ, bɑ kuuki mɔ̀ kɑ nuku dobu.