Womusu 68:20 - Bibeli Gusunɔn Gari

²⁰ Gusunɔ u rɑ sun nɔɔri. Wiyɑ u sɑ̃ɑ bɛsɛn fɑɑbɑ kowo. Yen sɔ̃, sɑ ko nùn siɑrɑ tɔ̃ɔ bɑɑtere.

Womusu 68:20 ပူးပေါင်းရင်းမြစ်များ

Womusu 56:13

Gusunɔ, kon nɛn nɔɔ mwɛɛru yibiɑ te nɑ nun kuɑ. Kon yɑ̃kunu ko n kɑ nun siɑrɑ.

Yɑribu 15:2

Yinni Gusunɔwɑ nɛn dɑm, wiyɑ nɑ siɑrɑmɔ kɑ nɛn womu. Wiyɑ u mɑn fɑɑbɑ kuɑ. Wiyɑ nɛn Yinni, kon nùn bɛɛrɛ wɛ̃. Wiyɑ nɛn bɑɑbɑn Yinni, kon nùn wɔlle suɑ.

Mɔnnu 4:23

A de ɑ n tii sɛ kɑ bwisiku ni ɑ mɔ̀ wunɛn tii tii sɔɔ, domi niyɑ nu kpuro kere, niyɑ nu wunɛn wɑ̃ɑru kpɑre.

Esɑi 12:2

Wunɑ ɑ sɑ̃ɑ bɛsɛn Yinni, ɑ sun fɑɑbɑ mɔ̀. Sɑ nun nɑɑnɛ sɑ̃ɑ, sɑ ǹ mɑɑ ɡɑ̃ɑnun bɛrum mɔ. Domi wunɑ ɑ sɑ̃ɑ bɛsɛn dɑm, wunɑ sɑ siɑrɑmɔ. Wunɑ ɑ sɑ̃ɑ bɛsɛn fɑɑbɑ kowo.

Osee 1:7

Adɑmɑ kon Yudɑbɑ wɔnwɔndu kuɑ, kpɑ nɛn tii n bu fɑɑbɑ ko nɛ wi nɑ sɑ̃ɑ Gusunɔ ben Yinni. Adɑmɑ n ǹ mɔ kon kɑ ben yibɛrɛbɑ tɑbu ko. Nɑ ǹ tɛndu dendimɔ ǹ kun mɛ tɑkobi ǹ kun mɛ dumi kɑ yin mɑɑsɔbu.

Yohɑnu 4:22

Bɛɛ Sɑmɑriɡibu, i ǹ yɛ̃ wi i sɑ̃ɑmɔ. Bɛsɛ Yuubɑ sɑ yɛ̃ wi sɑ sɑ̃ɑmɔ domi fɑɑbɑ yɑ weewɑ sɑɑ Yuubɑn min di.

Yohɑnu 5:21

Nɡe mɛ Bɑɑbɑ u rɑ ɡɔribu seeye kpɑ u bu ko wɑsobu, nɡe mɛyɑ mɑɑ, be Bii u kĩ u wɑ̃ɑru wɛ̃, u bu tu wɛ̃ɛmɔ.

Yohɑnu 5:23

kpɑ tɔmbu kpuro bu kɑ Bii bɛɛrɛ wɛ̃ nɡe mɛ bɑ Bɑɑbɑ bɛɛrɛ wɛ̃ɛmɔ. Wi u kun Bii bɛɛrɛ wɛ̃, Bɑɑbɑwɑ u ǹ bɛɛrɛ wɛ̃, wi u nùn ɡɔrimɑ.

Sɔ̃ɔsiru 32:39

Yinni Gusunɔ u nɛɛ, nɛnɑ nɑ wɑ̃ɑ. Goo mɑɑ sɑri wi u sɑ̃ɑ Gusunɔ. Nɛnɑ nɑ rɑ ɡo, nɛnɑ nɑ rɑ mɑɑ seeye. Nɛnɑ nɑ rɑ mɛɛrɑ ko kpɑ n wure n bɛkiɑ. Goo sɑri wi u koo kpĩ u tɔnu wɔrɑ nɛn nɔmun di.

Kɑ̃siru 1:18

Wiyɑ u sɑ̃ɑ wɑso, u rɑɑ ɡu ɑdɑmɑ tɛ̃ u ko n wɑ̃ɑwɑ kɑ bɑɑdommɑɔ. U yiiko mɔ ɡɔɔn wɔllɔ kɑ ɡɔribun wɑ̃ɑ yerɔ.

Kɑ̃siru 20:1

Yen biru nɑ kpɑm wɔllun ɡɔrɑdo ɡoo wɑ u sɑrɑm wee wɔllun di, u wɔru bɔkɔ nɔru sɑriruɡuu ɡen kɔkɔrɔ nɛni kɑ yɔni bɛkɛ.

Sɑmuɛli I 2:6

Yinni Gusunɔwɑ u rɑ de tɔnu u ɡbi. Wiyɑ u rɑ mɑɑ de u n wɑ̃ɑ. Wiyɑ u rɑ de u dɑ ɡɔriɔ. Wi turo wiyɑ u rɑ mɑɑ nùn yɑre min di.