Womusu 67:2 - Bibeli Gusunɔn Gari

² Gusunɔ, ɑ bɛsɛn wɔnwɔndu wɑɑwo, kpɑ ɑ sun domɑru kuɑ. A de ɑ kɑ sun nɔnu ɡeu mɛɛri,

Womusu 67:2 ပူးပေါင်းရင်းမြစ်များ

Womusu 117:2

Win tɔn ɡee te u rɑ sun sɔ̃ɔsi tɑ kpɑ̃. Win bɔrɔkiniru tɑ rɑ n wɑ̃ɑwɑ sere kɑ bɑɑdommɑɔ. I Yinni Gusunɔ siɑro.

Womusu 4:7

Tɔn dɑbirɑ weeweenu mɔ̀ tɑ mɔ̀, Gusunɔ, ɑ kɑ sun bɔri yɛndu nɑɑwɔ. Yinni, ɑ kɑ sun nɔnu ɡeu mɛɛrio.

Womusu 41:5

Wee, nɑ ɡerumɔ nɑ mɔ̀, Yinni Gusunɔ, ɑ nɛn wɔnwɔndu wɑɑwo, ɑ nɛn hunde bɛkio. Domi nɑ nun torɑri.

Womusu 43:5

Mbɑn sɔ̃nɑ nɑ kon nuki sɑnkire, kpɑ nɑ n weeweenu mɔ̀ nɛn ɡɔ̃ruɔ. Nɑ kon nɛn nɑɑnɛ dokewɑ wunɛ sɔɔ, kpɑ n wure n nun siɑrɑ. A sɑ̃ɑwɑ nɛn Yinni kɑ nɛn Fɑɑbɑ kowo.

Esɑi 49:6

U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

Esɑi 52:10

U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.

Dɑniɛli 9:17

Gusunɔ, ɑ nɛn nɔɔ swɑɑ dɑkio kpɑ ɑ nɛn kɑnɑru nɔ. A wunɛn sɑ̃ɑ yee te tɑ bɑnsu sɑ̃ɑ mi mɛɛrio wunɛn yĩsirun sɔ̃.

Mɑteu 28:19

Yen sɔ̃, i doo bwesenu kpuron mi, kpɑ i bu ko nɛn bwɑ̃ɑbu. I bu bɑtɛmu koowo kɑ Bɑɑn yĩsiru kɑ Biiɡiru kɑ Hunde Dɛɛroɡiru.

Luku 3:6

Tɔmbu kpurowɑ bɑ koo Gusunɔn fɑɑbɑ wɑ.”

Gɔrobun Kookoosu 13:10

u nɛɛ, wunɛ wi ɑ tɑki dibu kɑ dɑɑ kɔ̃sɑ yibɑ, wunɛ Setɑm bii kɑ ɡɑ̃ɑ ɡeenu kpuron wɛrɔ, sere dommɑ kɑɑ n kɑsu ɑ Gusunɔn ɡem ɡɔsiɑ weesu.

Gɔrobun Kookoosu 18:25

N deemɑ bɑ rɑɑ nùn Yinnin swɑɑ sɔ̃ɔsi mɑ u ye wɑɑsu mɔ̀ kɑ kĩru, u rɑ mɑɑ Yesun ɡɑri tubusie dee dee, ɑdɑmɑ Yohɑnun bɑtɛmu kobu tɔnɑwɑ u yɛ̃.

Gɔrobun Kookoosu 22:4

Nɑ mɑɑ swɑɑ yen tɔmbu nɔni sɔ̃ɔwɑ ɡoo ɡookum, nɑ yen tɔn durɔbu kɑ tɔn kurɔbu mwɛɛrɑ nɑ bɔkuɑ nɑ pirisɔm doke.

Gɔrobun Kookoosu 9:31

Nɡe mɛyɑ Yesun yiɡbɛru Yudeɑɔ kɑ Gɑlileɔ, kɑ Sɑmɑriɔ, tɑ kɑ ɑlɑfiɑ wɑ, tɑ dɑm mɔ̀, mɑ tɑ sosimɔ tɑ dɔɔ Yinni Gusunɔn nɑsiɑru sɔɔ kɑ Hunde Dɛɛron dɑm kɛ̃ru.

Titu 2:11

Domi Gusunɔ u win durom sɔ̃ɔsi tɔmbu kpuron fɑɑbɑn sɔ̃.