Womusu 65:13 - Bibeli Gusunɔn Gari

¹³ Debu te, tɑ wɑ̃ɑwɑ kɑ kpɑrɑ yenɔ, mɑ nuku dobu nɔɔrɑmɔ ɡuunɔ.

Womusu 65:13 ပူးပေါင်းရင်းမြစ်များ

Yoobu 36:31

Kɑ yebɑrɑ u rɑ kɑ tɔmbu siri. Kpɑ u mɑɑ kɑ bu dĩɑnu wɛ̃ nu n kpɑ̃.

Womusu 144:13

A de bɛsɛn birɑnu nu dĩɑ bwese bwesekɑ yibu, kpɑ bɛsɛn yɑɑ sɑbenu nu dɑbiɑ nu ko subɑ nɔrɔm nɔrɔm kɑ nɔrɔm nɔrɔm subɑ wɔku wɔkubu bɛsɛn ɡberu kpɑɑnɛɔ.

Womusu 72:16

Kpɑ ɑlikɑmɑ yu mɑrurɑ tem sɔɔ kɑ ɡuunɔ. Kpɑ yen winu nu n wom soorɑmɔ nɡe Libɑnin dɑ̃nu. Mɛyɑ mɑɑ tɔmbɑ koo mɑrurɑ wusu sɔɔ nɡe yɑkɑ bii.

Esɑi 30:23

Sɑɑ yerɑ Gusunɔ u koo de ɡurɑ yu nɛ bɛɛn dĩɑ ni i duurɑ sɔɔ, kpɑ dĩɑ ni, nu ɡeɑ ko nu mɑ. Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.

Esɑi 35:10

bu kɑ dɑ Siɔniɔ kɑ nɑsɑrɑn womusu. Ben wuswɑɑ yɑ n nuku dobu sɔ̃ɔsimɔ bɑɑdommɑ, kpɑ weeweenu kɑ nuku sɑnkirɑnu nu bu doonɑri.

Esɑi 44:23

Wɔllu, ɑ yɛ̃ɛrio ye Yinni Gusunɔ u kuɑn sɔ̃. Gɔribun wɑ̃ɑ yeru, ɑ ɡɔ̃ru doro. Bɛɛ ɡuunu i kuuki koowo kɑ nuku dobu. Bɛɛ mɑɑ dɑ̃ɑ sɔ̃su, i nuku dobu koowo. Domi Yinni Gusunɔ u win yiiko sɔ̃ɔsi Isireliɔ. U be, Yɑkɔbun bweseru yɑkiɑ.

Esɑi 49:13

Wɔllu, ɑ yɛ̃ɛrio. Tem, ɑ nukuru doro. Bɛɛ mɑɑ ɡuunu, i dɛsiru kɑro. Domi Yinni Gusunɔ u win tɔmbu nukuru yɛmiɑsiɑmɔ. Be bɑ nɔni sɔ̃ɔre, u ben wɔnwɔndu mɔ.

Esɑi 52:9

Yerusɑlɛmun bɑnsu, ɑ kuuki koowo kɑ nuku dobu, domi Yinni Gusunɔ u win tɔmbun nukuru yɛmiɑsiɑ. U Yerusɑlɛmu yɑkiɑ.

Esɑi 55:12

Kɑ ɡem, i ko yɑri yorun di kɑ nuku dobu, kpɑ bu bɛɛ kpɑrɑ ɑlɑfiɑ sɔɔ. Guunu kɑ ɡunɡunu nu koo yɛ̃ɛri bɛɛn wuswɑɑɔ, kpɑ dɑ̃ɑ ni nu wɑ̃ɑ yɑkɑsɔ nu tɑki ko.

Yeremi 48:33

Nuku dobun womusu kun mɑɑ wɑ̃ɑ Mɔɑbubɑn ɡbeɑɔ. Goo ku rɑ mɑɑ tɑm ɡɑmɛ mi. Tɑm sɑri wekenu sɔɔ. Nuku dobun kuuki kun mɑɑ nɔɔrɑmɔ mi, mɑ n kun mɔ tɑbuɡii.

Yoɛli 2:22

Bɛɛ ɡbeeku yɛɛ, i ku nɑndɑ. Domi yɑkɑsu su koo wure su kpi temɔ, kpɑ dɑ̃nu nu mɑ. Fiɡie kɑ resɛm yɑ koo binu mɑ siki siki.

Sɑkɑri 9:17

Tem miyɑ doo nɔɔru kɑ burɑm mu ko n wɑ̃ɑ. Alikɑmɑ kɑ tɑm koo de ɑluwɑɑsibɑ kɑ wɔndiɑbɑ bɑ n dɑm mɔ.

Gɔrobun Kookoosu 14:17

Adɑmɑ u ǹ tii deri seedɑ sɑri, u ɡeɑ kuɑ, u bɛɛ ɡurɑ nɛɛsiɑmmɛ i kɑ dĩɑnu wɑ ɡbeɑɔ nin sɑɑ sɔɔ, kpɑ i n kɑ nuku dobu mɔ.