Womusu 64:6 - Bibeli Gusunɔn Gari

⁶ Bɑ tii dɑm kɛ̃mɔwɑ kɔ̃sɑn kobu sɔɔ. Bɑ rɑ nɔɔ tiɑ ko bu kɑ tɔmbu yinɑ bɛriɑ bɑ n mɔ̀, ɡoo kun bu wɑsi.

Womusu 64:6 ပူးပေါင်းရင်းမြစ်များ

Torubu 39:15

Ye u nuɑ nɑ wurɑ kuɑ mɛ, u mɑn win bekuru deriɑ u dukɑ yɑrɑ tɔɔwɔ.

Womusu 10:11

Bɑ rɑ tii sɔ̃wɑ bu nɛɛ, Gusunɔ kun ben ɡɑri mɔ̀. U ku rɑ mɛɛri ye bɑ mɔ̀.

Womusu 35:11

Wee, wee kowobu bɑ seewɑ bɑ mɑn ɡɑri mɑnimɔ yi nɑ ǹ yɛ̃.

Womusu 49:11

Domi sɑ wɑɑmɔ mɑ bwisiɡibu kɑ ɡɑri bɑkɑsu kpurowɑ bɑ ɡbimɔ. Mɑ bɑ ben dukiɑ derimɔ ɡɑbu bu ɡurɑ.

Womusu 5:9

Yinni Gusunɔ, ɑ sɑ̃ɑwɑ bɔrɔkini. Yinni Gusunɔ, ɑ mɑn swɑɑ sɔ̃ɔsio ye ɑ kĩ n swĩi. Yinni Gusunɔ, ɑ nɛn yibɛrɛbɑ sɔ̃ɔsio mɑ wunɑ ɑ mɑn kpɑre.

Mɔnnu 20:5

Tɔnun ɡɔ̃run bwisikunu nu sɑ̃ɑwɑ nɡe nim bweru te tɑ duku, ɑdɑmɑ wi u bwisi mɔ wiyɑ rɑ n nim mɛn tɑkɑm yɛ̃.

Esɑi 29:15

Bɔ̃rurobɑ bɛɛ be i rɑ bɛɛn himbɑ Yinni Gusunɔ berue, kpɑ i n bɛɛn kookoosu mɔ̀ yɑm wɔ̃kuru sɔɔ, kpɑ i n ɡerumɔ i n mɔ̀ wɑrɑ u bɛɛ wɑɑmɔ, nɡe wɑrɑ u bɛɛ yɛ̃.

Mɑteu 26:59

Yɑ̃ku kowo tɔnwerobu kɑ ɡuro ɡurobun mɛnnɔ kpuro bɑ seedɑ weesuɡiɑ kɑsu bu Yesu mɑni bu wɑ bu kɑ nùn ɡo.

Yohɑnu 19:7

Mɑ Yuubɑ bɑ nùn sɔ̃ɔwɑ bɑ nɛɛ, sɑ woodɑ ɡɑɑ mɔ ye yɑ ɡerumɔ bu nùn ɡo yèn sɔ̃ u win tii nɛɛ Gusunɔn Bii.

Korinti I 4:5

Yen sɔ̃, i ku rɑ mɑɑ ɡɑ̃ɑnun siribu ko tɔ̃ɔ te, tu sere nɑ sere Yinni ù n tunumɑ. Wiyɑ u koo kpuro yɑrɑmɑ bɑtumɑɔ ye yɑ beruɑ wɔ̃kuru sɔɔ, kpɑ u tɔmbun ɡɔ̃rusun bwisikunu sɔ̃ɔsi. Sɑnɑm mɛ sɔɔrɑ bɑɑwure u koo win siɑrɑbu nɔ Gusunɔn mi.

Sɑmuɛli I 22:9

N deemɑ Dɔɛɡu Edɔmu wi, u wɑ̃ɑ kɑ Sɔɔlun bwɑ̃ɑbu sɑnnu dɔmɑ te. Yerɑ u wisɑ u nɛɛ, nɑ Isɑin bii wi wɑ Nɔbuɔ Akimɛlɛki, Akitubun biin mi.

Sɑmuɛli I 24:9

Yen biruwɑ Dɑfidi u yɑrimɑ wɔru ɡen min di u Sɔɔlu sokɑ u nɛɛ, nɛn yinni, sunɔ. Mɑ Sɔɔlu u sĩirɑ u mɛɛrimɑ biruɔ. Yerɑ Dɑfidi u yiirɑ u wuswɑɑ tem ɡirɑri u nùn bɛɛrɛ wɛ̃.

Sɑmuɛli I 25:10

Yerɑ Nɑbɑli u bu wisɑ u nɛɛ, wɑrɑ rɑ n Dɑfidi, Isɑin bii. Tɛ̃ sɔɔ, yoo ɑluwɑɑsi dɑbirɑ tɑ rɑ kpikiru su sɑɑ ben yinnibun min di.