Womusu 64:5 - Bibeli Gusunɔn Gari

⁵ bu kɑ wi u kun ɡɑ̃ɑnu kue to ɑsiri sɔɔ.

Womusu 64:5 ပူးပေါင်းရင်းမြစ်များ

Torubu 20:13

Yen sɔ̃, sɑɑ mìn di Gusunɔ u mɑn yɑrɑ nɛn yɛnun di nɑ bɔsu, nɑ nùn sɔ̃ɔwɑ nɑ nɛɛ, u mɑn biru wukirio. Mi sɑ duɑ kpuro u n dɑ nɛɛ, u sɑ̃ɑwɑ nɛn sesu.

Yoobu 22:13

Kɑ mɛ, ɑ ɡerumɔ ɑ mɔ̀, mbɑ Gusunɔ u yɛ̃. U ǹ kpɛ̃ u tɔnu siri ɡuru wiru sɔɔ.

Womusu 10:11

Bɑ rɑ tii sɔ̃wɑ bu nɛɛ, Gusunɔ kun ben ɡɑri mɔ̀. U ku rɑ mɛɛri ye bɑ mɔ̀.

Womusu 124:7

U derɑ bɛsɛn hunde yɑ kisirɑ sɑɑ tɑɑn di nɡe ɡunɔ. Tɑɑ yɑ kɑsikirɑ mɑ sɑ yɑrɑ.

Womusu 140:5

Yinni Gusunɔ, ɑ mɑn tɔn kɔ̃so ɡbɑro. A mɑn ɡbɑnɑɡibu ɡiro be bɑ kɑsu bu mɑn surɑ.

Womusu 59:7

Yokɑ bɑɑyere bɑ rɑ nɛwɑ bɑ n wori nɡe bɔ̃nu kpɑ bɑ n kɑ wuu sikerenɛ.

Womusu 94:7

Bɑ mɔ̀, Yinni Gusunɔ kun sun mɛɛrɑ. Gusunɔ Yɑkɔbun Yinni wi, kun bɛsɛn lɑɑkɑri mɔ̀.

Yɑribu 15:9

Wɛrɔ u nɛɛ, u koo bu nɑɑ swĩi kpɑ u bu nɑɑmwɛ. U koo mɔru kɔsiɑ be sɔɔ nɡe mɛ u kĩ, kpɑ u tɑkobi womɑ u bu ɡo kɑ win nɔmɑ, kpɑ u ben dukiɑ bɔnu ko.

Esɑi 41:6

Bɑ sominɑmɔ. Ben bɑɑwure u win winsim sɔ̃ɔmɔ u mɔ̀, u hɑniɑ koowo.

Esekiɛli 8:12

Yinni Gusunɔ u bikiɑ u nɛɛ, tɔnun bii, ɑ wɑ ye Isirelibɑn ɡuro ɡurobu bɑ mɔ̀ ɑsiri sɔɔ? Ben bɑɑwure u win bũu yeru mɔ. Mɑ bɑ tii ɡɑfɑrɑ kuɑmmɛ bɑ mɔ̀, nɛ, Yinni Gusunɔ nɑ ǹ bu wɑɑmɔ. Domi nɑ ben tem deri.

Gbɑburu 22:6

Yen sɔ̃, nɑ nun kɑnɑmɔ ɑ nɑ ɑ mɑn tɔn be bɔ̃rusiɑ. Domi bɑ mɑn dɑm kere. À n kuɑ mɛ, sɔrɔkudo kon kpĩ n bu kɑmiɑ n ɡirɑ nɛn tem di. Domi nɑ yɛ̃ mɑ wi ɑ domɑru kuɑ u rɑ domɑru wɑ. Wi ɑ mɑɑ bɔ̃rusi, u rɑ bɔ̃ri wɑ.

Mɑteu 23:15

Bɛɛ woodɑ yɛ̃robu kɑ Fɑlisibɑ murɑfiti bɛɛ, i ko nɔni swɑ̃ɑru wɑ! Domi i sirenɛ yɑm kpuro temɔ kɑ nim wɔ̃kuɔ i kɑsu wi u koo bɛɛ swĩi. Mɑ ì n nùn wɑ i rɑ nùn ko kɑm koore wi u bɛɛ kere nɔn yiru.

Kɑ̃siru 11:10

Hɑnduniɑn tɔmbun nukurɑ koo dorɑ, bɑ koo tɔ̃ɔ bɑkɑru ko kpɑ bu kɛ̃nu mɔrisiɑnɑ yèn sɔ̃ Gusunɔn sɔmɔbu yiru be bɑ rɑɑ hɑnduniɑɡibu tɔ̃yɑ kuɑ mi, bɑ ɡu.

Kpɑrobu 20:22

Mɑ Isirelibɑ bɑ dɑ bɑ Gusunɔ weeweenu koosi sere n kɑ kuɑ yokɑ. Mɑ bɑ nùn bikiɑ bɑ nɛɛ, bu mɑɑ ben mɛro bisi be wɔrio? Mɑ Yinni Gusunɔ u nɛɛ, oo, bu doo. Sɑɑ yerɑ bɑ dɑm wɑ. Mɑ bɑ ben tɑbu sĩɑ kpĩ mi bɑ rɑɑ yellu kpĩ bɑ kɑ Bɛnyɑmɛɛ be wɔri.