Womusu 64:4 - Bibeli Gusunɔn Gari

⁴ Bɑ ben yɑrɑ nɔɔ derɑmɔ nɡe tɑkobi, kpɑ bɑ n ɡɑri kɔ̃si kɑsukumɔ nɡe sɛ̃ɛnu,

Womusu 64:4 ပူးပေါင်းရင်းမြစ်များ

Sɑmuɛli II 15:14

Mɑ Dɑfidi u win bwɑ̃ɑ be bɑ kɑ nùn wɑ̃ɑ Yerusɑlɛmuɔ sɔ̃ɔwɑ u nɛɛ, ǹ n mɛn nɑ, i seewo su kpikiru su. Mɑ n kun mɛ, bɛsɛn ɡoo kun kisirɑmɔ Abusɑlɔmun nɔmɑn di. I wɑsi suo su doonɑ, u ku rɑɑ sun deemɑ mini u sun wɑhɑlɑ doke. Kpɑ u wuu ɡe wɔri u ɡen tɔmbu ɡo.

Nɛɛmi 4:11

Be bɑ mɑɑ ɡbɑ̃rɑ te bɑnimɔ kɑ be bɑ kpenu ɡurɑmɔ, bɑ rɑ n nɔm teuɔ tɑbu yɑ̃nu nɛniwɑ kpɑ bɑ n kɑ teu sɔmburu mɔ̀.

Womusu 11:2

Wee tɔn kɔ̃so u win tɛndu bɛri, u win sɛ̃u sɔri u kɑ tɑɑrɛ sɑriruɡii to yɑm wɔ̃kuru sɔɔ.

Womusu 55:19

A ǹ kɑɑ de yibɛrɛbɑ bu mɑn nɔmɑ turi bɑɑ mɛ bɑ dɑbi. Kɑɑ mɑn bɔri yɛndu wɛ̃.

Womusu 55:22

Gɑri doriyɑ yi rɑ n wɑ̃ɑ tɔn kɔ̃so win nɔɔwɔ. Adɑmɑ tɑbun ɡɑriyɑ yi rɑ n wɑ̃ɑ win nukurɔ. Mɛyɑ mɑɑ win ɡɑri yi rɑ n kokumɔwɑ nɡe ɡum yɑrum. Adɑmɑ yi rɑ n sɑ̃ɑwɑ nɡe tɑkobibɑ.

Womusu 57:5

Wee nɑ wɑ̃ɑ tɔn kɔ̃sobun suunu sɔɔ be bɑ sɑ̃ɑ nɡe ɡbee sinɑn si su rɑ tɔmbu tem. Ben donnɑ nu sɑ̃ɑ ben yɑɑsi kɑ ben sɛ̃ɛnu. Mɑ ben yɑrɑ sɑ̃ɑ nɡe tɑkobi ye yɑ nɔɔ do.

Womusu 64:7

Kɔ̃sɑ bɑ himbɑ mɔ̀ bɑ mɔ̀, ben kpunɑɑ ye, yɑ wɑ̃wɑ mɑm mɑm. Domi ɡoo kun kpɛ̃ u tɔnun ɡɔ̃run ɡɑri tubu.

Hɑbɑkuku 3:14

A yibɛrɛbɑn sinɑmbun winu yɑburɑ kɑ ben tiin sɛ̃ɛnu. Bɑ rɑɑ sun wɔrim wee kɑ sɛndɑru nɡe woo bɔkɔ, bu kɑ sun yɑrinɑsiɑ. Bɑ nuku dobun kuuki mɔ̀. Bɑ sɔɔru sɑ̃ɑ bu kɑ sun ɡo bɛsɛn kuku yenɔ.

Yohɑnu 19:6

Sɑnɑm mɛ yɑ̃ku kowo tɔnwerobu kɑ sɑ̃ɑ yerun kɔ̃sobu bɑ nùn wɑ, mɑ bɑ ɡbɑ̃sukum wɔri bɑ nɛɛ, ɑ nùn kpɑreo, ɑ nùn kpɑreo dɑ̃ɑ bunɑnɑru sɔɔ. Pilɑti u bu sɔ̃ɔwɑ u nɛɛ, bɛɛn tii i nùn mɔɔ kpɑ i nùn kpɑre dɑ̃ɑ bunɑnɑru wɔllɔ kɑ bɛɛn tii. Domi nɛ nɑ kun torɑru ɡɑru wɑ wi sɔɔ.

Sɑmuɛli I 18:11

Mɑ u ye fĩɑ u kɑ Dɑfidi sɔku u nɛɛ, kon kɑ nùn ɡɑnɑ mɛnnɑwɑ. Nɡe mɛyɑ u kuɑ sere nɔn yiru, ɑdɑmɑ Dɑfidi u ye kpuro fukɑ mɑ Sɔɔlu u nùn kɔmiɑ.

Sɑmuɛli I 19:10

Sɔɔlu u kĩ u Dɑfidi yɑɑsɑ kɑrɑ u kɑ ɡɑnɑ mɛnnɑ, ɑdɑmɑ Dɑfidi u fukɑ mɑ Sɔɔlun yɑɑsɑ yɑ dɑ yɑ ɡirɑ ɡɑnɑɔ. Yerɑ Dɑfidi u kurɑ u dukɑ suɑ wɔ̃ku te.