Womusu 61:2 - Bibeli Gusunɔn Gari

² Gusunɔ, ɑ nɛn weeweenu nɔɔwɔ, kpɑ ɑ nɛn kɑnɑru nɔ.

Womusu 61:2 ပူးပေါင်းရင်းမြစ်များ

Womusu 142:3

Nɑ nùn nɛn nuku sɑnkirɑnu sɔ̃ɔmɔ. Nɑ nùn nɛn wɑhɑlɑ sɑɑriɑmmɛ.

Womusu 143:4

Yen sɔ̃nɑ nɛn hunde yɑ dɑm dwiiyɑ, mɑ nɑ nuki sɑnkire too.

Womusu 17:1

Dɑfidin kɑnɑru. Yinni Gusunɔ, ɑ nɛn weeweenu nɔɔwɔ, nɑ kĩwɑ ɑ mɑn ɡem wɛ̃. Yinni Gusunɔ, ɑ swɑɑ tem kpĩiyɔ ɑ nɔ, wunɛn somirɑ nɑ kĩ. A nɛn kɑnɑru nɔɔwɔ, nɛn ɡɔ̃run diyɑ tɑ wee.

Womusu 18:2

Yinni Gusunɔ, wunɑ ɑ sɑ̃ɑ nɛn dɑm. Wunɑ nɑ kĩ.

Womusu 18:46

Bɑ̀ n mɑn wɑ, bɑ rɑ nɑndewɑ. Bɑ̀ n mɑn wɑ, bɑ rɑ yɑrimɛwɑ ben kuku yerun di bɑ n diirimɔ.

Womusu 27:5

Domi u koo mɑn bere win wɑ̃ɑ yerɔ nɔni swɑ̃ɑrun sɑnɑm, kpɑ u kɑ mɑn dɑ kperu wɔllɔ mi ɡoo kun mɑn nɑɑ turi.

Womusu 40:2

nɑ nɛn yĩiyɔbu doke Yinni Gusunɔn mi. Mɑ u mɑn sĩiremɑ u nɛn nɔɔ swɑɑ dɑki.

Womusu 42:6

Mbɑn sɔ̃nɑ ko nɑ n nuki sɑnkire, kpɑ nɑ n weeweenu mɔ̀. Nɑ ko n nɛn yĩiyɔbu doke Gusunɔ nɛn Yinnin mi, kpɑ n mɑɑ nùn siɑrɑ. Domi u sɑ̃ɑwɑ nɛn Yinni kɑ nɛn Fɑɑbɑ kowo.

Womusu 43:5

Mbɑn sɔ̃nɑ nɑ kon nuki sɑnkire, kpɑ nɑ n weeweenu mɔ̀ nɛn ɡɔ̃ruɔ. Nɑ kon nɛn nɑɑnɛ dokewɑ wunɛ sɔɔ, kpɑ n wure n nun siɑrɑ. A sɑ̃ɑwɑ nɛn Yinni kɑ nɛn Fɑɑbɑ kowo.

Womusu 55:5

Nɑ nuki sɑnkire too nɛn ɡɔ̃ruɔ. Mɑ ɡɔɔn bɛrum mɑn nɛnuɑ.

Womusu 62:2

Kɑ ɡeemɑ, Gusunɔ wunɛ sɔɔrɑ nɛn nɑɑnɛ wɑ̃ɑ. Wunɑ ɑ rɑ mɑn fɑɑbɑ ko.

Womusu 62:6

Gusunɔ, wunɛ sɔɔrɑ nɛn nɑɑnɛ wɑ̃ɑ. Wunɛ sɔɔrɑ nɛn yĩiyɔbu wɑ̃ɑ.

Womusu 77:3

Nɑ̀ n nuki sɑnkire, nɑ rɑ Gusunɔ kɑsuwɑ. Wɔ̃kuru nɑ ku rɑ wɛ̃re. Nɑ rɑ nɛn nɔmɑ yiiyewɑ wɔllɔ nɑ̀ n kɑnɑru mɔ̀. Adɑmɑ kɑ mɛ, nɛn bwɛ̃rɑ ku rɑ kpunɛ.

Esɑi 32:2

Ben bɑɑwure u ko n sɑ̃ɑwɑ nɡe kuku yeru woo bɔkɔn sɔ̃, ǹ kun mɛ nɡe dɑɑru mi kɑkoru sɑri, ǹ kun mɛ nɡe kpee bɑkɑrun sɑɑru mi dɑ̃ru ɡɑru sɑri.

Esɑi 54:11

Yinni Gusunɔ u nɛɛ, Yerusɑlɛmu, wunɛ wi wɑhɑlɑ yɑ so nɡe woo bɔkɔ, mɑ ɡoo kun nun nukuru yɛmiɑsie, wee, kon wure n wunɛn kpɛɛkpɛɛku swĩi kpɑ n nun bɑni kɑ kpee ɡobiɡinu.

Luku 22:44

Nuku sɑnkirɑ bɑkɑnu sɔɔ u kɑnɑru mɔ̀ kɑ dɑm, mɑ win wɛnyɑnu kuɑ nɡe yɛm nu dɑ̃ɑkumɔ temɔ.]

Sɔ̃ɔsiru 4:29

Miyɑ i ko i Gusunɔ bɛsɛn Yinni kɑsu. Ì n nùn kɑsu kɑ bɛɛn ɡɔ̃ru kpuro, kɑ bɛɛn bwɛ̃rɑ kpuro, i ko i nùn wɑ.