Womusu 60:3 - Bibeli Gusunɔn Gari

³ Gusunɔ, wee ɑ sun yinɑ mɑ ɑ sun yɑrinɑsiɑ. Bɑɑ mɛ ɑ mɔru sɑ̃ɑ, ɑ sun seeyo.

Womusu 60:3 ပူးပေါင်းရင်းမြစ်များ

Nɛɛmi 9:32

Gusunɔ bɛsɛn Yinni, ɑ kpɑ̃, ɑ mɑɑ dɑm mɔ. Wunɑ ɑ durom bɑkɑm mɔ. Mɑ ɑ wunɛn ɑrukɑwɑni nɛni ye ɑ kɑ sun bɔkuɑ. A bɛsɛn wɑhɑlɑ mɛɛrio ye sɑ mɔ̀ bɛsɛ kɑ bɛsɛn sinɑmbu kɑ ben sinɑ ɑsɑkpɔbu kɑ wunɛn sɔmɔbu kɑ bɛsɛn yɑ̃ku kowobu sɑɑ Asirin sinɑmbun wɑɑtin di sere n kɑ ɡisɔ ɡirɑri.

Womusu 71:20

Wunɑ ɑ derɑ sɑ wɑhɑlɑ kɑ nuku sɑnkirɑnu wɑ. Adɑmɑ kɑɑ nɑ ɑ sun wɑ̃ɑru wɛ̃, kpɑ ɑ sun yɑrɑ sɑɑ siki wɔrun di.

Womusu 75:8

Wunɛ Gusunɔwɑ ɑ rɑ tɔmbu siri. Wunɑ ɑ rɑ ɡɑbu kɑwe kpɑ ɑ ɡɑbu wɔlle suɑ.

Womusu 80:4

Yinni Gusunɔ, ɑ sun wɔro. A kɑ sun nɔnu ɡeu mɛɛrio, kpɑ ɑ sun fɑɑbɑ ko.

Womusu 80:8

Gusunɔ wɔllu kɑ tem Yinni, ɑ sun wɔro. A kɑ sun nɔnu ɡeu mɛɛrio kpɑ su fɑɑbɑ wɑ.

Womusu 85:5

Gusunɔ bɛsɛn fɑɑbɑ kowo, ɑ sun wesio nɡe yellu. A ku mɑɑ kɑ sun mɔru ko.

Womusu 89:39

Adɑmɑ wee ɑ sunɔ wi ɑ rɑɑ ɡɔsɑ deri, mɑ ɑ kɑ nùn mɔru kuɑ too.

Esɑi 51:17

Wunɛ Yerusɑlɛmu, ɑ dom yɑndo, ɑ seewo, wunɛ wi ɑ nɔrɑ suɑ Yinni Gusunɔn nɔmun di ye yɑ win mɔru yibɑ, mɑ ɑ ye nɔrɑ sere kɑ yen kɔrɔnɔ. Wee, yɑ nun ɡoomɔ.

Esɑi 51:22

Amɛniwɑ nɛ Gusunɔ, wunɛn Yinni, nɛ wi nɑ nɛn tɔmbu fɑɑbɑ mɔ̀, nɑ ɡeruɑ. Nɑ nɛɛ, kon nɔrɑ ye mwɑ wunɛn nɔmun di, ye yɑ nɛn mɔru yibɑ mɑ yɑ derɑ ɑ bɑ̃ɑrimɔ. A ǹ mɑɑ ye nɔrumɔ.

Yeremi 25:15

Yinni Gusunɔ u win mɔru weesinɑ kɑ tɑm mɛ u doke nɔrɑ sɔɔ u nɛ, Yeremi tĩi u nɛɛ, n ye mɔɔ kpɑ n de bwese nìn mi u mɑn ɡɔriɔ nu ye nɔ.

Swĩi 4:21

Bɛɛ mɑɑ Edɔmubɑ, bɛɛ be i wɑ̃ɑ Usiɔ, i ko kpĩ i nuku dobu ko tɛ̃, ɑdɑmɑ i n yɛ̃ mɑ siribu bɛɛ mɑrɑ. I ko i ko nɡe be tɑm mu ɡoomɔ kpɑ i tereru yɔ̃rɑ.

Dɑniɛli 9:12

Nɡe mɛyɑ ɑ derɑ wunɛn ɡɑri yi koorɑ yi ɑ nɛɛ, kɑɑ bɛsɛ kɑ bɛsɛn wiruɡibu kuɑ. A derɑ Yerusɑlɛmu yɑ nɔni swɑ̃ɑru wɑ tèn bweseru bɑ ǹ wɑɑre ɡɑm.

Hɑbɑkuku 2:16

Yɛ̃ro u tii sekuru dokemɔwɑ mi, n ǹ mɔ bɛɛrɛ. Win tii u mu nɔruo kpɑ u tereru yɔ̃rɑ. Yinni Gusunɔ u koo nùn tilɑsi ko u kɑ win mɔrun nɔrɑ nɔ kpuro, kpɑ win bɛɛrɛ ye u rɑɑ mɔ yu ɡɔsiɑ sekuru.

Kɑ̃siru 16:19

Wuu bɔkɔ ɡe, ɡɑ kurɑnɑ wɑsi itɑ, mɑ tɔn tukobun wusu su wɔrukɑ. Gusunɔ u Bɑbiloni, wuu bɔkɔ ɡe yɑɑyɑ mɑ u ɡu win mɔru bɑkɑn nɔrɑn tɑm wɛ̃ ɡu nɔ.

Kɑ̃siru 18:16

bɑ n mɔ̀, wee, wuu bɔkɔ ɡe, ɡɑ kɑm kuɑ ɡe ɡɑ rɑɑ tii burɑru bɛrɑ kɑ yɑ̃ɑ ni bɑ kuɑ kɑ wɛ̃ɛ dɑmɡii kɑ ni bɑ kuɑ kɑ kɔrɔnnɔ kɑ beku wunɔmɡinu kɑ sere mɑɑ wurɑbɑ kɑ kpee ɡobi bɛkɛɡinu kɑ ɡoo kpikinu.