Womusu 6:2 - Bibeli Gusunɔn Gari

² Yinni Gusunɔ, ɑ kɑ mɑn mɔru sɑ̃ɑ, ɑdɑmɑ nɑ nun kɑnɑmɔ, ɑ ku mɑn ɡerusi, ɑ ku mɑn sɛɛyɑsiɑ.

Womusu 6:2 ပူးပေါင်းရင်းမြစ်များ

Torubu 20:17

N deemɑ Gusunɔ u rɑɑ Abimɛlɛki kɑ win kurɔ kɑ win yobu bɑrɑru kpɛ̃ɛ te tɑ ǹ derimɔ bu mɑ, ye u kɑ Sɑɑrɑɑ mwɑn sɔ̃. Yen sɔ̃nɑ ye u Sɑɑrɑɑ wesiɑ, Aburɑhɑmu u Gusunɔ kɑnɑ, mɑ u bu bɛkiɑ bu kɑ kpĩ bu mɑ.

Yoobu 19:21

Nɛn bɔrɔbɑ, i nɛn wɔnwɔndu wɑɑwo. Domi Yinni Gusunɔwɑ u mɑn sɛɛyɑsiɑmɔ.

Yoobu 5:18

Domi wiyɑ u rɑ tɔnu mɛɛrɑ ko, kpɑ u yɛ̃ron bosu nɔɔri. Wiyɑ u rɑ tɔnu kɔsuku, kpɑ u nùn bɛkiɑ.

Womusu 22:14

Bɑ mɑn kukirisimɔ nɡe ɡbee sunɔ ɡe ɡɑ yɑɑ kɑsu.

Womusu 30:2

Yinni Gusunɔ, kon wunɛn kpɑ̃ɑru kpɑrɑ. Domi ɑ mɑn yɑrɑ sɑɑ wɔrun di. A ǹ mɑɑ dere nɛn yibɛrɛbɑ bu mɑn yɛ̃ɛ.

Womusu 31:10

Yinni Gusunɔ, ɑ mɑn durom kuo. Domi nɑ wɑ̃ɑ nuku sɑnkirɑru sɔɔ. Nuku sɑnkirɑ te, tɑ derɑ nɛn bwɛ̃rɑ kɑ nɛn wuswɑɑ kɑ nɛn wɑsi kpuro burisinɛ.

Womusu 32:3

Sɑnɑm mɛ nɑ ǹ nɛn durum wure, nɛn kukunu ɡbisɑ, nɑ weeweenu kuɑ tɔ̃ɔ ɡiriru,

Womusu 38:2

Yinni Gusunɔ, ɑ ku mɑn sɛɛyɑsiɑ wunɛn mɔru sɔɔ. A ku mɑn so sɑnɑm mɛ ɑ mɔru bɛsire.

Womusu 38:3

Domi wunɛn sɛ̃ɛnu nu mɑn ɡirɑri, mɑ wunɛn nɔmu ɡɑ mɑn so ɡɑ surɑ.

Womusu 38:7

Nɑ dɛbɑrɑ, nɑ wɑsirɑ sere nɑ ǹ mɑɑ dɑm mɔ. Bɑɑdommɑ, nɑ rɑ n sĩimɔwɑ kɑ nuku sɑnkirɑnu.

Womusu 51:8

Adɑmɑ ɡemɑ ɑ bikiɑmɔ ɡɔ̃ruɔ. Ǹ n mɛn nɑ, ɑ de wunɛn bwisi yi n mɑn wɑ̃ɑsi.

Yɑribu 15:26

U nɛɛ, ì n nɛ Gusunɔ bɛɛn Yinnin ɡere nuɑ sɑ̃ɑ sɑ̃ɑ, mɑ i mɔ̀ ye n mɑn wɛ̃re mɑ i nɛn woodɑbɑ mɛm nɔɔwɑ, nɑ ǹ kɑ bɛɛ bɑrɑ ni sɛɛyɑsiɑmɔ ni nɑ Eɡibitiɡibu kpɛ̃ɛ. Nɛnɑ Yinni Gusunɔ nɛ wi nɑ rɑ n bɛɛ bɛkiɑmɔ.

Yeremi 10:24

Yinni Gusunɔ, ɑ mɑn sɛɛyɑsio sɑkɑ sɔɔ, n kun kɑ mɔru, kpɑ ɑ ku rɑ mɑn kɑm koosiɑ.

Yeremi 17:14

Yinni Gusunɔ, ɑ mɑn bɛkio, kpɑ n wɑ n bɛkurɑ mɑm mɑm. A mɑn fɑɑbɑ koowo kpɑ n fɑɑbɑ wɑ. Domi wunɛ turowɑ nɑ rɑ n siɑrɑmɔ.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Gbɑburu 12:13

Yerɑ Mɔwisi u Yinni Gusunɔ nɔɔɡiru sue u nɛɛ, ɑ nùn bɛkio.

Mɑteu 4:24

Win bɑɑru yɑ yɛ̃bi bɑɑmɑ kpuro Sirin tem sɔɔ sere tɔmbɑ kɑ ben bɑrɔbu nɑ win mi, be bɑ bɑrɑ bwese bwesekɑ mɔ kɑ be bɑ wuriri dɑbinun wɑhɑlɑ mɔ̀ kɑ be bɑ wɛrɛkunu mɔ, kɑ ɡirikpɑkpɑ wɔrobu kɑ bèn wɑsin bee tiɑ ɡu ɡu. Mɑ Yesu u be kpuro bɛkiɑ.

Sɔ̃ɔsiru 32:39

Yinni Gusunɔ u nɛɛ, nɛnɑ nɑ wɑ̃ɑ. Goo mɑɑ sɑri wi u sɑ̃ɑ Gusunɔ. Nɛnɑ nɑ rɑ ɡo, nɛnɑ nɑ rɑ mɑɑ seeye. Nɛnɑ nɑ rɑ mɛɛrɑ ko kpɑ n wure n bɛkiɑ. Goo sɑri wi u koo kpĩ u tɔnu wɔrɑ nɛn nɔmun di.