Womusu 59:4 - Bibeli Gusunɔn Gari

⁴ Domi be wee bɑ mɑn kɑsu bu ɡo. Dɑɑ bɔɔbɔyɑɡibɑ bɑ nɔɔ tiɑ mɔ̀ bu kɑ mɑn ɡo. Nɑ ǹ kɔ̃sɑ kue, nɑ ǹ mɑɑ durum kue, Yinni Gusunɔ.

Womusu 59:4 ပူးပေါင်းရင်းမြစ်များ

Torubu 40:15

Domi bɑ mɑn ɡbɛnɑwɑ sɑɑ Heberubɑn tem di, bɑ kɑ mɑn nɑ mini. Yen biru nɑ ǹ mɑɑ ɡɑ̃ɑnu kue bɑ kɑ mɑn kpɛ̃ɛmɑ pirisɔm diru mi.

Womusu 35:19

A ku de be bɑ sɑ̃ɑ nɛn yibɛrɛbɑ bɑ n mɑn yɛ̃ɛmɔ kɑm sɔɔ, kpɑ be bɑ mɑn tusɑ kɑm sɔɔ bɑ n mɑn wɔmmɔ kɑ ɡɔnibu.

Womusu 35:23

Gusunɔ, nɛn Yinni, ɑ seewo ɑ mɑn siriɑ. A kɑ mɑn yinɔ.

Womusu 44:23

Adɑmɑ wunɛn sɔ̃nɑ bɑ sun ɡoomɔ bururu kɑ yokɑ, bɑ sun mɛɛrɑ nɡe yɑ̃ɑ ni bɑ kɑ dɔɔ bu ɡo.

Womusu 5:6

Tii suobu bɑ ǹ kpɛ̃ bu yɔ̃rɑ wunɛn mi. A kɔ̃sɑn kowobu tusɑ.

Womusu 56:7

Bɑ nɔɔ tiɑ kuɑ, bɑ mɑn sɑkiriɑmmɛ. Bɑ nɛn yirɑ kɑsu bu kɑ mɑn hunde wunɑ.

Mɔnnu 1:16

Ben nɑɑsu sɑ̃u bu kɑ kɔ̃sɑ ko. Bɑ mɑɑ sɛnde bu kɑ tɔnun yɛm yɑri.

Esɑi 51:9

A dom yɑndo kpɑ ɑ wunɛn nɔmun dɑm sɔ̃ɔsi, nɡe yellu sɑnɑm mɛ ɑ Eɡibitiɡibu tɑbu di, mɑ ɑ ben sunɔ wi u sɑ̃ɑ nɡe yɑɑ ɡɔbɑ ɡo.

Esɑi 59:7

I rɑ n sɛndewɑ i kɑ kɔ̃sɑ ko, kpɑ i n nɑɑsu sɑ̃u i kɑ tɔnun yɛm yɑri kɑm. I rɑ n bwisikumɔwɑ i kɑ tɔmbu kɔ̃sɑ kuɑ, kpɑ i n tɔmbu dɑm dɔremɔ i n ben yɑ̃nu ɡurɑmɔ mi i duɑ kpuro.

Gɔrobun Kookoosu 23:15

Ǹ n mɛn nɑ, sɑ kĩ bɛɛ kɑ ɡuro ɡurobu i tɑbu sunɔ sɔ̃ u kɑ Pɔlu nɑ bɛɛn mɛnnɔ sɔɔ kpɑm, kpɑ n sɑ̃ɑre nɡe i kĩ i kpɑm win ɡɑri mɛɛrim sɔmɛ. Bɛsɛ sɑ ko n sɔɔru sɑ̃ɑ su kɑ nùn ɡo u sere tunumɑ.

Romu 3:15

Ben nɑɑsu su sɑ̃u su kɑ tɔnun yɛm yɑri.

Sɑmuɛli I 19:4

Ye bɑ nɑ mi, Yonɑtɑm u win bɑɑ Dɑfidin ɡeɑ sɑɑriɑ u nɛɛ, wunɛ sunɔ ɑ ku wunɛn bɔ̃ɔ Dɑfidi torɑri. U ǹ nun kɔ̃sɑ ɡɑɑ kue. Ye u kuɑ kpuro, ɡɑ̃ɑ ɡeenɑ.