Womusu 58:9 - Bibeli Gusunɔn Gari

⁹ Bu ɡbio bu yɑndɑ nɡe sokoro, kpɑ ɑ ku de bu sɔ̃ɔ wɑ nɡe bii wìn suru kun yibɑ bɑ kɑ mɑrɑ.

Womusu 58:9 ပူးပေါင်းရင်းမြစ်များ

Yoobu 18:18

Domi bɑ nùn yɑrɑ yɑm bururɑm di, bɑ sure yɑm wɔ̃kuru sɔɔ. Mɑ bɑ nùn ɡirɑ hɑnduniɑn di.

Yoobu 27:21

Sɔ̃ɔ yɑri yerun woowɑ ɡɑ rɑ nùn wuke sɑɑ win wɑ̃ɑ yerun di ɡu kɑ dɑ sere mi n tomɑ.

Yoobu 3:16

Ǹ kun mɛ, nɑ n wɛ̃re nɡe bii wìn nukuru bɑ yɑrɑ, ǹ kun mɛ, nɡe bii wi bɑ mɑrɑ mɑ u yɑnde ɡu u ǹ sɔ̃ɔ wɑ.

Womusu 10:2

A mɛɛrio nɡe mɛ tɔn kɔ̃sobɑ tii sue. Bɑ yɑ̃ɑrobu nɔni sɔ̃ɔmɔ bɛrum sɑriru sɔɔ. Bɑ bu kɔkirimɔ bɑ suremɔ ben yinɑ sɔɔ.

Womusu 10:5

Ye bɑ niɑ sɑ̃ɑ, yɑ rɑ koorewɑ. Bɑ ǹ kpɛ̃ bu Gusunɔn siribu tubu. Bɑ rɑ ben yibɛrɛbɑ yɑ̃ɑtɑm siewɑ.

Womusu 118:12

Nu mɑn mɔnsimɑ nɡe tĩi. Adɑmɑ nɑ nu yɑrinɑsiɑ kɑ Yinni Gusunɔn dɑm mɑ nu ɡbisukɑ nɡe sɑ̃ki yi yi dɔ̃ɔ mwɑɑrɑ.

Womusu 55:23

A wunɛn wɑ̃ɑru kpuro Yinni Gusunɔ nɔmu sɔndio, kpɑ u nun nɔɔri. Domi u ǹ derimɔ ɡemɡii u wɔrumɑ.

Mɔnnu 10:25

Wɑhɑlɑ yɑ̀ n seewɑ nɡe woo ɡunɑ, yɑ rɑ tɔn kɔ̃so surewɑ, ɑdɑmɑ ɡemɡii u rɑ n yɔ̃wɑ dim dim sere kɑ bɑɑdommɑɔ.

Mɔnnu 14:32

Tɔn kɔ̃so, nuku kɔ̃surɑ tɑ rɑ nùn fuke, ɑdɑmɑ ɡemɡii u rɑ n tororu sɔ̃wɑ bɑɑ ɡɔɔn wuswɑɑɔ.

Wɑɑsu kowo 7:6

Domi ɡɑri bɔkɔn yɛ̃ɛsu sɑ̃ɑwɑ nɡe ɡɑ̃ɑ ni nu kurɑmɔ dɔ̃ɔ sɔɔ. Yɑ mɑɑ sɑ̃ɑ kɑm dirum.

Esɑi 17:13

Bɑ kukirimɔ nɡe dɑɑ bɑkɑrun nim. Adɑmɑ Yinni Gusunɔ u bu ɡerusi, mɑ bɑ duki yɑrinɑ n tomɑ, nɡe yɑkɑ si woo ɡɑ suɑ ɡɑ kɑ doonɑ, ǹ kun mɛ, nɡe tuɑ ye woo ɡunɑ yɑ seeyɑ.

Esɑi 40:24

Be kpuro bɑ sɑ̃ɑ nɡe dɑ̃ɑ ni bɑ ɡirɑ nu ǹ ɡbini mɔ. Gusunɔ ù n derɑ woo ɡɑ bu swee, kpɑ bu ɡberɑ, woo ɡunɑ yu kɑ bu doonɑ nɡe yɑkɑsu.

Yeremi 23:19

Wee Yinni Gusunɔn mɔru yɑ koo nɑ nɡe ɡuru woo bɔkɔ kpɑ yu tɔn kɔ̃sobu wɔri.

Gbɑburu 16:30

Adɑmɑ Yinni Gusunɔ ù n ɡɑ̃ɑ nɑnumɡinu kuɑ, u derɑ tem mu nɔɔ bɑɑrɑ mu bu mwɛ kɑ ye bɑ mɔ kpuro, kpɑ bu dɑ ɡɔribun wɑ̃ɑ yerɔ, sɑɑ yerɑ, i ko i ɡiɑ mɑ tɔn be, bɑ Yinni Gusunɔ ɡɛmɑwɑ.