Womusu 58:7 - Bibeli Gusunɔn Gari

⁷ Yinni Gusunɔ, ɑ bu nɔɔ kɔsukuo. Be, be bɑ sɑ̃ɑ nɡe ɡbee sinɑn kpɛmminu mi, ɑ ben bɑɑ sɑburosu yɑkirio.

Womusu 58:7 ပူးပေါင်းရင်းမြစ်များ

Sɑmuɛli II 17:10

Sɑɑ ye sɔɔ, bɛsɛn suunu sɔɔ, bɑɑ ɡoo ù n sɑ̃ɑ tɑbu durɔ, mɑ u wɔruɡɔru mɔ nɡe ɡbee sunɔ, yɛ̃ro koo bɛrum duurɑ. Domi Isirelibɑ kpuro bɑ yɛ̃ mɑ wunɛn tundo u sɑ̃ɑ tɑbu durɔ. Mɛyɑ u mɑɑ tɑbu kowo dɑmɡibu mɔ.

Yoobu 4:10

Kpɑ ben kukiri bi bɑ rɑ ko nɡe ɡbee sunɔ bu nɔru ko. Gusunɔ u rɑ ben nɔsu bɔɔkuwɑ.

Womusu 112:10

Tɔn kɔ̃so ù n nùn wɑ, win mɔru rɑ sewɑ, kpɑ u nùn wiru diirisi kɑ nuku ɡbisibu. Tɔn kɔ̃sobun yĩiyɔbu kpuro bu sɑ̃ɑwɑ kɑm dirum.

Womusu 22:14

Bɑ mɑn kukirisimɔ nɡe ɡbee sunɔ ɡe ɡɑ yɑɑ kɑsu.

Womusu 3:8

Gusunɔ nɛn Yinni, ɑ seewo ɑ mɑn fɑɑbɑ ko. A seewo ɑ nɛn yibɛrɛbɑ wiru kɔsuku. A seewo ɑ ben nɔsu kɔsuku.

Womusu 64:3

A mɑn yɑro tɔn kɔ̃sobun wesiɑnɔsun di. Kpɑ ɑ mɑn yɑrɑ dɑɑ kɔ̃sɑɡibun suunun di.

Yɑribu 15:15

Edɔmun sinɑmbun toronu kɑrɑ. Mɑ Mɔɑbun tɑbu durɔbu bɑ diirumɔ. Kɑnɑnibɑ kpuro, ben wɑsi dwiiyɑ.

Esɑi 13:7

Yen sɔ̃nɑ tɔmbu kpuron ɡɔmɑ koo dwiiyɑ kpɑ ben wɔruɡɔru tu kpe.

Yosue 7:5

Ayiɡibu bɑ bu nɑɑ swĩi sɑɑ wuu ɡen duu yerun di sere Sebɑrimuɔ, mɑ bɑ Isirelibɑn tɔnu tɛnɑ kɑ nɔɔbɑ tiɑ ɡo sɑnɑm mɛ bɑ duki mɔ̀ bɑ wee. Yeyɑ n derɑ Isirelibɑ bɑ nɑndɑ, bɑ mwiɑ kpɑnɑ.