Womusu 58:2 - Bibeli Gusunɔn Gari

² Bɛɛ Wɔrukoon tɔmbu, i ko kpĩ i bɑɑwure siri dee dee i n kɑ sere nɔɔ mɑɑri?

Womusu 58:2 ပူးပေါင်းရင်းမြစ်များ

Womusu 21:11

Kɑɑ de ben bibu bu ɡbi. Kɑɑ de ben bweseru tu nɔru ko hɑnduniɑ yeni sɔɔ.

Womusu 82:1

Womu ɡe Asɑfu u kuɑ. Ge wee. Gusunɔ u wɑ̃ɑ wɔllun tɔmbun suunu sɔɔ. Miyɑ u wɑ̃ɑ u kɑ sirimɔ. U nɛɛ,

Womusu 94:20

Yinni Gusunɔ, mbɑ n bɛɛ mɔɔsinɛ wunɛ kɑ siri kowo tɔn ɡowo be bɑ rɑ n wunɛn woodɑbɑ ɡɛmɑ bɑ n tɔmbu dɑm dɔremɔ,

Wɑɑsu kowo 3:16

Yen biru, nɑ wɑ siri ɡbɑburɔ mɑ kɔ̃sɑ kowo u ɡemɡii siribu di hɑnduniɑ ye sɔɔ.

Esɑi 10:1

Bɔ̃rurobɑ be bɑ rɑ woodɑ yi ye yɑ ǹ sɑ̃ɑ dee dee. Kpɑ bu ye yore bu yi bu kɑ ben tɔmbu dɑm dɔre,

Esɑi 26:7

Gemɡiin swɑɑ yɑ rɑ n dɛndewɑ. Yinni Gusunɔ, wunɛ wi ɑ sɑ̃ɑ ɡemɡii wunɑ ɑ rɑ ye nɔɔ nɛrɑsie.

Esekiɛli 22:12

Gɑbɑ mɑɑ wɑ̃ɑ be bɑ rɑ wure bu ɡobi mwɑ bu kɑ tɔmbu ɡo. Gɑbɑ wɑ̃ɑ bɑ rɑ ɑre bɛkɛ kɑsu bɑ̀ n ben winsim ɡobi bɔkurɑ. Gɑbɑ wɑ̃ɑ be bɑ ben winsim tɑki dimɔ bu kɑ ɡobi ko. Mɑ bɑ nɛ, Yinni Gusunɔ duɑri mɑm mɑm. Nɛ, Yinni Gusunɔwɑ nɑ yeni ɡeruɑ.

Esekiɛli 22:27

Ben sinɑmbu bɑ sɑ̃ɑwɑ nɡe ɡbeeku yɛɛ. Domi bɑ tɔmbu ɡoomɔ bu wɑ bu kɑ ben binɛ suresiɑ.

Mɑlɑsi 3:15

Wee tɛ̃, i tɑmɑɑ be bɑ tii sue, berɑ bɑ dobu nɔɔmɔ. Mɛyɑ i mɑɑ nɛɛ, tɔn kɔ̃sobun ɑrumɑni yɑ mɑɑ kuurɑmɔ. Bɑɑ bɑ̀ n Gusunɔ seesi, u rɑ bu deriwɑ u kun kɔ̃sɑ ɡɑɑ kue.