Womusu 56:6 - Bibeli Gusunɔn Gari

⁶ Tɔ̃ɔ bɑɑtere bɑ rɑ mɑn ɡɑri kɔsiwɑ, kpɑ bɑ n mɑn ɡɑ̃ɑ kɔ̃sunu bwisikusimɔ.

Womusu 56:6 ပူးပေါင်းရင်းမြစ်များ

Yoobu 14:16

Wee tɛ̃ ɑ mɑn swĩi mi nɑ nɑɑsu wukɑ kpuro. Adɑmɑ sɑɑ ɡɑɑ sisi yè sɔɔ ɑ ǹ mɑɑ nɛn durum ɡɑrisimɔ.

Yoobu 16:10

U derɑ tɔmbɑ mɑn yɑɑ kɑsikimɔ kɑ ben ɡɑri sɑɑrinu. Bɑ mɑn wɔmmɔ, bɑ mɑn bɑɑri soomɔ. Be kpurowɑ bɑ mɑn nɑɑ swĩi.

Yoobu 31:4

Gusunɔ u nɛn swɑɑ yɛ̃. U nɛn sɑnu sɑnusu mɛɛrimɔ.

Womusu 140:2

Yinni Gusunɔ, ɑ mɑn wɔro tɔn kɔ̃sobun nɔmɑn di. A mɑn ɡbɑro ɡbɑnɑɡibun nɔmɑn di.

Womusu 37:32

Tɔn kɔ̃so u rɑ n ɡemɡii sɑ̃kiriɑmmɛwɑ, kpɑ u n swɑɑ kɑsu u kɑ nùn ɡo.

Womusu 57:6

Gusunɔ, wɔllu tɑ ǹ kpɛ̃ tu nun mwɑ wunɛn kpɑ̃ɑrun sɔ̃. A wunɛn yiiko sɔ̃ɔsio tem kpuro sɔɔ.

Womusu 59:3

A mɑn wɔro tɔn kɔ̃sobun nɔmɑn di, kpɑ ɑ mɑn yɑkiɑ be bɑ tɔmbun yɛm yɑrimɔn nɔmɑn di.

Womusu 71:10

Domi nɛn yibɛrɛbɑ bɑ nɛn ɡɑri mɔ̀. Be bɑ kɑsu bu mɑn ɡo, bɑ nɔɔ tiɑ mɔ̀.

Womusu 89:51

Yinni, ɑ mɛɛrio seku te wunɛn tɔmbɑ dimɔ. A yɑɑyo mɑ nɛnɑ nɑ wunɛn tɔn dɑbi te kpɑre.

Mɔnnu 24:15

A ku ɡemɡiin yɛnu yinɑ bɛriɑ. A ku win wɑ̃ɑ yeru wɔri ɑ mwɑ.

Esɑi 54:15

Be bɑ wesiɑnɑmɔ bu kɑ nun seesi, nɑ ǹ wɑ̃ɑ kɑ be. Be bɑ nɔɔ tiɑ kuɑ bu kɑ nun wɔri, kɑɑ bu kɑmiɑwɑ.

Yeremi 20:10

Nɑ nɔɔmɔ tɔn dɑbinu nu mɑn kɔ̃sɑ bwisikusimɔ. Bɑ mɔ̀, nɑndɑbu wɑ̃ɑ bɑɑmɑ. Su kɑ win ɡɑri dɑ wiruɡibun mi. Be bɑ rɑɑ kɑ mɑn nɔɔ tiɑ sɑ̃ɑ bɑ mɛɛrimɔ nɑ̀ n kon sokurɑ. Bɑ mɔ̀, sɔrɔkudo kon de bu mɑn sɑmbɑ ko. Kpɑ bu wɑ bu mɑn mwɑ bu mɔru kɔsie.

Dɑniɛli 6:4

U beri berikɑn wiruɡii be, kɑ ben tɔnwerobu bwisi kere. Yen sɔ̃nɑ sinɑ boko u bwisikɑ u nùn ko tem mɛ kpuron wiruɡii.

Mɑteu 26:57

Be bɑ Yesu mwɑ bɑ kɑ nùn dɑ Kɑifɑ yɑ̃ku kowo tɔnweron mi, mi woodɑ yɛ̃robu kɑ ɡuro ɡurobɑ mɛnnɛ.

Mɑteu 27:1

Ye n kuɑ buru buru yellu yɑ̃ku kowo tɔnwerobu kɑ ɡuro ɡurobu bɑ nɔɔ tiɑ kuɑ bu kɑ Yesu ɡo.

Luku 20:20

Bɑ Yesun lɑɑkɑri mɔ kpuro sɔɔ. Mɑ bɑ tɔn sɑmbɑ kowobu ɡɔrɑ win mi, be bɑ sɑ̃ɑre ɡeeɡibu bu kɑ nùn mwɑ win ɡɑri ɡɛɛ sɔɔ, kpɑ bu nùn tem yɛ̃ro nɔmu beriɑ.