Womusu 56:4 - Bibeli Gusunɔn Gari

⁴ Bɛrum mù n mɑn mwɑ. Wunɑ nɑ rɑ n nɑɑnɛ sɑ̃ɑ.

Womusu 56:4 ပူးပေါင်းရင်းမြစ်များ

Bɑndun Gɑri II 20:3

Yerɑ Yosɑfɑti u nɑndɑ. Mɑ u Gusunɔ kɑsu. U derɑ bɑ nɔɔ bɔkuɑ Yudɑn tem kpuro sɔɔ.

Bɑndun Gɑri II 20:4

Mɑ Yudɑbɑ kpuro bɑ mɛnnɑ bu kɑ Yinni Gusunɔ kɑnɑ. Tɔmbu kpurowɑ bɑ nɑ sɑɑ Yudɑn wusu kpuron di bu kɑ Yinni Gusunɔ kɑsu.

Womusu 118:6

Yinni Gusunɔ u sɑ̃ɑ nɛɡii, nɑ ǹ ɡɑ̃ɑnu ɡɑnun bɛrum mɔ. Mbɑ tɔnu u koo kpĩ u mɑn kuɑ.

Womusu 119:160

Gemɑ mu sɑ̃ɑ wunɛn ɡɑrin nuuru. Wunɛn woodɑbɑ kpuro bɑ kon sɑ̃ɑwɑ ɡem sere kɑ bɑɑdommɑɔ.

Womusu 12:6

Adɑmɑ Yinni Gusunɔ, ɑ nɛɛ, ɑ wɔnwɔndo be bɑ dɑm dɔremɔ wɑɑmɔ. A sɑ̃ɑro be bɑ weeweenu mɔ̀ wɑɑmɔ. A be bɑ yɑ̃ɑtɑm siemɔ wɑɑmɔ. Tɛ̃, kɑɑ se ɑ be kpuro fɑɑbɑ ko.

Womusu 138:2

Kon nun kpunɑ wunɛn sɑ̃ɑ yee dɛɛrɑrɔ, kpɑ n nun tɔmɑ wunɛn tɔn ɡeeru kɑ wunɛn bɔrɔkinirun sɔ̃. Domi ɑ yĩsiru yɑrɑ wunɛn nɔɔ mwɛɛ te ɑ rɑ yibien sɔ̃.

Womusu 27:1

Dɑfidin womu. Yinni Gusunɔwɑ u rɑ nɛn swɑɑ yɑm bururɑsie, u mɑn fɑɑbɑ mɔ̀. Nɑ ǹ ɡoon bɛrum mɔ. Yinni Gusunɔ u sɑ̃ɑwɑ nɛn kuku yeru. Nɑ ǹ ɡɑ̃ɑnun bɛrum mɔ.

Esɑi 31:3

Eɡibitiɡibu bɑ ǹ sɑ̃ɑ Gusunɔ, bɑ sɑ̃ɑwɑ tɔmbu. Mɛyɑ mɑɑ ben dumi yi ǹ dɑm tukum ɡɑm mɔ, yi sɑ̃ɑwɑ yɛɛ diri. Yinni Gusunɔ ù n win dɑm sɔ̃ɔsimɑ, be bɑ somiru kɑsu kɑ be bɑ bu somiru wee, bɑ koo sokurɑ bu wɔruku, kpɑ be kpuro bu mɛnnɑ bu ɡbi.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Yohɑnu 10:35

Sɑ yɛ̃ ye Gusunɔn ɡɑri ɡerumɔ n sɑ̃ɑwɑ ɡem kɑ bɑɑdommɑɔ. Mɑ win tii u nɛɛ, bɑ sɑ̃ɑwɑ Wɔrukoon bibu be bɑ win ɡɑri mwɑ.

Heberu 13:6

Yen sɔ̃nɑ sɑ ko kpĩ su tororu so su nɛɛ, “Yinni Gusunɔwɑ sɑ̃ɑ wi u koo mɑn somi. Nɑ ǹ ɡɑ̃ɑnu ɡɑnun bɛrum mɔ. Mbɑ tɔnu koo kpĩ u mɑn kuɑ.”

Sɑmuɛli I 30:6

Mɑ Dɑfidin nuki sɑnkirɑ too domi win tɔmbu bɑ ɡerunɑmɔ bɑ mɔ̀ bu nùn kpenu kɑsuku bu ɡo, yèn sɔ̃ bɑ ben kurɔbu kɑ bibu biɑ. Yerɑ n derɑ bɑ nuki sɑnkire. Adɑmɑ Dɑfidi u tii deri Yinni Gusunɔn nɔmuɔ. Mɑ u nùn dɑm kɑ̃.