Womusu 55:23 - Bibeli Gusunɔn Gari

²³ A wunɛn wɑ̃ɑru kpuro Yinni Gusunɔ nɔmu sɔndio, kpɑ u nun nɔɔri. Domi u ǹ derimɔ ɡemɡii u wɔrumɑ.

Womusu 55:23 ပူးပေါင်းရင်းမြစ်များ

Sɑmuɛli II 3:27

Sɑɑ ye Abinɛɛ u ɡɔsirɑmɑ Heboroniɔ, yerɑ Yoɑbu u nun sokɑ wuun ɡbɑ̃rɑrun kɔnnɔn bee tiɑɔ, u kuɑ nɡe u kĩ u nùn ɡɑri ɑsiriɡii sɔ̃. Mɑ u nùn wobu sɛ̃u sɔkɑ nukurɔ u ɡo. Nɡe mɛyɑ u kɑ mɔru kɔsiɑ yèn sɔ̃ u win wɔnɔ Asɑɛli ɡo.

Yoobu 15:32

Are yi, yi koo nɑwɑ u sere ɡbi. Win bwese kɛrɑ kun mɑɑ seemɔ, nɡe dɑ̃ɑ kɑ̃ɑsɑ ye yɑ ǹ mɑɑ kpɑrɑmɔ.

Womusu 112:6

Domi ɡeeɡii kun sokurɑmɔ pɑi. Bɑ ko n nùn yɑɑyewɑ kɑ bɑɑdommɑɔ.

Womusu 121:3

U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ.

Womusu 25:2

Nɑ nun nɑɑnɛ sɑ̃ɑ. A ku de n sekuru wɑ. A ku de nɛn yibɛrɛbɑ bu mɑn yɛ̃ɛ.

Womusu 5:6

Tii suobu bɑ ǹ kpɛ̃ bu yɔ̃rɑ wunɛn mi. A kɔ̃sɑn kowobu tusɑ.

Womusu 58:9

Bu ɡbio bu yɑndɑ nɡe sokoro, kpɑ ɑ ku de bu sɔ̃ɔ wɑ nɡe bii wìn suru kun yibɑ bɑ kɑ mɑrɑ.

Womusu 66:9

Domi u bɛsɛn wɑ̃ɑru wɔrɑ. U ǹ dere su sokurɑ.

Womusu 73:18

Geemɑ, Yinni Gusunɔ, ɑ bu surewɑ swɑɑ yè sɔɔ bɑ koo sɛllɑ, kpɑ bu wɔrumɑ bu ɡbi.

Mɔnnu 10:27

Be bɑ rɑ Yinni Gusunɔ nɑsie, berɑ bɑ rɑ tɛ, ɑdɑmɑ durumɡibu bɑ rɑ ɡbiwɑ sɛkum.

Mɔnnu 15:11

Yinni Gusunɔ u yɛ̃ ye yɑ koorɑmɔ ɡɔribun wɑ̃ɑ yerɔ. Kɑɑ sere ɡere tɔnun ɡɔ̃ruɔ?

Mɔnnu 27:20

Nɡe mɛ ɡɔribun wɑ̃ɑ yerɑ ku rɑ debu, nɡe mɛyɑ tɔnun binɛ ku rɑ kpe.

Wɑɑsu kowo 7:17

A ku tii sure kɔ̃sɑ sɔɔ, ɑ ku mɑɑ wɔri ɡɑri bɑkɑ kookoosu sɔɔ. Mbɑn sɔ̃nɑ kɑɑ de ɑ ɡbi tumɑru.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.