Womusu 55:22 - Bibeli Gusunɔn Gari

²² Gɑri doriyɑ yi rɑ n wɑ̃ɑ tɔn kɔ̃so win nɔɔwɔ. Adɑmɑ tɑbun ɡɑriyɑ yi rɑ n wɑ̃ɑ win nukurɔ. Mɛyɑ mɑɑ win ɡɑri yi rɑ n kokumɔwɑ nɡe ɡum yɑrum. Adɑmɑ yi rɑ n sɑ̃ɑwɑ nɡe tɑkobibɑ.

Womusu 55:22 ပူးပေါင်းရင်းမြစ်များ

Womusu 12:3

Weesɑ bɑɑwure u rɑ n win winsim kuɑmmɛ, u n nùn nɔni wɔ̃kumɔ kɑ ɡɑri dori.

Womusu 121:3

U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ.

Womusu 16:8

Wunɑ nɑ rɑ n mɛɛrɑ bɑɑdommɑ. Wunɑ ɑ rɑ n wɑ̃ɑ kɑ nɛ. Wunɑ ɑ rɑ n mɑn kɔ̃su. Gɑ̃ɑnu kun kpɛ̃ nu mɑn surɑ.

Womusu 27:14

Yen sɔ̃, ɑ n Yinni Gusunɔ nɑɑnɛ sɑ̃ɑ. A ku mwiɑ kpɑnɑ. A de wunɛn tororu tɑ n sɔ̃ sim sim. A n Yinni Gusunɔ nɑɑnɛ sɑ̃ɑ.

Womusu 37:24

Ù n sokurɑ u wɔrumɑ, u rɑ sewɑ, domi Yinni Gusunɔ u win nɔmɑ nɛni.

Womusu 37:5

A Yinni Gusunɔ wunɛn wɑ̃ɑru nɔmu sɔndio, ɑ n nùn nɑɑnɛ sɑ̃ɑ. Wiyɑ u koo nun kpuro wunɑnɑ.

Womusu 62:2

Kɑ ɡeemɑ, Gusunɔ wunɛ sɔɔrɑ nɛn nɑɑnɛ wɑ̃ɑ. Wunɑ ɑ rɑ mɑn fɑɑbɑ ko.

Womusu 62:6

Gusunɔ, wunɛ sɔɔrɑ nɛn nɑɑnɛ wɑ̃ɑ. Wunɛ sɔɔrɑ nɛn yĩiyɔbu wɑ̃ɑ.

Womusu 62:8

Gusunɔ, wunɑ ɑ rɑ mɑn fɑɑbɑ ko, kpɑ ɑ de nɑ n bɛɛrɛ mɔ. Wunɑ nɛn kuku yee dɑmɡiru.

Womusu 63:8

Domi ɑ sɑ̃ɑwɑ nɛn somiɔ. Nɑ̀ n kukuɑ wunɛn kɑsenun kɔkɔrɔ, nɑ rɑ n nuku dobu mɔ.

Womusu 64:4

Bɑ ben yɑrɑ nɔɔ derɑmɔ nɡe tɑkobi, kpɑ bɑ n ɡɑri kɔ̃si kɑsukumɔ nɡe sɛ̃ɛnu,

Esɑi 50:10

Bɛɛ sɔɔ, wi u Yinni Gusunɔ nɑsie, u win sɔm kowon nɔɔ nɔɔwɔ. Wi u sĩimɔ yɑm wɔ̃kuru sɔɔ, u Yinni Gusunɔ nɑɑnɛ koowo, kpɑ u n tɑ̃sɑ wi sɔɔ.

Yeremi 9:7

Wee, tɔn ben yɑrɑ yɑ sɑ̃ɑwɑ nɡe sɛ̃ɛ dɛ̃ɛɡuu ɡe ɡɑ rɑ ɡo. Weesɑ bɑ rɑ n mɔ̀, kpɑ bɑ n ben berusebu bɔri yɛndun ɡɑri sɔ̃ɔmɔ. Adɑmɑ ben ɡɔ̃ruɔ, yinɑ bɑ rɑ n bu bɛrie.

Mɑteu 11:28

I nɑ nɛn mi bɛɛ kpuro, bɛɛ be i kɑ bɛɛn sɔmunu wɑsirɑ, kon bɛɛ wɛ̃rɑsiɑ.

Mɑteu 6:25

Yesu mɑɑ nɛɛ, yen sɔ̃, i ku wururɑ kɑ dĩɑnun ɡɑri, ǹ kun mɛ ye i ko nɔ i n kɑ wɑ̃ɑ, ǹ kun mɛ ye i ko bɛɛn wɑsi wukiri. Wɑ̃ɑru tɑ dĩɑnu kere, wɑsi mɑɑ yi yɑ̃nu kere.

Luku 12:22

Yen biru Yesu u win bwɑ̃ɑbu sɔ̃ɔwɑ u nɛɛ, yenin sɔ̃nɑ nɑ bɛɛ sɔ̃ɔmɔ i ku wururɑ bɛɛn wɑ̃ɑrun sɔ̃ ye i ko i di, ǹ kun mɛ bɛɛn wɑsin sɔ̃ ye i ko kɑ yi wukiri.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.

Piɛɛ I 5:7

I bɛɛn wɑhɑlɑ kpuro sɔbio win mi, u koo bɛɛ nɔɔri.

Sɑmuɛli I 2:9

U koo win bɔrɔkinibɑn sɑnu sɑnusu kɔ̃su. Adɑmɑ u koo de tɔn kɔ̃sobu bu kɑm ko yɑm wɔ̃kurɔ. Domi ɡoo sɑri wi u koo nɑsɑrɑ wɑ kɑ win tiin dɑm.