Womusu 55:17 - Bibeli Gusunɔn Gari

¹⁷ Adɑmɑ Yinni Gusunɔ, wunɑ nɑ fɑɑbɑ kɑnɑmɔ. Kɑɑ mɑɑ mɑn fɑɑbɑ ko.

Womusu 55:17 ပူးပေါင်းရင်းမြစ်များ

Yoobu 19:7

Wee, nɑ nɔɔɡiru suɑ nɑ nɛɛ, win kookoo si, su ǹ wɑ̃. Adɑmɑ ɡoo sɑri wi u mɑn wisɑ. Nɑ ɡbɑ̃rɑmɔ bu mɑn fɑɑbɑ ko, ɑdɑmɑ nɑ ǹ fɑɑbɑ wɑ.

Womusu 119:62

Wɔ̃ku suunu nɑ rɑ sewɑ n nun siɑrɑ wunɛn siri bi ɑ rɑ ko dee deen sɔ̃.

Womusu 141:2

A de nɛn kɑnɑru tu nun ɡirɑri nɡe turɑre nubu duroruɡiɑn wiisu. Kpɑ nɔmɑ ye nɑ yiiye yɑ n sɑ̃ɑ nɡe kɛ̃ru te bɑ rɑ kɑ nun nɑɑwɛ wunɛn sɑ̃ɑ yerɔ yokɑ.

Womusu 72:12

Domi kon sɑ̃ɑro wi u weeweenu mɔ̀ wɔrɑ, kpɑ n bwɛ̃ɛbwɛ̃ɛ wi u kun ɡoo mɔ somi.

Womusu 77:2

Nɑ Gusunɔ nɔɔɡiru sue. Nɑ nùn soku, u koo mɑn swɑɑ dɑki.

Womusu 88:13

Bɑ koo kpĩ bu wunɛn mɑɑmɑɑki wɑ yɑm wɔ̃kurɔ? Bɑ koo kpĩ bu wunɛn ɡem tubu ɡɔriɔ mi bɑ rɑ tɔmbu duɑri?

Womusu 92:2

Yɑ rɑ n do bɑ n nun tɔmɑmɔ Yinni Gusunɔ, kpɑ bɑ n wunɛn yĩsiru bɛɛrɛ wɛ̃ɛmɔ, wunɛ Wɔrukoo,

Swĩi 3:8

Mɑ nɑ nɔɔɡiru suɑ nɑ somiru kɑnɑ. Adɑmɑ u ǹ mɑn swɑɑ dɑki u sere nɛn kɑnɑru mwɑ.

Dɑniɛli 6:10

Mɑ sinɑ boko u woodɑ ye nɔmɑ doke bɑ ye yɑrɑ.

Dɑniɛli 6:13

Yen biru, tɔn be, bɑ yɑrɑ bɑ dɑ sinɑ bokon mi bɑ nùn woodɑ ye yɑɑyɑsiɑ bɑ nɛɛ, n ǹ wunɑ ɑ woodɑ yɑrɑ ye yɑ ɡerumɔ bu nun sɑ̃? N ǹ wunɑ ɑ nɛɛ, mɑ ɡoo ù n bũu ɡoo ǹ kun mɛ tɔnu ɡoo sɑ̃wɑ sɔ̃ɔ tɛnɑn bɑɑ sɔɔ, bɑ koo yɛ̃ro kpɛ̃ɛwɑ wɔru ɡe sɔɔ, mi ɡbee sinɑnsu wɑ̃ɑ? Mɑ sinɑ boko u wurɑ u nɛɛ, woodɑ ye, yɑ wɑ̃ɑwɑ dim dim nɡe mɛ Mɛdibɑ kɑ Pɛɛsibɑn woodɑ yɑ sɑ̃ɑ. N ǹ koorɔ bu ye kɔsi.

Mɑɑku 1:35

Yen sisiru buru buru yellu, sɑnɑm mɛ yɑm kun dɛɛrɑm kpɑ, Yesu u seewɑ u yɑrɑ. U doonɑ mi n dɛsire, u kɑnɑru mɔ̀.

Mɑɑku 6:46

Ye u tɔn be nɔɔ kɑnɑ u kpɑ, u doonɑ ɡuurun berɑ ɡiɑ u kɑ kɑnɑru ko.

Mɑɑku 6:48

U wɑ mɑ ben sɛsɛrɑ kun mɑɑ nim murɑmɔ yèn sɔ̃ woo dɑmɡuu ɡɑ kɑ bu yinnɑmɔ. Sɑnɑm mɛ yɑm sɑ̃rɑm dɔɔ, mɑ u bu turuku koomɑ u sĩimɔ nim wɔllɔ u kĩ u bu ɡbiiri.

Gɔrobun Kookoosu 10:3

Sɔ̃ɔ teeru, kɔbɑ itɑn sɑkɑ, u Gusunɔn ɡɔrɑdo wɑ kɑ̃siru sɔɔ, u nɑ win mi u nùn sokɑ u nɛɛ, Kɔɔnɛru.

Gɔrobun Kookoosu 10:30

Kɔɔnɛru u nɛɛ, ɡisɔ sɔ̃ɔ nnɛn ɑmɑdɑɑre, nɑ kɔbɑ itɑn kɑnɑru mɔ̀ nɛn dirɔ. Suɑru sɔɔ durɔ ɡoo u yɔ̃rɑ nɛn wuswɑɑɔ u yɑberu sebuɑ tɑ bɑllimɔ.

Gɔrobun Kookoosu 10:9

Yen sisiru sɑɑ ye bɑ wɑ̃ɑ swɑɑɔ mɑ bɑ Yope turuku koomɑ, Piɛɛ u yɔɔwɑ dii tɛɛrɑ wɔllɔ sɔ̃ɔ sɔɔn sɑkɑ u kɑ kɑnɑru ko.

Gɔrobun Kookoosu 3:1

Sɔ̃ɔ teeru, Piɛɛ kɑ Yohɑnu bɑ dɔɔ sɑ̃ɑ yerɔ yokɑn kɔbɑ itɑ, kɑnɑrun sɑɑ.

Efesu 6:18

I n kɑnɑru mɔ̀ sɑɑ bɑɑyere kpɑ i n Gusunɔn somiru bikiɑmɔ nɡe mɛ Hunde Dɛɛro u bɛɛ sɔ̃ɔsimɔ. I seewo i yɔ̃rɑ kpɑ i n tɛmɑnɛ, kpɑ i n kɑnɑru mɔ̀ nɑɑnɛ dokeobu kpuron sɔ̃.

Tɛsɑlonikɑ I 5:17

I n dɑ n kɑnɑru mɔ̀ sɑɑ bɑɑyere.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.