Womusu 55:15 - Bibeli Gusunɔn Gari

¹⁵ Nɛ kɑ wunɛ, kĩi bɑkɑrɑ tɑ sun mɑninɛ, mɑ sɑ dɔɔ sɑnnu Yinni Gusunɔn sɑ̃ɑ yerɔ.

Womusu 55:15 ပူးပေါင်းရင်းမြစ်များ

Sɑmuɛli II 17:23

Ye Ahitofɛli u wɑ bɑ ǹ kɑ win ɡɑri sɔmburu kue, yerɑ u win kɛtɛku ɡɑɑri bɔkuɑ u sĩɑ win wuuɔ, u dɑ win tiin yɛnuɔ u win yɛnuɡibu sɑɑriɑ kpuro mɛ bɑ koo koosinɑ. Yen biru u win tii soorɑ doke u ɡu. Mɑ bɑ nùn sikuɑ win bɑɑbɑn sikirɔ.

Sɑmuɛli II 18:14

Mɑ Yoɑbu nɛɛ, nɑ ǹ mɑɑ yɔ̃rɑmɔ kɑm sɔɔ n kɑ tɛ kɑ wunɛn ɡɑri yi. Yerɑ u dɛki itɑ suɑ yi yi nɔɔ sɛ̃u sɑ̃ɑ u dɑ mi dɑ̃ɑ te, tɑ Abusɑlɔmu sɔre. Mɑ u nùn yi sɔkurɑ win sɔndun deedeerɔ sɑnɑm mɛ u ǹ ɡinɑ ɡɔɔ kpɑ.

Sɑmuɛli II 18:9

Wee ye yɑ Abusɑlɔmu deemɑ. U kurɑmɑ Dɑfidin tɑbu kowobun wuswɑɑɔ u win kɛtɛku sɔni. Yerɑ kɛtɛku ɡe, ɡɑ kɑ nùn duɑ dɑ̃ɑ bɑkɑru ɡɑrun kɔkɔrɔ. Miyɑ dɑ̃ɑ ten kɑ̃ɑsɑ ɡɑɑ yɑ win seri sɔre mɑ kɛtɛku ɡe, ɡɑ doonɑ ɡɑ nùn deri mi, u sɑ̃ɑre, u ǹ kɑ wɔllu, u ǹ mɑɑ kɑ tem.

Womusu 59:13

Ben ɡere kpuro yɑ durum yibɑwɑ. A de ben tii suɑbu bu bu surɑ. Domi bɑ rɑ n weesu kɑ ɡɑri kɔ̃si ɡerumɔwɑ.

Womusu 64:7

Kɔ̃sɑ bɑ himbɑ mɔ̀ bɑ mɔ̀, ben kpunɑɑ ye, yɑ wɑ̃wɑ mɑm mɑm. Domi ɡoo kun kpɛ̃ u tɔnun ɡɔ̃run ɡɑri tubu.

Mɑteu 26:24

Tɔnun Bii u koo ɡbi nɡe mɛ Gusunɔn ɡɑri yi win ɡɑri mɔ̀, ɑdɑmɑ nɔni swɑ̃ɑruɡiiwɑ wi u koo nùn dɔmɛ. N burɑm bo bɑ kun dɑɑ yɛ̃ro mɑrɑ.

Mɑteu 27:5

Yudɑsi ɡobi yi yɑri sɑ̃ɑ yerɔ mɑ u yɑrɑ u dɑ u tii soorɑ doke.