Womusu 54:7 - Bibeli Gusunɔn Gari

⁷ A nɛn yibɛrɛbɑ kɔ̃sɑ kɔsio. A mɑn bɔrɔkiniru sɔ̃ɔsio, ɑ bu ɡo.

Womusu 54:7 ပူးပေါင်းရင်းမြစ်များ

Torubu 48:16

Win ɡɔrɑdo u mɑɑ mɑn wɔrɑ kɔ̃sɑ kpuron di. Gusunɔ wiyɑ u koo wunɛn bii beni domɑru kuɑ. Nɛn yĩsiru kɑ nɛn bɑɑbɑbɑ Aburɑhɑmu kɑ Isɑkin yĩsinɑ bɑ koo kɑ bu soku, kpɑ bu mɑrurɑ bu dɑbiɑ.

Sɑmuɛli II 4:9

Dɑfidi u Rekɑbu kɑ Bɑɑnɑ wisɑ u nɛɛ, i ǹ yɑɑye sɔmɔ wi u nɑ u mɑn Sɔɔlun ɡɔɔ sɔ̃ɔwɑ, mɑ u tɑmɑɑ lɑbɑɑri ɡeɑ u mɑn nɔɔsiɑmɔ, ɑdɑmɑ nɑ derɑ bɑ nùn mwɑ bɑ ɡo Sikilɑɡiɔ? Nɑ nùn win lɑbɑɑrin ɑre wɛ̃. Kɑɑ sere ɡere tɔn kɔ̃sobu be bɑ tɔnu wi u kun ɡɑ̃ɑnu kue kɑ̃ɑsi bɑ ɡo win dirɔ mi u kpĩ? Sere kɑ Yinni Gusunɔn wɑ̃ɑru wi u mɑn wɔrɑ sɑɑ nɔni swɑ̃ɑru kpuron di, kon de bu bɛɛ ɡowɑ.

Womusu 112:8

U ku rɑ wurure, bɛrum kun nùn mɔ̀, sere u kɑ win yibɛrɛbɑ kuɑ mɛ u kĩ.

Womusu 118:7

Yinni Gusunɔwɑ u sɑ̃ɑ nɛn fɑɑbɑ kowo. Yen sɔ̃nɑ ko nɑ n yɛ̃ɛrimɔ nɑ̀ n nɛn yibɛrɛbɑn biru wɑ.

Womusu 143:12

A nɛn yibɛrɛbɑ kɑm koosio, kpɑ ɑ nɛn wɛrɔbu kpuro kpeerɑsiɑ yèn sɔ̃ ɑ mɑn kĩ. Nɑ sɑ̃ɑwɑ wunɛn sɔm kowo.

Womusu 34:19

U rɑ n kɑ be bɑ nuki sɑnkire wɑ̃ɑ, kpɑ u be bɑ mwiɑ kpɑnɑ fɑɑbɑ ko.

Womusu 34:6

Be bɑ nùn wuswɑɑ kisi, bɑ rɑ n nuku dobu mɔwɑ. Bɑ ǹ mɑɑ ben wuswɑɑ wukirimɔ sekurun sɔ̃.

Womusu 37:34

A n Yinni Gusunɔ yĩiyɔ kpɑ ɑ n win swɑɑ swĩi. U koo nun wɔlle suɑ kpɑ ɑ n kɑ tem mɛ mɔ. Kɑɑ wɑ tɔn kɔ̃sobɑ kpeerɔ.

Womusu 59:10

Bɑɑ bɑ̀ n dɑm mɔ ɑmɔ, wunɑ nɑ nɑɑnɛ sɑ̃ɑ. Domi wunɑ nɛn kuku yee bɑkɑru.

Womusu 91:8

Nɔniyɑ kɑɑ kɑ mɛɛri tɔnɑ kpɑ ɑ tɔn kɔ̃sobun ɑre wɑ.

Womusu 92:11

A mɑn ɡbeeku kɛtɛn dɑm kɑ̃, mɑ ɑ mɑn domɑru kuɑ ɑ mɑn ɡum yɑrum tɑ̃re.

Timɔte II 4:18

Yinni koo mɑn yɑkiɑ sɑɑ kɔ̃sɑ kpuron di kpɑ u kɑ mɑn du win bɑndu sɔɔ wɔllɔ kɑ ɑlɑfiɑ. Wiyɑ yiiko mɔ sere kɑ bɑɑdommɑɔ. Ami.

Sɑmuɛli I 26:24

Nɡe mɛ nɑ wunɛn wɑ̃ɑru ɡɑrisi ɡɑ̃ɑ bɑkɑnu ɡisɔ, nɡe mɛyɑ Yinni Gusunɔ u mɑɑ nɛɡiru ɡɑrisi. Wiyɑ u koo mɑɑ mɑn yɑrɑ sɑɑ nuku sɑnkirɑnu kpuron di.