Womusu 53:5 - Bibeli Gusunɔn Gari

⁵ Ye u wɑ mɛ, yerɑ u tii bikiɑ u nɛɛ, kɔ̃sɑn kowo be, bɑ ǹ yɛ̃ru mɔ? Wee bɑ nɛn tɔmbu ɡbɛnimɔ. Ben ɡoo kun mɑn sɑ̃ɑmɔ.

Womusu 53:5 ပူးပေါင်းရင်းမြစ်များ

Yoobu 15:21

Kpɑ u n ɡbɑ̃sukunu nɔɔmɔ ni nu koo nùn bɛrum mwɑ. Wi u koo nùn kɑm koosiɑ, u koo nùn wɔri subɑru sɔɔ.

Womusu 14:5

Yen sɔ̃, kon de bu diiri ɡem ɡem domi ko nɑ n wɑ̃ɑ be bɑ mɑn mɛm nɔɔwɑmmɛn suunu sɔɔ.

Womusu 141:7

Nɡe mɛ bɑ̀ n kɔrɔ mɔ̀ tem mu rɑ nɔɔ bɑɑre, nɡe mɛyɑ ɡɔribun wɑ̃ɑ yerɑ koo nɔɔ bɑɑrɑ tu ben kukunu mwɛ ni nu yɑrinɛ.

Womusu 2:4

Bɑ n yɛ̃ mɑ kɑmɑ mi, domi Gusunɔ u bu yɛ̃ɛmɔ. Yinni u sɔ̃ wɔllɔ u bu yɑɑkoru mɔ̀. U sunɔ wi u ɡɔsɑ swĩi kɔ win ɡuurɔ te bɑ mɔ̀ Siɔni. Yen sɔ̃, i n tii sɛ, kpɑ u ku bɛɛ sɛɛyɑsiɑ kɑ mɔru, kpɑ i nɑndɑ win mɔru bɑkɑn sɔ̃.

Womusu 35:26

A de be, be bɑ nuku dobu mɔ̀ nɛn wɑhɑlɑn sɔ̃, be kpuro bu sekuru wɑ sɑnnu sɑnnu. A de be, be bɑ mɑn seesimɔ, bu sekuru wɑ tɑ n kpɑ̃.

Womusu 35:4

A de be bɑ mɑn kɑsu bu ɡo bu sekuru wɑ. A de be bɑ kĩ n kɑm ko bu biti soorɑ kpɑ bu biru wurɑ.

Womusu 40:14

Yinni Gusunɔ, ɑ mɑn wɔro, ɑ nɑ fuuku ɑ mɑn fɑɑbɑ ko.

Womusu 73:20

Yinni, ɑ rɑ bu kpeerɑsiewɑ, kpɑ bu ben ɡɑri duɑri nɡe mɛ tɔnu u rɑ dosu duɑri.

Mɔnnu 28:1

Wi u kɔ̃sɑ mɔ̀ u rɑ dukɑ suwɑ bɑɑ ɡoo ù kun nùn ɡire. Adɑmɑ wi u kun ɡɑ̃ɑnu kue, u rɑ n tororu sɔ̃wɑ nɡe ɡbee sunɔ kpɛmbu.

Yeremi 49:15

Domi nɛ, Yinni Gusunɔ, kon bu ko dɑ̃ɑkobu bwesenu kpuro sɔɔ, be tɔmbɑ ko n ɡɛmɑ.

Yeremi 6:30

mɑ bɑ bu sokumɔ sii si su ǹ ɡeɑ sɑ̃ɑ. Domi Yinni Gusunɔ u bu biru kisi.

Swĩi 2:6

U win sɑ̃ɑ yeru kɔsukɑ. U derɑ bɑ ku rɑ mɑɑ sɑ̃ɑrun tɔ̃ɔ bɑkɑnu kɑ tɔ̃ɔ wɛ̃rɑruɡiru di. Win mɔru seewɑ kɑ dɑm. Mɑ u sinɑ boko kɑ yɑ̃ku kowobu yinɑ.

Esekiɛli 6:5

Kon Isirelibɑn ɡonu kpĩ ben bwɑ̃ɑrokunun wuswɑɑɔ. Kpɑ n ben kukunu yɑruku ben bũu yɑ̃ku yenɔ.

Sɑ̃ɑrun Woodɑ 26:17

Kon bɛɛ biru kisi kpɑ bɛɛn yibɛrɛbɑ bu bɛɛ kɑmiɑ. Kpɑ be bɑ bɛɛ tusɑ bu bɛɛ dɑm dɔre. I ko i duki yɑkikirɑwɑ bɑɑ bɑ̀ kun bɛɛ nɑɑ ɡire.

Sɑ̃ɑrun Woodɑ 26:36

Be bɑ koo tiɑrɑ bɑ n wɑ̃ɑ yibɛrɛbɑn temɔ, kon de bu nuki sɑnkirɑ. Bɑɑ wuru kokosun dɑmu, ɡɑ koo de bu dukɑ yɑkurɑwɑ. Bɑ koo yɑkurɑwɑ nɡe be bɑ yibɛrɛbɑ wɑ bɑ tɑbu yɑ̃nu nɛni bɑ kɑ bu nɑɑ ɡire. Bɑ koo wɔrukuwɑ bɑɑ ɡoo ù kun bu nɑɑ swĩi.

Sɑmuɛli I 14:15

Mɑ bɛrum Filisitibɑn tɑbu kowobu mwɑ kpuro be bɑ wɑ̃ɑ sɑnsɑniɔ, kɑ be bɑ wɑ̃ɑ tɑbu ɡberɔ, kɑ be bɑ sɑnsɑni kɔ̃su, kɑ mɑɑ be bɑ yɑrimɔ bɑ tɔmbu wɔrɑɑ dɑɑmɔ. Sere kɑ tem tii mu yĩirumɔwɑ mɑ tɔmbɑ burisinɑ. Gusunɔwɑ u derɑ yɑbu ye kpuro yɑ koorɑ mɛ.