Womusu 53:3 - Bibeli Gusunɔn Gari

³ Yinni Gusunɔ u tɔmbu mɛɛrimɑ sɑɑ wɔllun di, u kɑ wɑ ɡoo ù n wɑ̃ɑ u bwisi mɔ, u kɑ wɑ ɡoo ù n wɑ̃ɑ u nùn sɑ̃ɑmɔ.

Womusu 53:3 ပူးပေါင်းရင်းမြစ်များ

Sɑmuɛli II 20:2

Yerɑ Isireli be kpuro bɑ Dɑfidi deri bɑ Sebɑ swĩi. Adɑmɑ Yudɑbɑ bɑ kɑ Dɑfidi ben sinɑ boko yɔ̃rɑ. Mɑ bɑ nùn yɔ̃siri sɑɑ Yuudɛnin dɑɑrun di sere Yerusɑlɛmuɔ.

Yoobu 15:16

wunɛ tɔnu ɑmɔnɑ kɑɑ kɑ kpĩ ɑ n dɛɛre win wuswɑɑɔ, wunɛ wi ɑ rɑ kɔ̃sɑ ko kiri kiri nɡe mɛ bɑ rɑ nim nɔ.

Womusu 14:3

Adɑmɑ u wɑ, be kpurowɑ bɑ kɔ̃ɔre, be kpurowɑ bɑ sɑnkire, be kpurowɑ bɑ kɔ̃sɑ mɔ̀. Bɑɑ ben turo kun ɡeɑ mɔ̀.

Esɑi 53:6

Sɑ rɑɑ yɑrinɛwɑ bɛsɛ kpuro nɡe yɑ̃ɑ ni nu kɔ̃ɔre. Bɑɑwure u win swɑɑ swĩi ye u kĩ. Mɑ Gusunɔ u nùn sɛɛyɑsiɑ bɛsɛn torɑnun sɔ̃.

Esɑi 64:6

Goo sɑri wi u wunɛn somiru kɑsu. Goo mɑɑ sɑri wi u rɑ nun kɑnɛ bururu, domi ɑ sun wunɛn wuswɑɑ beruɑ, mɑ ɑ sun deri sɑ ɡɔɔ dɔɔ bɛsɛn durum sɔ̃.

Esekiɛli 36:25

Kon bu nim dɛɛrɑm wisi kpɑ bu dɛɛrɑ. Kon ben torɑnu kpuro wɔkɑ kpɑ n ben bũnu kpuro wunɑ n kɔ̃.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Romu 3:12

Be kpurowɑ bɑ kɔ̃ɔre. Be kpurowɑ bɑ sɑnkire. Be kpurowɑ bɑ kɔ̃sɑ mɔ̀. Bɑɑ ben turo kun ɡeɑ mɔ̀.

Korinti II 7:1

Nɔɔ mwɛɛ ni kpuro nu sɑ̃ɑwɑ bɛsɛɡinu, kĩnɑsibu. Yen sɔ̃, su tii sɑ̃rɑsiɑ sɑɑ ɡɑ̃ɑnu kpuron di ni nu wɑsi kɑ hunde disinu tɛɛnimɔ, kpɑ sɑ n dɛɛrɑru sosimɔ Gusunɔn nɑsiɑru sɔɔ.

Yohɑnu I 2:29

Ì n yɛ̃ mɑ Kirisi u sɑ̃ɑwɑ ɡeeɡii, i n mɑɑ yɛ̃ mɑ bɑɑwure wi u mɔ̀ dee dee, Kirisin biiwɑ.

Yohɑnu III 1:11

Nɛn kĩnɑsi ɑ ku kom kɔ̃sum sɑɑri mɑ n kun mɔ kom ɡem. Wi u ɡeɑ mɔ̀ u sɑ̃ɑwɑ Gusunɔɡii, ɑdɑmɑ wi u kɔ̃sɑ mɔ̀ u ǹ Gusunɔ yɛ̃wɑ.

Kɑ̃siru 22:11

Wi u kɔ̃sɑ mɔ̀ u n win kɔ̃sɑ mɔ̀ u n bɔ. Wi u dɑɑ disinuɡiɑ mɔ̀, u n win dɑɑ disinuɡiɑ mɔ̀ u n bɔ. Wi u mɑɑ ɡeɑ mɔ̀ u n win ɡeɑ mɔ̀ u n bɔ. Wi u mɑɑ sɑ̃ɑ tɔn dɛɛro u de Gusunɔ u n mɑɑ nùn dɛɛrɑsiɑmɔ.