Womusu 51:3 - Bibeli Gusunɔn Gari

³ Gusunɔ, ɑ mɑn durom kuo wunɛn kĩi ɡeerun sɔ̃. A nɛn torɑru wunɔ wunɛn wɔnwɔndun sɔ̃.

Womusu 51:3 ပူးပေါင်းရင်းမြစ်များ

Nɛɛmi 9:2

Be bɑ sɑ̃ɑ Yuubɑ ɡesi, bɑ tii wĩɑ tɔn tukobun suunu sɔɔn di bɑ nɑ bɑ ben durum kɑ ben sikɑdobɑɡiɑ tuubɑ kuɑ.

Yoobu 33:27

Kpɑ u womu ko tɔmbun wuswɑɑɔ u nɛɛ, u durum kuɑ, u ɡem yinɑ. Adɑmɑ Gusunɔ kun nùn yen sɛɛyɑsiɑbu kue.

Womusu 32:5

Nɑ nɛɛ, kon nɛn torɑnu wurɑ wunɛ Yinni Gusunɔn mi. Nɑ nɛn durum tuubɑ kuɑ wunɛn mi, nɑ ǹ nɛn kɔ̃sɑ beruɑ. Mɑ ɑ mɑn nɛn durum tɑɑrɛ wunɑri.

Womusu 38:18

Wee nɑ wɔrumɑɑ dɔɔ, mɑ nɛn wɑhɑlɑ yɑ mɑn wɑ̃ɑsi.

Womusu 40:12

Yinni Gusunɔ, ɑ ku de n wunɛn wɔnwɔndu biɑ. A de wunɛn tɔn ɡeeru kɑ wunɛn bɔrɔkiniru tu mɑn kɔ̃su sɑɑ kpuro sɔɔ.

Womusu 41:5

Wee, nɑ ɡerumɔ nɑ mɔ̀, Yinni Gusunɔ, ɑ nɛn wɔnwɔndu wɑɑwo, ɑ nɛn hunde bɛkio. Domi nɑ nun torɑri.

Mɔnnu 28:13

Wi u win torɑru tii mɑrisi, u ǹ koorɑmɔ, ɑdɑmɑ wi u te tuubɑ kuɑ, mɑ u te deri, Gusunɔ u koo yɛ̃ro suuru kuɑ.

Esɑi 43:25

Kɑ mɛ, nɛnɑ nɑ bɛɛn durum wɔkɑmɔ yèn sɔ̃ nɑ sɑ̃ɑ Gusunɔ. Nɑ ǹ mɑɑ ye yɑɑyɑmɔ.

Esɑi 59:12

Domi bɛsɛn torɑnu kpɛ̃ɑ wunɛn wuswɑɑɔ, mɑ bɛsɛn durum yɑ bɛsɛn dɑɑ sɔ̃ɔsimɔ. Sɑ bɛsɛn torɑnu yɛ̃ ni nu sun wɑ̃ɑsi.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.