Womusu 51:16 - Bibeli Gusunɔn Gari

¹⁶ Gusunɔ, wunɛ wi ɑ mɑn fɑɑbɑ kuɑ, ɑ ku mɑɑ mɑn ɡoon yɛm bikiɑ. Ko nɑ n wunɛn ɡem mɛ ɑ mɑn wɛ̃ tɑkɑru mɔ̀.

Womusu 51:16 ပူးပေါင်းရင်းမြစ်များ

Sɑmuɛli II 12:9

Ǹ n mɛn nɑ, mbɑn sɔ̃nɑ ɑ win ɡɑri ɑtɑfiiru kuɑ ɑ kɑ kuɑ ye n sɑ̃ɑ kɔ̃sɑ win nɔni sɔɔ. A derɑ Amɔnibɑ bɑ Uri Hɛti wi ɡo kɑ tɑkobi, mɑ ɑ win kurɔ suɑ ɑ tii koosi.

Womusu 40:6

Gusunɔ nɛn Yinni, wunɛn sɔm ɡeenu kɑ wunɛn himbɑ ye ɑ sun kuɑ yɑ dɑbi. Gusunɔ, ɑ kpɑ̃, ɑ ǹ sɑɑrɑ mɔ. Nɑ kĩ n ye kpuro kpɑrɑ n tɔmbu nɔɔsiɑ. Adɑmɑ yen ɡeerɑ kpɑ̃ sere nɑ ǹ kpɛ̃ n ye sɑɑri.

Womusu 50:8

N ǹ bɛɛn yɑ̃kunun sɔ̃ nɑ bɛɛ ɡerusimɔ. Domi nɑ rɑ bɛɛn yɑ̃ku dɔ̃ɔ mwɑɑrɑruɡinu mwɛ bɑɑdommɑ.

Womusu 51:6

Wunɛ turowɑ nɑ torɑri, nɑ mɑɑ kuɑ ye yɑ ǹ nun dore. Yen sɔ̃, ɑ ɡem mɔ ye ɑ kɑ mɑn tɑɑrɛ wɛ̃. Wunɛn siribu bu dɛnde.

Womusu 71:15

Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere. Domi yɑ ǹ nɔru mɔ.

Yɑribu 21:14

Wi u win winsim mwɑ u ɡo nuku kɔ̃surun sɔ̃ kɑ bwisi, bu yɛ̃ro mɔɔ bu ɡo, bɑɑ ù n duɑ nɛn sɑ̃ɑ yerɔ u yɑ̃ku yeru nɛnuɑ u kɑ bɔ̃re.

Mɔnnu 15:8

Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 21:27

Tɔn kɔ̃son yɑ̃kuru tɑ ku rɑ Gusunɔ wɛ̃re. Kɑɑ sere ɡere te u kɑ bwisiku kɔ̃sunu mɔ̀?

Yeremi 7:27

Wunɛ Yeremi, ɑ̀ n yenibɑ kpuro ɡeruɑ, bɑ ǹ nun swɑɑ dɑkimɔ. À n mɑɑ bu sokɑ, bɑ ǹ nun wurɑrimɔ.

Osee 6:6

Domi wɔnwɔndɑ nɑ kĩ, n ǹ mɔ yɑ̃kuru. Mɛyɑ nɑ mɑɑ kĩ nɛn tɔmbu bu mɑn ɡiɑ n kere bu mɑn yɑ̃ku dɔ̃ɔ mwɑɑrɑruɡinu kuɑ.

Gbɑburu 15:27

Ǹ n mɑɑ tɔn turon nɑ u torɑ uǹ kɑ bɑɑru, u koo boo niu wɔ̃ɔ tiɑɡuu ɡowɑ win torɑ ten sɔ̃.

Gbɑburu 35:31

Bu ku nɔm birɑn kɛ̃ru mwɑ bu kɑ tɔn ɡowo deri. N weenɛ u ɡbiwɑ kɑm kɑm.

Sɔ̃ɔsiru 22:22

Bɑ̀ n durɔ ɡoo mwɑ u sɑkɑrɑru mɔ̀ kɑ ɡoon kurɔ, bɑ koo be kpuro ɡowɑ durɔ wi kɑ kurɔ wi. Nɡe mɛyɑ i ko i kɑ dɑɑ kɔ̃sɑ yen bweseru wunɑ bɛɛn suunu sɔɔn di.

Sɑmuɛli I 15:22

Sɑmuɛli u nɛɛ, mbɑ Yinni Gusunɔ u kĩru bo. Yɑ̃kunu? Nɡe mɛm nɔɔbu. Wee mɛm nɔɔbu bu yɑ̃kuru kere. Wii kpĩibu bu mɑɑ yɑ̃ku yɑɑ ɡum kere.