Womusu 5:11 - Bibeli Gusunɔn Gari

¹¹ A bu nɔni sɔ̃ɔwɔ ben tɑɑrɛn sɔ̃. A bu sureo ben tiin yinɑ sɔɔ. A bu ɡiro wunɛn wuswɑɑn di, domi ben durum yɑ kpɑ̃. Bɑ mɑɑ nun seesi.

Womusu 5:11 ပူးပေါင်းရင်းမြစ်များ

Yoobu 38:7

Sɑɑ ye wɔllun ɡɔrɑdobɑ bɑ dɛsiru kɑrɑmɔ, mɑ n sɑ̃ɑre kperin tii yi nuku dobun womu mɔ̀ yɑm sɑ̃re bururu,

Womusu 2:12

kpɑ u ku rɑɑ mɔru ko subɑru sɔɔ. Domi win mɔru yɑ̀ n seewɑ, u koo de i kɑm ko. Adɑmɑ doo nɔɔruɡibɑ be bɑ nùn nɑɑnɛ sɑ̃ɑ kpuro.

Womusu 35:27

Adɑmɑ ɑ de be bɑ nuku dobu mɔ nɛn tɑɑrɛ sɑrirun sɔ̃ bu yɛ̃ɛri, kpɑ bɑ n wunɛ Yinni Gusunɔ siɑrɑmɔ bɑɑdommɑ, wunɛ, wi ɑ kĩ nɛ, wunɛn sɔm kowo nɑ n wɑ̃ɑ bɔri yɛndu sɔɔ.

Womusu 40:16

A de be bɑ mɑn yɑɑkoru mɔ̀ bɑ n wɑ̃ɑ dɛsirun biti sɔɔ.

Womusu 58:10

Kɑɑ bu ɡurɑwɑ fuuku kɑ woo ɡunɑ sere bu kɑ nɛɛ, weke te bɑ swɛ̃n koru tɑ dɔ̃ɔ wɑ tɑ swĩɑ, bɑɑ dɑ̃ɑ yɑ̀ n ɡbere.

Womusu 65:13

Debu te, tɑ wɑ̃ɑwɑ kɑ kpɑrɑ yenɔ, mɑ nuku dobu nɔɔrɑmɔ ɡuunɔ.

Womusu 68:3

A bu yɑrinɑsiɑ nɡe wiisu. Mɑ bɑ yɑndɑ nɡe ɡum minɛru te bɑ dɔ̃ɔ tĩi. Tɔn kɔ̃sobu bɑ mundɑ wunɛn wuswɑɑɔ Gusunɔ.

Womusu 69:36

Gusunɔ u koo Siɔni fɑɑbɑ ko. U koo mɑɑ Yudɑn wusu bɑni. Win sɔm kowobu bɑ koo sinɑ wuu si sɔɔ kpɑ su ko beɡisu.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Romu 8:28

Domi sɑ yɛ̃ mɑ bɑɑyere kpuro sɔɔ ye yɑ rɑ tɔnu deemɛ, Gusunɔ u sɔmburu mɔ̀ u kɑ bu ɡeɑ kuɑ be u sokɑ win himbɑ sɔɔ, mɑ bɑ nùn kĩ.

Korinti I 2:9

Adɑmɑ nɡe mɛ bɑ yoruɑ, “Ye nɔni kun wɑɑre, ye swɑɑ kun nɔɔre, ye yɑ ǹ mɑɑ duure tɔnun ɡɔ̃ru sɔɔ, yeyɑ Gusunɔ u bu sɔɔru kuɑ be bɑ nùn kĩ.”

Yɑkɔbu 1:12

Doo nɔɔruɡiiwɑ wi u lɑɑkɑri mɛɛribun sɑɑ sɔɔ tɛmɑnɑ. Domi win lɑɑkɑri mɛɛribun biru u koo wɑ̃ɑru wɑ tèn nɔɔ mwɛɛru Yinni bu kuɑ be bɑ nùn kĩ.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.

Kɑ̃siru 18:20

Wɔllu, ɑ ɡɔ̃ru doro wuu ɡen sɔ̃. Bɛɛ mɑɑ nɑɑnɛ dokeobu kɑ ɡɔrobu kɑ Gusunɔn sɔmɔbu, i ɡɔ̃ru doro yèn sɔ̃ Gusunɔ u ɡu siri ye ɡɑ bɛɛ kuɑn sɔ̃.

Kpɑrobu 5:31

Yinni Gusunɔ, ɑ de wunɛn yibɛrɛbɑ kpuro bu ɡbi nɡe Siserɑ. Adɑmɑ be bɑ nun kĩ, bɑ n bɑllimɔ nɡe sɔ̃ɔ wii wɔllun sɔ̃ɔ. Yen biruwɑ tem mɛ, mu bɔri yɛndu wɑ wɔ̃ɔ weeru.