Womusu 48:9 - Bibeli Gusunɔn Gari

⁹ Ye sɑ nɔɔmɔ bɑ ɡerumɔ, sɑ ye wɑ Gusunɔ, wɔllu kɑ tem Yinnin wuuɔ. Sɑ ye wɑ Gusunɔ bɛsɛn Yinnin wuuɔ. Wiyɑ u koo de wuu ɡe, ɡɑ n wɑ̃ɑ sere kɑ bɑɑdommɑɔ.

Womusu 48:9 ပူးပေါင်းရင်းမြစ်များ

Sinɑmbu I 10:6

Mɑ u sinɑ boko Sɑlomɔɔ sɔ̃ɔwɑ u nɛɛ, wunɛn dɑm kɑ wunɛn bwisin bɑɑru ye nɑ nuɑ sɑɑ nɛn tem di, ye kpuro ɡemɑ.

Sinɑmbu I 10:7

Adɑmɑ nɑ ǹ dɑɑ ɡɑri yi nɑɑnɛ kue sere nɑ kɑ tunumɑ mini. Wee, nɛn nɔni yi ye kpuro wɑ. Kɑ ɡem ye nɑ wɑ mini, bɑ ǹ dɑɑ mɑn yen bɔnu sɔ̃ɔwɑ. Wunɛn bwisi kɑ wunɛn dukiɑ yɑ kpɑ̃ n kere nɡe mɛ wunɛn yĩsirɑ yɑrɑ.

Womusu 104:34

Yinni Gusunɔ, ɑ de nɛn ɡɑri yi nun dore. Nɑ kĩ n nuku dobu ko wunɛ sɔɔ.

Womusu 26:3

Domi wunɛn kĩrɑ nɑ nɔni ɡirɑri. Mɑ nɑ sĩimɔ wunɛn durom sɔɔ.

Womusu 40:10

Tɔn wɔrun suunu sɔɔ, nɑ rɑ wunɛn fɑɑbɑn lɑbɑɑri ɡeɑ kpɑre. Yinni Gusunɔ, ɑ yɛ̃ mɑ nɑ ku rɑ nɛn nɔɔ mɑri.

Womusu 87:5

Adɑmɑ Yerusɑlɛmuɡibu bɑ koo nɛɛ, ben temɑ mi kɑ ɡem. Wɔrukoowɑ u mɛn kpɛɛkpɛɛku swĩi.

Womu Duro 1:4

A mɑn tii ɡɑwemɑ kpɑ su nun nɑɑ swĩi kɑ dukɑ. A sɑ̃ɑwɑ nɛn sunɔ, ɑ kɑ mɑn doo wunɛn wɑ̃ɑ yerɔ. Wunɛn sɑɑbuwɑ sɑ nuku dobu mɔ. Wunɛn kĩru tɑ tɑm dobu kere. Bɑ ɡem mɔ be bɑ nun kĩ.

Esɑi 26:8

Yinni Gusunɔ, swɛɛ yi kɑɑ sun sure kpuro, wunɑ sɑ ko n nɑɑnɛ sɑ̃ɑ, su kɑ sĩ yi sɔɔ. Ye bɛsɛn ɡɔ̃ru ɡɑ kĩ, yerɑ su nun yɑɑyɑ kpɑ su nun sɑ̃.

Yeremi 31:40

Wɔwɑ ye kpuro mi bɑ rɑ ɡonu sike kpɑ bu kubɑnu yɑri mi, kɑ ɡbeɑ ye yɑ wɑ̃ɑ berɑ mi sere n kɑ dɑ Sedoronin dɑɑrɔ, kɑ kɔnnɔ ɡe ɡɑ wɑ̃ɑ sɔ̃ɔ yɑri yeru ɡiɑ, mìn di dumi yi rɑ kɑ du, yebɑ kpurowɑ yɑ ko n sɑ̃ɑ nɛ, Yinni Gusunɔɡiɑ. Bɑ ǹ mɑɑ ye kɔsukumɔ sere kɑ bɑɑdommɑɔ.