Womusu 47:6 - Bibeli Gusunɔn Gari

⁶ Gusunɔ u yɔɔmɔ Siɔniɔ, mɑ bɑ nɑsɑrɑn tɑki mɔ̀. U ɡbiɑ u dɔɔ, mɑ bɑ kɔbɑ soomɔ.

Womusu 47:6 ပူးပေါင်းရင်းမြစ်များ

Bɑndun Gɑri I 15:28

Isirelibɑ kpuro bɑ kɑ Yinni Gusunɔn woodɑn kpɑkoro te nɑ Yerusɑlɛmuɔ. Bɑ kuuki mɔ̀ nuku dobun sɔ̃, mɑ bɑ kɔbi kɑ sɛkɛtirɛnu kɑ ɡuunu kɑ mɔrɔkunu soomɔ.

Bɑndun Gɑri I 16:9

I nùn tɔmɔ. I nùn siɑro kɑ womusu, kpɑ i win sɔm mɑɑmɑɑkiɡinun ɡɑri kpɑrɑ.

Bɑndun Gɑri I 29:20

Dɑfidi u mɑɑ tɔn be bɑ mɛnnɛ mi kpuro sɔ̃ɔwɑ u nɛɛ, i Gusunɔ bɛɛn Yinni siɑro. Mɑ be kpuro bɑ Gusunɔ ben sikɑdobɑn Yinni siɑrɑ, bɑ yiirɑ win wuswɑɑɔ kɑ mɑɑ sinɑ bokon wuswɑɑɔ.

Womusu 145:1

Womu ɡe Dɑfidi u kuɑ u kɑ Gusunɔ siɑrɑ. Ge wee. Gusunɔ nɛn sinɑ boko, kon nun wɔlle suɑ. Kon wunɛn yĩsiru tɔmɑ sere kɑ bɑɑdommɑɔ.

Womusu 68:4

Adɑmɑ ɡemɡibu bɑ rɑ n nuku dobu kɑ nɑsɑrɑ mɔwɑ wunɛn mi kpɑ bɑ n yɛ̃ɛrimɔ.

Womusu 89:18

Domi wunɑ ɑ sɑ̃ɑ ben dɑm kɑ ben bɛɛrɛ. Wunɛn sɑɑbuwɑ sɑ tɑ̃simɔ.

Yɑribu 15:21

Mɑriɑmu u bu womu ɡeni kuɑ u nɛɛ, i Yinni Gusunɔ tɔmɔ kɑ womu, domi u nɑsɑrɑ wɑ kɑ win yiiko. Dumi kɑ yin mɑɑsɔbu u sure nim wɔ̃ku sɔɔ.

Esɑi 33:22

Wee, sin wɛ̃ɛ yi koo kɑsikirɑ, kpɑ yi kun mɑɑ sin bekɑ nɛni ɡberebɑ sɔɔ woo ɡu kɑ su bɔriɑ. Yerɑ n koo de bu bu dukiɑ bɑkɑ ɡurɑri. Bɑɑ kɑ yɛmɔbɔ bɑ koo dɑ mi, bu kɑ yɑ̃ɑ ni ɡurɑ. Yinni Gusunɔwɑ u ko n sɑ̃ɑ bɛsɛn siri kowo, kpɑ u sun woodɑ wɛ̃. Wiyɑ u ko n sɑ̃ɑ bɛsɛn sinɑ boko. Kpɑ u sun fɑɑbɑ ko.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Mɑteu 25:34

Sɑnɑm mɛyɑ sunɔ u koo be bɑ wɑ̃ɑ win nɔm ɡeuɔ sɔ̃ u nɛɛ, i nɑ bɛɛ be nɛn Bɑɑbɑ u domɑru kuɑ, i bɑndu tubi dio te bɑ bɛɛ sɔɔru kuɑ sɑɑ hɑnduniɑn toren di.

Mɑteu 27:37

Win wii wɔllɔ bɑ yorɑ ɡɑɑ bwɛ̃ ye yɑ win tɑɑrɛ ɡerumɔ yɑ nɛɛ, winiwɑ Yesu, Yuubɑn sunɔ.