Womusu 46:2 - Bibeli Gusunɔn Gari

² Gusunɔwɑ u sɑ̃ɑ bɛsɛn kuku yee nɑɑnɛɡiru kɑ bɛsɛn tɑ̃si yeru. Bɑɑ nuku sɑnkirɑnu sɔɔ, u rɑ n sɔɔru sɑ̃ɑwɑ u kɑ tɔnu somi.

Womusu 46:2 ပူးပေါင်းရင်းမြစ်များ

Sɑmuɛli II 22:3

A sɑ̃ɑwɑ nɡe kpee bɑɑ yè sɔɔ kon kuke. A sɑ̃ɑwɑ nɛn kuku yee nɑɑnɛɡiru. Wunɑ ɑ sɑ̃ɑ nɛn Yinni wi u mɑn yɑkiɑ. Wunɑ ɑ sɑ̃ɑ nɛn tɛrɛru. Wunɛn dɑmɑ mu mɑn wɔrɑ. Wunɑ ɑ sɑ̃ɑ nɛn kɑri.

Womusu 142:6

Yinni Gusunɔ, wunɑ nɑ sokumɔ. Nɑ nɛɛ, wunɑ ɑ sɑ̃ɑ nɛn kuku yeru. Wunɛ turowɑ ɑ sɑ̃ɑ nɛɡii duniɑ ye sɔɔ.

Womusu 18:7

Mɑ nɑ nɔɔɡiru suɑ nɛn nuku sɑnkirɑru sɔɔ, nɑ Yinni Gusunɔ sokɑ. Mɑ u nɛn nɔɔ nuɑ sɑɑ win wɑ̃ɑ yerun di. Mɛyɑ mɑɑ nɛn weeweenu wɔri win swɑsɔ.

Womusu 23:4

Nɑ̀ n sĩimɔ yɑm wɔ̃ku bɑkɑru sɔɔ, nɑ ǹ kɔ̃sɑ nɑsie, yèn sɔ̃, ɑ kɑ mɑn wɑ̃ɑ. Wunɛn dɛkɑ yɑ rɑ mɑn kpɑre. Wunɛn bokurɑ tɑ rɑ mɑn ɡbɑre. Yeniwɑ yɑ rɑ mɑn dɑm kɛ̃.

Womusu 27:3

Nɛn yibɛrɛbɑ bɑ̀ n mɑn sikerenɑ bɑ mɑn tɑbu wɔrimɑ, nɛn tororɑ kun kɑrɑmɔ. Gusunɔwɑ ko nɑ n nɑɑnɛ sɑ̃ɑ.

Womusu 28:7

Wunɑ ɑ mɑn ɡɑnuɑ nɡe tɛrɛru, ɑ sɑ̃ɑwɑ nɛn dɑm. Wunɛ sɔɔrɑ nɛn nɑɑnɛ wɑ̃ɑ, domi ɑ mɑn fɑɑbɑ kuɑ. Mɑ nɑ nuku dobu mɔ, nɑ nun siɑrɑmɔ kɑ womusu.

Womusu 37:39

Yinni Gusunɔwɑ u ɡemɡibu fɑɑbɑ mɔ̀. Wiyɑ u rɑ bu bere nɔni swɑ̃ɑrun sɑnɑm.

Womusu 59:17

Adɑmɑ nɛ, nɑ kon womu ko wunɛn dɑm sɔ̃. Buru buru yellu, nɑ kon nun tɔmɑ wunɛn kĩrun sɔ̃, domi ɑ sɑ̃ɑwɑ nɛn kuku yee dɑmɡiru, kpɑ n kuke wunɛn mi nɑ̀ n nuki sɑnkire.

Womusu 62:8

Gusunɔ, wunɑ ɑ rɑ mɑn fɑɑbɑ ko, kpɑ ɑ de nɑ n bɛɛrɛ mɔ. Wunɑ nɛn kuku yee dɑmɡiru.

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Womusu 82:5

Adɑmɑ bɛɛ, i ǹ ɡɑ̃ɑnu ɡɑnu yɛ̃. I ǹ mɑɑ bwisi ɡɛɛ mɔ. I kom kɔ̃sum mɔ̀wɑ, mɑ yɑ derɑ ɡem mu doonɑ hɑnduniɑn di.

Womusu 91:2

Kon Yinni Gusunɔ sɔ̃ mɑ wiyɑ nɛn kuku yeru kɑ nɛn kɑ̀rì. Wiyɑ nɛn Yinni wi nɑ nɑɑnɛ sɑ̃ɑ.

Yeremi 14:8

Wunɛ wi bɛsɛ Isirelibɑ sɑ nɑɑnɛ sɑ̃ɑ, wunɑ ɑ rɑ sun fɑɑbɑ ko wɑhɑlɑn sɑɑ sɔɔ. Mbɑn sɔ̃nɑ kɑɑ n sɑ̃ɑ nɡe sɔɔ wi u sɑrɔ bɛsɛn temɔ u kpunɑ wɔ̃ku teeru tɔnɑ.

Nɑhumu 1:7

Yinni Gusunɔ u sɑ̃ɑwɑ tɔn ɡeo. U sɑ̃ɑwɑ be bɑ wɑ̃ɑ wɑhɑlɑ sɔɔn kuku yeru. Be bɑ nùn nɑɑnɛ sɑ̃ɑ, berɑ u rɑ nɔɔri.

Mɑteu 21:21

Yesu bu wisɑ u nɛɛ, kɑ ɡeemɑ nɑ bɛɛ sɔ̃ɔmɔ, ì n nɑɑnɛ doke mɑ i ǹ sikɑ mɔ̀, i ko kpĩ i ko ye nɑ fiɡie ye kuɑ. N ǹ mɑm mɛ tɔnɑ, i ko mɑɑ kpĩ i ɡuu teni sɔ̃ tu wukuro min di tu dɑ tu nim wɔ̃ku wɔri. Yɑ koo mɑɑ koorɑ mɛ.

Luku 21:33

Wɔllu kɑ tem mu koo doonɑ, ɑdɑmɑ nɛn ɡɑri kun doonɔ.

Heberu 13:6

Yen sɔ̃nɑ sɑ ko kpĩ su tororu so su nɛɛ, “Yinni Gusunɔwɑ sɑ̃ɑ wi u koo mɑn somi. Nɑ ǹ ɡɑ̃ɑnu ɡɑnun bɛrum mɔ. Mbɑ tɔnu koo kpĩ u mɑn kuɑ.”