Womusu 46:10 - Bibeli Gusunɔn Gari

¹⁰ U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Womusu 46:10 ပူးပေါင်းရင်းမြစ်များ

Sinɑmbu I 18:36

Ye yokɑn yɑ̃kurun sɑɑ yɑ turɑ, yerɑ Gusunɔn sɔmɔ Eli u susi yɑ̃ku turɑ ten mi, u nɛɛ, Gusunɔ, Aburɑhɑmu kɑ Isɑki kɑ Yɑkɔbun Yinni, ɑ de bu ɡiɑ ɡisɔ mɑ wunɑ ɑ sɑ̃ɑ Gusunɔ Isireliɔ, mɑ nɑ mɑɑ sɑ̃ɑ wunɛn bɔ̃ɔ. Kpɑ bɑ n yɛ̃ mɑ ɡɑ̃ɑ ni nɑ kuɑ, wunɛn min diyɑ nu koorɑ.

Sinɑmbu II 19:12

Sɑnɑm mɛ nɛn bɑɑbɑbɑ bɑ Gosɑni kpeerɑsiɑ kɑ Hɑrɑni kɑ Resɛfu kɑ sere Edɛniɡibu, be bɑ wɑ̃ɑ Telɑsɑɑɔ, ben bũnu kpĩɑ nu bu yɑrɑ?

Sinɑmbu II 6:23

Isirelibɑn sinɑ boko u derɑ bɑ bu dim bɑkɑm kuɑ. Mɑ bɑ di bɑ nɔrɑ. Yen biru u bu yɔ̃su bɑ doonɑ ben yinnin mi. Sɑɑ dɔmɑ ten di, Siriɡibu bɑ ku rɑ mɑɑ Isirelibɑ wɔrimɛ.

Bɑndun Gɑri I 29:11

Yinni Gusunɔ, wunɑ ɑ kpɑ̃, ɑ dɑm mɔ, ɑ mɑɑ yiiko mɔ. A ǹ nɔru mɔ. Domi wunɑ ɑ mɔ kpuro ye yɑ wɑ̃ɑ wɔllɔ kɑ ye yɑ wɑ̃ɑ temɔ. Wunɑ ɑ bɑndu dii, wunɑ ɑ kpuro kere.

Womusu 100:3

I n yɛ̃ mɑ wi turowɑ u sɑ̃ɑ Gusunɔ. Wiyɑ u sun tɑkɑ kuɑ. Sɑ sɑ̃ɑwɑ win tɔmbu. Sɑ sɑ̃ɑwɑ nɡe yɑ̃ɑ ɡɔ̃ɔ ɡe u kpɑre.

Womusu 21:13

A wunɛn tɛndu bɛrio ɑ bu twee. Bɑ koo nun biru kisi.

Womusu 37:15

Adɑmɑ ben tɑkobi be, bɑ koo duwɑ ben tiin toronɔ, kpɑ ben tɛnnu nu bɔɔkirɑ.

Womusu 57:5

Wee nɑ wɑ̃ɑ tɔn kɔ̃sobun suunu sɔɔ be bɑ sɑ̃ɑ nɡe ɡbee sinɑn si su rɑ tɔmbu tem. Ben donnɑ nu sɑ̃ɑ ben yɑɑsi kɑ ben sɛ̃ɛnu. Mɑ ben yɑrɑ sɑ̃ɑ nɡe tɑkobi ye yɑ nɔɔ do.

Womusu 83:18

A de bu sekuru wɑ, kpɑ bɑ n nɑnde sere kɑ bɑɑdommɑɔ. A ben yĩiyɔbu wunɔ, kpɑ bu kɑm ko.

Yɑribu 18:11

Tɛ̃ nɑ ɡiɑ mɑ wiyɑ u bũnu kpuro kere. Domi u derɑ Eɡibitiɡibun nuku kɔ̃surɑ wɔri ben tii sɔɔ.

Esɑi 2:11

Tɔ̃ru ɡɑrɑ sisi tè sɔɔ bɑ koo wi u tii sue kɑwɑ kpɑ bu Yinni Gusunɔ turo wɔlle suɑ.

Esɑi 2:17

Tɔ̃ɔ te sɔɔ, bɑ koo wi u tii sue kɑwɑ kpɑ bu bwɑ̃ɑrokunu kpeerɑsiɑ. Yinni Gusunɔ turowɑ bɑ koo wɔlle suɑ.

Esɑi 2:4

U koo bwese dɑbinu siri, kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo mɑɑ nin yɑɑsi bɔɔri nu wobɑ so. Bweseru ɡɑrɑ kun mɑɑ ɡɑru seesimɔ. Bɑ ǹ mɑɑ ben bibu tɑbu toobu sɔ̃ɔsimɔ.

Esɑi 5:16

Tɔ̃ɔ te sɔɔ, Gusunɔ, wɔllu kɑ tem Yinni u koo win tɔmbu siri dee dee u kɑ win yiiko sɔ̃ɔsi, kpɑ u ɡeɑ ko u kɑ sɔ̃ɔsi mɑ u dɛɛre.

Yeremi 49:35

Gusunɔ, wɔllu kɑ tem Yinni u nɛɛ, wee, kon Elɑmuɡibun tɛnnu bɔɔku ni nu sɑ̃ɑ ben dɑm nuuru.

Esekiɛli 30:8

Nɑ̀ n Eɡibitiɡibu dɔ̃ɔ sɔkumɑ mɑ nɑ derɑ be bɑ kɑ bu yinɑmɔ min dɑm mu kpɑ, sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 38:23

Nɡe mɛyɑ kon kɑ bwese dɑbinu sɔ̃ɔsi mɑ nɑ kpɑ̃ nɑ mɑɑ sɑ̃ɑ dɛɛro kpɑ nu ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 39:3

Adɑmɑ kon win tɛndu wɔrɑ win nɔm dwɑrun di kpɑ n win sɛ̃ɛnu mwɛɛri win nɔm ɡeun di.

Misee 4:3

U koo bwese dɑbinu siri, ni nu dɑm mɔ nu nɑ tontonden di. Kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo nin yɑɑsi bɔɔri nu wobɑ so. Bweseru ɡɑrɑ kun ɡɑru seesimɔ. Bɑ ǹ mɑɑ tɑbun ɡɑri mɔ̀ ben suunu sɔɔ.

Hɑbɑkuku 2:20

Yinni Gusunɔ u wɑ̃ɑ win sɑ̃ɑ yee dɛɛrɑrɔ. Tɔmbu kpuro bu nɔɔ mɑrio win wuswɑɑɔ.

Sɑkɑri 2:13

Wee u koo nu nɔmɑ doke kpɑ nu ɡɔsiɑ bɛɛn yobu. Sɑɑ ye sɔɔrɑ nu koo ɡiɑ mɑ Gusunɔ, wɔllu kɑ tem Yinniwɑ u mɑn ɡɔrimɑ.

Yosue 11:6

Yerɑ Yinni Gusunɔ u Yosue sɔ̃ɔwɑ u nɛɛ, ɑ ku ben bɛrum ko. Siɑ ɑmɑdɑɑre kon bɛɛ bu nɔmu sɔndiɑ, kpɑ i bu mwɛɛri i ɡo, kpɑ i ben dumin nɑɑ sĩinu bɔɔri, yen biru i ben tɑbu kɛkɛ be dumi ɡɑwe dɔ̃ɔ mɛni.

Yosue 11:9

Yosue u kuɑwɑ nɡe mɛ Yinni Gusunɔ u nùn sɔ̃ɔwɑ. U tɔn ben dumin nɑɑ sĩinu bɔɔrɑ mɑ u tɑbu kɛkɛ be dumi ɡɑwe mi dɔ̃ɔ mɛni.

Sɑmuɛli I 17:46

Gisɔ Yinni Gusunɔ u koo mɑn nun nɔmu bɛriɑ. Kon nun so n surɑ kpɑ n wunɛn wiru burɑ. Gisɔ kon Filisitibɑn tɑbu kowobun ɡonu ɡunɔsu kɑ ɡbeeku yɛɛ wɛ̃ yi di. Kpɑ hɑnduniɑɡibu kpuro bu ɡiɑ mɑ Gusunɔ Isirelibɑn Yinni u dɑm mɔ.

Sɑmuɛli I 2:4

Wiyɑ u derɑ tɑbu kowo dɑmɡibun tɛmɑ bɔɔkirɑ. Mɑ dɑm sɑriruɡibɑ dɑm kuɑ.