Womusu 45:14 - Bibeli Gusunɔn Gari

¹⁴ Sinɑ bii wɔndiɑ kurɔ kpɑo wi, u wɑ̃ɑ sinɑ kpɑɑrɔ, u yɑ̃nu sebuɑ ni bɑ burɑru koosi kɑ wurɑbɑ.

Womusu 45:14 ပူးပေါင်းရင်းမြစ်များ

Yɑribu 27:16

Kɑrɑ yen kɔnnɔn tii sɔɔ, kɑɑ beku kɛnutiru doke, tèn yɑsum ko n sɑ̃ɑ ɡɔm soonu yɛndu. Wɛ̃ɛ dɑmɡiiyɑ kɑɑ kɑ tu ko kpɑ ɑ tu burɑru kuɑ kɑ wɛ̃ɛ wunɔmɡii kɑ yi bɑ wɔ̃kuɑ kɑ burɑ kɑ mɑɑ ɡɑɑdurɑ. Kpɑ ɑ mɑɑ tu ɡɑbɑ kuɑ kɑ dɑ̃ɑ bɛsi sinumɡii nnɛ yi yi yɔ̃rɑtii mɔ.

Yɑribu 28:39

Kpɑ ɑ mɑɑ tɑko kɑ dɑwɑni ko kɑ wɛ̃ɛ dɑmɡii, kɑ sɛ̃kɑtiɑ ye bɑ sɔmɑ doke.

Womu Duro 2:7

bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ kɑ yɛɛ kpiki kɑ nɛnnun yĩsinu, i ku nɛn kĩnɑsi yɑmiɑ sɑɑ ye u ǹ kĩ u se.

Womu Duro 6:1

mɑnɑ wunɛn kĩnɑsi wi, u dɑ, wunɛ wi ɑ kurɔbu kpuro burɑm kere. Berɑ mɑnɑ u ɡɛre, kpɑ su kɑ nun wi kɑsu.

Womu Duro 6:8

Sinɑnibun ɡeerɑ sɑ̃ɑwɑ wɑtɑ, sinɑ kurɔbu mɑɑ wɛnɛ. Wɔndiɑbɑn ɡeerɑ kun nɔru mɔ be.

Womu Duro 8:13

A de n wunɛn nɔɔ nɔ nɛn kĩnɑsi, wunɛ wi ɑ rɑ n wɑ̃ɑ dɑ̃ɑ ɡbɑɑru sɔɔ. Kpɑɑsibɑ kĩ bu ɡu nɔ.

Yohɑnu 17:24

Bɑɑbɑ, nɑ kĩ be ɑ mɑn wɛ̃ bɑ n wɑ̃ɑ nɛn mi, mi nɑ wɑ̃ɑ, kpɑ bɑ n nɛn yiiko mɛɛrɑ ye ɑ mɑn wɛ̃, domi ɑ mɑn kĩ bɑ sere hɑnduniɑ tɑkɑ kuɑ.

Korinti II 11:2

Nɑ nisinu mɔ bɛɛn sɔ̃ ni nu wee Gusunɔn min di, domi i sɑ̃ɑ nɡe wɔndiɑ wi u kun durɔ yɛ̃, wi nɑ durɔ turo kɑ̃. Durɔ wiyɑ Kirisi.