Womusu 44:3 - Bibeli Gusunɔn Gari

³ Kɑ wunɛn tiin nɔmɑ ɑ bwese tukunu ɡirɑ. A bwese ni so nu yɑrinɑ, mɑ ɑ bɛsɛn bɑɑbɑbɑ swĩi nin wɑ̃ɑ yenɔ.

Womusu 44:3 ပူးပေါင်းရင်းမြစ်များ

Sɑmuɛli II 7:23

Bweseru ɡɑru mɑɑ sɑri nɡe bɛsɛ Isirelibɑ te tɑ koo nɛɛ, ten bũu u tu yɑkiɑmɑ yorun di mɑ u tu yĩsiru kɑ̃ tɑ n kɑ sɑ̃ɑ wiɡiru. Kɑ ɡeemɑ ɡɑ̃ɑ bɑkɑnɑ ɑ sun kuɑ. A mɑɑ ɡɑ̃ɑ mɑɑmɑɑkiɡinu kuɑ wunɛn tem sɔ̃ bɛsɛn wuswɑɑɔ ye ɑ kɑ sun yɑkiɑmɑ Eɡibitiɡibun min di, kɑ bwesenu ɡɑnun nɔmɑn di, kɑ ben bũnun suunu sɔɔn di, kpɑ sɑ n kɑ sɑ̃ɑ wunɛɡibu

Bɑndun Gɑri II 20:7

Yinni Gusunɔ, wunɑ ɑ tem min tɔmbu ɡirɑ bɛsɛ, wunɛn tɔmbu Isirelibɑn wuswɑɑn di. Mɑ ɑ mu bɛsɛ, Aburɑhɑmu wi u nun kĩɑn bibun bweseru wɛ̃.

Womusu 111:6

U win tɔmbu win sɔm mɑɑmɑɑkiɡinun dɑm sɔ̃ɔsi ni u kɑ bu tɔn tukobun tem wɛ̃.

Womusu 17:7

A mɑn wunɛn durom bɑkɑm sɔ̃ɔsio, domi ɑ rɑ be bɑ nun nɑɑnɛ sɑ̃ɑ wɔre ben yibɛrɛbɑn nɔmɑn di.

Womusu 20:6

A de ye u nun bikiɑ kpuro yu koorɑ, kpɑ bɛsɛ kpuro su yɛ̃ɛri sinɑ bokon nɑsɑrɑn sɔ̃, kpɑ su wunɛn yĩsiru wɔlle suɑ.

Womusu 4:6

I Yinni Gusunɔ nɑɑnɛ dokeo. I yɑ̃kunu koowo ni u bikiɑmɔ.

Womusu 42:11

Nɛn kukunu bɛsikirɑmɔ sɑnɑm mɛ bɑ mɑn nɔni sɔ̃ɔmɔ, bɑ mɑn wɔmmɔ, bɑ ɡerumɔ bɑ mɔ̀, mɑnɑ Gusunɔ nɛn Yinni wi.

Womusu 42:5

Nɛn tororu tɑ rɑ kɑrewɑ nɑ̀ n yɑɑyɑ sɑnɑm mɛ tɔn dɑbiru tɑ rɑ n mɑn sikerenɛ, nɑ n tu ɡbiiye su kɑ dɑ Gusunɔn sɑ̃ɑ yerɔ, sɑ n nuku dobu mɔ̀, sɑ n Gusunɔ siɑrɑmɔ sɑnnu.

Womusu 74:11

Mbɑn sɔ̃nɑ ɑ wunɛn nɔmu kuruɑ. A ɡu dɛmiɔ kpɑ ɑ bu kɑm koosiɑ.

Womusu 77:15

A sɑ̃ɑwɑ wi u rɑ sɔm mɑɑmɑɑkiɡinu ko. A derɑ wunɛn dɑm mu sɔ̃ɔsirɑ bwesenu sɔɔ.

Womusu 78:55

U bwese tukunu ɡirɑ win tɔmbu Isirelibɑn sɔ̃. Mɑ u tem mɛ bɔnu kuɑ u derɑ bɑ sinɑ mi, kuu bekuruɡinu sɔɔ.

Womusu 80:16

A resɛm dɑ̃ɑ te nɔɔrio te, te tɑ sɑ̃ɑ nɡe wunɛn bii wi ɑ ɡɔsɑ.

Womusu 80:9

Wee ɑ resɛm dɑ̃ɑ wukɑmɑ Eɡibitin di, mɑ ɑ tɔmbu seeyɑ ben wɑ̃ɑ yenun di, mɑ ɑ resɛm ye ɡirɑ mi.

Yɑribu 15:16

Bɛrum kɑ nɑndɑbu koo bu deemɑ subɑru sɔɔ. Wunɛn dɑm sɑɑbu bɑ koo mɑri sɔ̃ɔ sɔ̃ɔ nɡe kperu. Sere wunɛn tɔn be ɑ yɑkiɑ yorun di bu kɑ nim wɔ̃ku tɔburɑ, Yinni Gusunɔ.

Esɑi 63:12

Mɑ u Mɔwisi kpɑrɑ kɑ win dɑm bɑkɑm. U nim burɑnɑ bɛsɛn wuswɑɑɔ u n kɑ yĩsi bɛɛrɛɡiru yɑrɑ sere kɑ bɑɑdommɑɔ.

Gbɑburu 14:8

Tim kɑ bomɑ mu kokumɔ mi. Gusunɔ ù n kɑ sun nɔnu ɡeu mɛɛrɑ, u koo kɑ sun dɑ mi, kpɑ u sun mu wɛ̃.

Korinti II 4:7

Adɑmɑ bɛsɛ be sɑ hunden dukiɑ ye mɔ, sɑ ye mɔ bɛsɛn wɑsi sɔɔ yi yi sɑ̃ɑ nɡe tem mɔndu kpɑ dɑm bɑkɑm mɛ, mu n kɑ sɑ̃ɑ Gusunɔɡim, n ǹ mɔ bɛsɛn tiiɡim.

Sɔ̃ɔsiru 10:15

Bɛɛn bɑɑbɑbɑ tɔnɑwɑ u kɑ ɑrukɑwɑni bɔkuɑ mɑ u bu kĩɑ. Yen biru, bwesenu kpuro sɔɔ, bɛɛyɑ u ɡɔsɑ bɛɛ be i sɑ̃ɑ ben bibu nɡe mɛ i wɑɑmɔ ɡisɔ.

Yosue 24:12

Nɑ susu bɑkɑnu ɡɔrɑ bɛɛn wuswɑɑɔ, nu bu ɡirɑ nɡe mɛ nu Amɔrebɑn sinɑmbu yiru ye kuɑ. N ǹ mɔ bɛɛn tɑkobibɑ, ǹ kun mɛ bɛɛn tɛnnu i kɑ bu kɑmiɑ.

Yosue 3:10

Ì n wɑ Gusunɔ Yinni wɑson kpɑkororu tɑ bɛɛ ɡbiiye tɑ Yuudɛni duɔ, i ko i n yɛ̃ mɑ Gusunɔ u wɑ̃ɑ bɛɛn suunu sɔɔ. U koo mɑɑ Kɑnɑnibɑ kɑ Hɛtibɑ kɑ Hefibɑ kɑ Feresibɑ kɑ Giriɡɑsibɑ kɑ Amɔrebɑ kɑ Yebusibɑ ɡirɑ bɛɛn wuswɑɑn di.

Sɑmuɛli I 12:22

Yinni Gusunɔ u ɡɔ̃ru doke u bɛɛ ko win tɔmbu, u ǹ mɑɑ bɛɛ yinɑmɔ win yĩsi bɑkɑrun bɛɛrɛn sɔ̃.