Womusu 43:4 - Bibeli Gusunɔn Gari

⁴ kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

Womusu 43:4 ပူးပေါင်းရင်းမြစ်များ

Sɑmuɛli II 6:5

Mɑ Dɑfidi kɑ Isirelibɑ kpuro bɑ bu swĩi bɑ mɔrɔkunu soomɔ, kɑ ɡɔ̃ɔɡenu kɑ bɑrɑ kpɑ̃nu kɑ sɛkɛtirɛnu kɑ yɑnkokonu. Mɑ bɑ womusu mɔ̀ bɑ yɑɑmɔ kɑ ben dɑm kpuro, bɑ kɑ Gusunɔ sɑ̃ɑmɔ.

Womusu 26:6

Nɑ rɑ nɛn nɔmɑ niɛwɑ n kɑ sɔ̃ɔsi mɑ nɑ ǹ tɑɑrɛ mɔ. Nɑ rɑ de n nun sɑ̃ nɑ n wunɛn yɑ̃ku yeru sikerenɑmɔ,

Womusu 33:2

I nùn siɑro kɑ mɔrɔkunu kpɑ i womusu ko kɑ ɡɔ̃ɔɡenu.

Womusu 42:6

Mbɑn sɔ̃nɑ ko nɑ n nuki sɑnkire, kpɑ nɑ n weeweenu mɔ̀. Nɑ ko n nɛn yĩiyɔbu doke Gusunɔ nɛn Yinnin mi, kpɑ n mɑɑ nùn siɑrɑ. Domi u sɑ̃ɑwɑ nɛn Yinni kɑ nɛn Fɑɑbɑ kowo.

Womusu 57:8

Gusunɔ, nɛn tororɑ sɔ̃. Kon nun womu kuɑ kpɑ n nɛn bɑrɑnu so.

Womusu 57:9

A yɑndo nɛn bwɛ̃rɑ. Mɑnɑ nɛn ɡɔ̃ɔɡerɑ wɑ̃ɑ. Mɑnɑ nɛn mɔrɔku ɡɑ wɑ̃ɑ n kɑ sɔ̃ɔ bɔɔsiɑ.

Womusu 63:2

Gusunɔ, ɑ sɑ̃ɑwɑ nɛn Yinni. Wunɑ nɑ soku. Nɑ wunɛn bɛkɛ bɑrɔ. Mɑ nɛn wɑsi kpuro bɛsikirɑmɔ wunɛn sɑrirun sɔ̃ nɡe mɛ tem ɡbebum mu rɑ n bɛsikirɑmɔ nim sɑrirun sɔ̃.

Womusu 81:2

Yinni Gusunɔwɑ u sɑ̃ɑ bɛsɛn dɑm. I nùn womu kuo kɑ nuku dobu. I Gusunɔ Yɑkɔbun Yinni tɑkɑru koowo kɑ nuku dobu.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Romu 5:11

N ǹ mɛ tɔnɑ, sɑ mɑɑ nuku dobu mɔ Gusunɔ sɔɔ sɑɑ bɛsɛn Yinni Yesu Kirisin min di wi u derɑ sɑ dorɑ kɑ Gusunɔ.

Kɑ̃siru 5:8

Ye tɑ kuɑ mɛ, yerɑ hunde koni nnɛ ye kɑ ɡuro ɡurobu yɛndɑ nnɛ ye, bɑ kpunɑ Yɑ̃ɑ kinɛ kpɛm ten wuswɑɑɔ. Ben bɑɑwure u mɔrɔku mɔ kɑ wurɑn bweebu mì sɔɔ turɑre wɑ̃ɑ ye yɑ sɑ̃ɑ nɑɑnɛ dokeobun kɑnɑnu.