Womusu 43:1 - Bibeli Gusunɔn Gari

¹ A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Womusu 43:1 ပူးပေါင်းရင်းမြစ်များ

Sɑmuɛli II 15:31

N deemɑ ɡoo u rɑɑ Dɑfidi sɔ̃ɔwɑ u nɛɛ, Ahitofɛli u wɑ̃ɑ kɑ Abusɑlɔmu, tɔn be bɑ sinɑ boko seesi sɔɔ. Mɑ Dɑfidi u Yinni Gusunɔ kɑnɑ u nɛɛ, u de Ahitofɛlin bwisi yi u Abusɑlɔmu kɛ̃mɔ mi, yi ko ɑsɑnsi sɑriruɡii.

Sɑmuɛli II 16:20

Yerɑ Abusɑlɔmu u Ahitofɛli sɔ̃ɔwɑ u nɛɛ, i wesiɑnɔ sɑnnu kpɑ i ɡere ye sɑ ko ko.

Sɑmuɛli II 18:8

Mɑ tɑɑ bi, bu tɛriɑ tem mɛ kpuro sɔɔ. Tɔn be bɑ kɑm kuɑ dɑ̃ɑ sɔ̃ɔ ɡe sɔɔ, bɑ kere be bɑ nɔmɑ turɑ bɑ ɡo.

Womusu 140:5

Yinni Gusunɔ, ɑ mɑn tɔn kɔ̃so ɡbɑro. A mɑn ɡbɑnɑɡibu ɡiro be bɑ kɑsu bu mɑn surɑ.

Womusu 26:1

Dɑfidin womu. Yinni Gusunɔ, wunɑ nɑ nɑɑnɛ sɑ̃ɑ mɑm mɑm. Nɑ sĩimɔwɑ dee dee wunɛn woodɑbɑ sɔɔ. A mɑn ɡem wɛ̃ɛyɔ.

Womusu 35:1

Dɑfidin womu. Yinni Gusunɔ, be bɑ mɑn wɔrim wee, ɑ bu wɔrio. Be bɑ kɑ mɑn sɑnnɑmɔ, ɑ kɑ bu sɑnnɔ.

Womusu 35:24

Gusunɔ nɛn Yinni, ɑ sɑ̃ɑwɑ ɡemɡii, ɑ mɑn sirio, kpɑ bu ku rɑɑ mɑɑ nuku dobu ko nɛn sɔ̃,

Womusu 5:6

Tii suobu bɑ ǹ kpɛ̃ bu yɔ̃rɑ wunɛn mi. A kɔ̃sɑn kowobu tusɑ.

Womusu 54:3

Gusunɔ, ɑ mɑn fɑɑbɑ koowo wunɛn yĩsirun sɔ̃. A de ɑ mɑn siriɑ kɑ wunɛn dɑm bɑkɑm.

Womusu 7:7

Yinni Gusunɔ, ɑ nɛn yibɛrɛ wɔrio kɑ mɔru. Be bɑ kɔ̃ruɑ, ɑ bu sɛɛyɑsio kɑ mɔru. A de ɑ n wɑ̃ɑ nɛn bɔkuɔ. A de ɑ mɑn siriɑ.

Womusu 7:8

Yinni Gusunɔ, wee ɑ sɔ̃ wunɛn sinɑ ɡɔnɑɔ. A de bwesenu nu mɛnnɑmɑ mi. A de ɑ nu siri mi.

Womusu 7:9

Yinni Gusunɔ, wunɑ kɑɑ tɔmbu siri. A mɑn sirio nɡe mɛ nɛn dɛɛrɑrɑ nɛ. A mɑn nɛn ɡem wɛ̃ɛyɔ.

Womusu 71:4

Gusunɔ nɛn Yinni, ɑ mɑn wɔro tɔn kɔ̃sobun nɔmɑn di kɑ nuku kɔ̃suruɡibun nɔmɑn di.

Womusu 75:7

Domi wɔlle suɑbu kun wee sɑɑ sɔ̃ɔ yɑri yerun di, ǹ kun mɛ sɔ̃ɔ duu yerun di, bu ǹ mɑɑ wee sɔ̃ɔ yɛ̃sɑn nɔm dwɑru ɡiɑn di.

Mɔnnu 22:23

Domi Yinni Gusunɔ u koo kɑ bu yinɑ, kpɑ u be bɑ ben yɑ̃nu ɡurɑ ɡo.

Mɔnnu 23:11

Domi wi u koo bu mɔru kɔsiɑ u dɑm mɔ, u koo mɑɑ bu sɑnnɑ.

Misee 7:9

Sɑ ko Yinni Gusunɔn mɔru sɔbe, domi sɑ nùn torɑ. Adɑmɑ sɑɑ ɡɑɑ sisi yè sɔɔ u koo kɑ sun yinɑ, kpɑ u sun ɡem wɛ̃. U koo kɑ sun nɑ yɑm bururɑm sɔɔ kpɑ u sun durom kuɑ.

Korinti I 4:4

Nɑ ǹ ɡɑ̃ɑnu yɛ̃ nɛ sɔɔ ye yɑ mɑn tɑɑrɛ wɛ̃ɛmɔ, ɑdɑmɑ n ǹ mɔ bɑ mɑn ɡem wɛ̃ yen sɔ̃. Domi Yinniwɑ sɑ̃ɑ nɛn siri kowo.

Piɛɛ I 2:23

Ye bɑ nùn wɔnwɑ u ǹ wɔmburu kɔsie. Ye bɑ nùn nɔni sɔ̃ɔwɑ u ǹ bu bɔ̃rusi, ɑdɑmɑ u tii Gusunɔ wi u rɑ siri dee dee wɛ̃wɑ.

Sɑmuɛli I 24:15

Weren sɔ̃nɑ wunɛ Isirelibɑn sunɔ ɑ yɑrimɑ. Wɑrɑ ɑ nɑɑ ɡire. Nɛ wi nɑ sɑ̃ɑ nɡe bɔ̃ɔ ɡoru? Ǹ kun mɛ nɡe ɡoo dɛ̃ɛ?