Womusu 42:3 - Bibeli Gusunɔn Gari

³ Nɛn ɡɔ̃ru ɡɑ wunɛn bɛkɛ bɑrɔ, Yinni Gusunɔ, wunɛ wi ɑ wɑ̃ɑ. Sɑɑ yerɑ̀ nɑ kon tii sɔ̃ɔsi wunɛn wuswɑɑɔ Yinni.

Womusu 42:3 ပူးပေါင်းရင်းမြစ်များ

Sɑmuɛli II 16:12

Sɔrɔkudo Yinni Gusunɔ u koo nɛn wɔnwɔndu wɑ kpɑ u kɔ̃sɑ ye ɡɔsiɑ ɡeɑ.

Womusu 102:9

Nɛn yibɛrɛbɑ bɑ rɑ n mɑn wɔmmɔwɑ bɑɑdommɑ kpɑ bɑ n kɑ nɛn yĩsiru bɔ̃rumɔ.

Womusu 115:2

Mbɑn sɔ̃nɑ tɔn tukobu bɑ koo nɛɛ, mɑnɑ Gusunɔ bɛsɛn Yinni u wɑ̃ɑ.

Womusu 143:6

Wunɑ nɑ nɔmɑ tĩi. Nɛn ɡɔ̃ru ɡɑ wunɛn bɛkɛ bɑrɔ nɡe mɛ tem ɡbebɑ rɑ n nim kĩ.

Womusu 22:8

Be bɑ mɑn wɑ kpuro, bɑ rɑ n mɑn yɛ̃ɛmɔwɑ, bɑ n mɑn nɔɔ swiikinu mɔ̀, bɑ n wii ɡimɑnu koosimɔ, bɑ n mɔ̀,

Womusu 3:2

Yinni Gusunɔ, nɛn yibɛrɛbɑ bɑ dɑbi. Be bɑ mɑn seesi bɑ dɑbi.

Womusu 42:10

Gusunɔ, nɛn Yinni, ɑ sɑ̃ɑwɑ nɛn kpee sɑɑrɑ. Mbɑn sɔ̃nɑ ɑ mɑn duɑri. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

Womusu 63:2

Gusunɔ, ɑ sɑ̃ɑwɑ nɛn Yinni. Wunɑ nɑ soku. Nɑ wunɛn bɛkɛ bɑrɔ. Mɑ nɛn wɑsi kpuro bɛsikirɑmɔ wunɛn sɑrirun sɔ̃ nɡe mɛ tem ɡbebum mu rɑ n bɛsikirɑmɔ nim sɑrirun sɔ̃.

Womusu 79:10

Mbɑn sɔ̃nɑ kɑɑ de bwesenu nu n mɔ̀, mɑnɑ bɛsɛn Yinni u wɑ̃ɑ. A be bɑ wunɛn tɔmbun yɛm yɑri mɔru kɔsieyo bwesenun suunu sɔɔ bɛsɛn wuswɑɑɔ.

Womusu 79:12

Yinni, bwese ni nu kɑ nun sikerenɛ nu nun wɔnwɑ, ɑ nu nin durum kɔsieyo sere nɔn nɔɔbɑ yiru.

Womusu 80:5

Gusunɔ wɔllu kɑ tem Yinni, sere sɑɑ yerɑ̀ kɑɑ n kɑ sun mɔru sɑ̃ɑ ɑ n bɛsɛn kɑnɑru yinɑmɔ.

Womusu 84:3

Nɑ sɛnde, nɑ diirimɔ n wɑ n kɑ du wunɛn sɑ̃ɑ yerɔ. Nɛn ɡɔ̃ru kɑ nɛn wɑsi kpuro nuku dobun kuuki mɔ̀ wunɛ Yinni Gusunɔn sɔ̃, wunɛ wi ɑ wɑ̃ɑ.

Yɑribu 23:17

Nɡe mɛyɑ wɔ̃ɔ bɑɑɡere bɛɛ tɔn durɔbu i ko i n dɑ kɑ mɛnnɛ nɔn itɑ nɛn sɑ̃ɑ yerɔ.

Yoɛli 2:17

Kpɑ yɑ̃ku kowo be bɑ mɑn sɑ̃ɑmɔ bu du nɛn sɑ̃ɑ yerɔ kɑ swĩi, yɑ̃ku yeru kɑ kɔnnɔn bɑɑ sɔɔ, bu nɛ ben Yinni kɑnɑ bu nɛɛ, n ben wɔnwɔndu wɑɑwo, be, nɛn tɔmbu. N ku bu sekuru doke. N ku de tɔn tukobu bu bu yɛ̃ɛ bu nɛɛ, mɑnɑ nɛ, ben Yinni nɑ wɑ̃ɑ.

Misee 7:10

Bɛsɛn yibɛrɛbɑ bɑ koo ye wɑ. Sɑɑ ye sɔɔrɑ bɑ koo sekuru wɑ, be, be bɑ rɑ rɑɑ bikie bu nɛɛ, mɑnɑ Gusunɔ bɛsɛn Yinni u wɑ̃ɑ. Bɑ koo bu tɑɑku nɡe pɔtɔkɔ, kpɑ su bu yɛ̃ɛ.

Sɔ̃ɔsiru 5:26

Wɑrɑ u Yinni Gusunɔ wi u rɑ n wɑ̃ɑn ɡɑri nɔɔre dɔ̃ɔ yɑrɑ sɔɔn di nɡe be, mɑ yɛ̃ro u wɑ̃ɑ u ǹ ɡu.