Womusu 41:5 - Bibeli Gusunɔn Gari

⁵ Wee, nɑ ɡerumɔ nɑ mɔ̀, Yinni Gusunɔ, ɑ nɛn wɔnwɔndu wɑɑwo, ɑ nɛn hunde bɛkio. Domi nɑ nun torɑri.

Womusu 41:5 ပူးပေါင်းရင်းမြစ်များ

Yoobu 18:17

Bɑ koo win ɡɑri duɑri hɑnduniɑ sɔɔ. Bɑ ǹ mɑɑ win yĩsiru yɑɑyɑmɔ.

Yoobu 20:7

u koo kɑm kowɑ nɡe swɑɑ swĩi bi tɔnu u kuɑ. Be bɑ rɑɑ nùn wɑɑmɔ, bɑ koo nɛɛ, mɑnɑ u wɑ̃ɑ.

Womusu 102:8

Nɑ ku rɑ dweeye, nɑ sɑ̃ɑwɑ nɡe ɡunɔ ɡe ɡɑ wɑ̃ɑ ɡe teu diru wɔllɔ.

Womusu 38:12

Nɛn kpɑɑsibu kɑ be bɑ mɑn yɛ̃ kpuro bɑ mɑn duki suurimɔ nɛn bɑrɑrun sɔ̃. Mɑ be bɑ mɑɑ wɑ̃ɑ nɛn turuku, bɑ tii mɛnɑ nɛnɛm.

Womusu 51:3

Gusunɔ, ɑ mɑn durom kuo wunɛn kĩi ɡeerun sɔ̃. A nɛn torɑru wunɔ wunɛn wɔnwɔndun sɔ̃.

Womusu 51:6

Wunɛ turowɑ nɑ torɑri, nɑ mɑɑ kuɑ ye yɑ ǹ nun dore. Yen sɔ̃, ɑ ɡem mɔ ye ɑ kɑ mɑn tɑɑrɛ wɛ̃. Wunɛn siribu bu dɛnde.

Womusu 56:2

Gusunɔ, ɑ nɛn wɔnwɔndu wɑɑwo, domi tɔn dɑbirɑ tɑ mɑn buku buku mɔ̀. Tɑ kɑ mɑn tɑbu mɔ̀, mɑ tɑ mɑn nɔni sɔ̃ɔmɔ tɔ̃ɔ bɑɑtere.

Womusu 57:2

Gusunɔ, ɑ nɛn wɔnwɔndu wɑɑwo. Wunɛn miyɑ nɑ kuku yeru kɑsu. Wunɛn kɑsɑn sɑɑrɑ tɑ koo mɑn bere sere nɛn nɔni swɑ̃ɑru kpuro tu kɑ kpe.

Womusu 67:2

Gusunɔ, ɑ bɛsɛn wɔnwɔndu wɑɑwo, kpɑ ɑ sun domɑru kuɑ. A de ɑ kɑ sun nɔnu ɡeu mɛɛri,

Womusu 86:16

A mɑn mɛɛrimɑ kpɑ ɑ nɛn wɔnwɔndu wɑ. A nɛ, wunɛn sɔm kowo dɑm kɛ̃ɛyɔ, kpɑ ɑ mɑn fɑɑbɑ ko nɛ, wunɛn sɔm kowon bii.

Womusu 86:3

Yinni, wunɑ nɑ rɑ nɔɔɡiru sue bɑɑdommɑ. A mɑn wɔnwɔndu kuo.

Mɔnnu 10:7

Bɑ ku rɑ ɡemɡii duɑri, ɑdɑmɑ tɔn kɔ̃so, bɑ rɑ nùn duɑriwɑ sere kɑ win yĩsirɔ.