Womusu 41:13 - Bibeli Gusunɔn Gari

¹³ A mɑn kɔ̃su nɛn mɛm nɔɔbun sɔ̃. Mɑ ɑ derɑ nɑ wɑ̃ɑ wunɛn mi sere kɑ bɑɑdommɑɔ.

Womusu 41:13 ပူးပေါင်းရင်းမြစ်များ

Sinɑmbu I 1:36

Mɑ Bɛnɑyɑ Yehoyɑdɑn bii u nɛɛ, ɑmi, nɛn yinni sinɑ boko. Yinni Gusunɔ u de n koorɑ mɛ.

Bɑndun Gɑri I 16:36

Gusunɔ, Isirelibɑn Yinni, wunɑ bɑ ko n siɑrɑmɔ sere kɑ bɑɑdommɑɔ. Mɑ tɔmbu kpuro bɑ nɛɛ, ɑmi! I Yinni Gusunɔ siɑro.

Bɑndun Gɑri I 29:10

Dɑfidi u Yinni Gusunɔ siɑrɑ tɔn be bɑ mɛnnɛ mi kpuron wuswɑɑɔ. U nɛɛ, i Gusunɔ bɛsɛn sikɑdo Yɑkɔbun Yinni siɑro sere kɑ bɑɑdommɑɔ.

Womusu 106:48

Gusunɔ bɛsɛ Isirelibɑn Yinni, sɑ ko n nun siɑrɑmɔwɑ sere kɑ bɑɑdommɑɔ. Kpɑ tɔmbu kpuro bu nɛɛ, ɑmi! I Yinni Gusunɔ siɑro.

Womusu 147:6

Yinni Gusunɔ u rɑ wɔnwɔndobu nɔɔri. Kpɑ u tɔn kɔ̃sobu surɑ sere temɔ.

Womusu 150:6

Hunde koni bɑɑyere ye yɑ ɡesi wɛ̃siɑmɔ, yu Yinni Gusunɔ siɑro. I Yinni Gusunɔ siɑro.

Womusu 89:52

Yinni Gusunɔ, yibɛrɛbɑ bɑ wunɛn tɔmbu sekuru dokemɔ, mɑ bɑ wi ɑ ɡɔsɑ wɔmmɔ mi u dɔɔ kpuro.

Yeremi 28:6

u nɛɛ, ɑmi. Gusunɔ u de yu koorɑ nɡe mɛ ɑ ɡeruɑ. Kpɑ u de tɔn be kpuro bu wurɑmɑ Bɑbilonin di kɑ Yinni Gusunɔn sɑ̃ɑ yerun dendi yɑ̃ɑ ni.

Gbɑburu 5:22

Gusunɔ u de nim mɛ mu kɑ bɔ̃ri nɑɑmɔ mi, mu du wunɛn nukurɔ kpɑ wunɛn nuku te, tu mɔsi, kpɑ wunɛn mɑrutuu ɡu ɡberɑ. Sɑɑ ye sɔɔrɑ, kurɔ wi, u koo ɡere u nɛɛ, ɑmi!

Mɑteu 6:13

A ku kɑ sun dɑ kɔkiribun berɑ ɡiɑ. Adɑmɑ ɑ sun wunɑ sɑɑ tɔn kɔ̃son nɔmun di. [Domi wunɑ ɑ bɑndu kɑ dɑm kɑ yiiko mɔ sere kɑ bɑɑdommɑɔ. Ami.]

Korinti I 14:16

À n Gusunɔ siɑrɑ kɑ hunde tɔnɑ, ɑmɔnɑ nɑɑnɛ dokeo diro u koo kɑ kpĩ u nɛɛ, ɑmi, wunɛn siɑrɑbun sɔ̃. U ǹ yɛ̃ ye ɑ ɡerumɔ.

Efesu 1:3

I de su Gusunɔ siɑrɑ bɛsɛn Yinni Yesu Kirisin Bɑɑbɑ. Bɛsɛ kɑ Kirisin ɡbinnɑɑn sɑɑbu u sun wɔllun domɑ bwese bwesekɑ kuɑ sɑɑ win Hunden min di.

Kɑ̃siru 11:17

bɑ mɔ̀, Gusunɔ Yinni dɑm kpuroɡii, wunɛ wi ɑ wɑ̃ɑ tɛ̃, ɑ rɑɑ mɑɑ wɑ̃ɑ, sɑ nun siɑrɑmɔ yèn sɔ̃ ɑ wunɛn dɑm bɑkɑm dendɑ, mɑ ɑ wunɛn bɑn dibu toruɑ.

Kɑ̃siru 22:20

Wi u ɡɑri yini kpuro ɡeruɑ u yi sirewɑ u nɛɛ, mɛyɑ, u sisi u ǹ tɛɛmɔ. Ami, ɑ nɑ Yinni Yesu.

Kɑ̃siru 4:8

Hunde koni nnɛ yen bɑɑyere yɑ kɑsɑ nɔɔbɑ tiɑ tiɑ mɔ, mɑ yi nɔni mɔ yɑm kpuro tɔɔwɔ kɑ sɔɔwɔ. Bɑ rɑ n womu mɔ̀ kpeetim sɑri sɔ̃ɔ sɔɔ kɑ wɔ̃kuru bɑ n mɔ̀, Dɛɛro! Dɛɛro! Dɛɛro! Mɛyɑ Yinni Gusunɔ Dɑm kpuroɡii u sɑ̃ɑ, wi u rɑɑ wɑ̃ɑ, wi u wɑ̃ɑ, wi u mɑɑ sisi.

Kɑ̃siru 7:12

bɑ nɛɛ, ɑmi. Gusunɔ bɛsɛn Yinniwɑ u siɑrɑbu kɑ ɡirimɑ kɑ yɛ̃ru kɑ tɑkɑru kɑ bɛɛrɛ, kɑ dɑm, kɑ yiiko mɔ sere kɑ bɑɑdommɑɔ. Ami.