Womusu 41:10 - Bibeli Gusunɔn Gari

¹⁰ Nɛn bɔrɔ kĩnɑsi, kɑ wì sɑ wɑ̃ɑ sɑnnu bɔri yɛndu sɔɔ, nɑ mɑɑ nùn nɑɑnɛ sɑ̃ɑ, mɑ sɑ dimɔ sɑnnu, wiyɑ u kuɑ nɛn yibɛrɛ.

Womusu 41:10 ပူးပေါင်းရင်းမြစ်များ

Sɑmuɛli II 15:12

Sɑnɑm mɛ u yɑ̃kuru mɔ̀, yerɑ u derɑ bɑ dɑ Giloɔ bɑ Ahitofɛli, Dɑfidin bwisi kɛ̃ɔ kɑsumɑ. Yerɑ Abusɑlɔmun niɑ ye u sɑ̃ɑ mi, yɑ dɑm kuɑ. Tɔn be bɑ kɑ nùn yɔ̃rɑ bɑ dɑbiɑmɔ ɡem ɡem.

Yoobu 19:19

Be nɑ rɑ kɑ ɡerunɛn tii bɑ mɑn tusɑ. Be nɑ mɑɑ kĩ bɑ mɑn seesi.

Womusu 3:3

Geemɑ dɑbirɑ tɑ ɡerumɔ, nɑ ǹ somiru wɑsi wunɛn min di.

Womusu 55:13

Ǹ n yibɛrɛn nɑ u nɑ u mɑn wɔnwɑ, nɑ ǹ ɡɑm ɡerumɔ. Goo ù n mɑn tusɑ, kon kuke win sɔ̃.

Womusu 55:14

Adɑmɑ wunɑ ɑ kuɑ mɛ, wunɛ wi ɑ sɑ̃ɑ nɛn beruse kɑ nɛn bɔrɔ, wunɛ wi nɑ rɑ nɛn ɑsiri sɔ̃.

Womusu 57:1

Womu ɡe Dɑfidi u wom kowobun wiruɡii kuɑ. U womu ɡeni kuɑwɑ sɑnɑm mɛ Sɔɔlu u nùn nɑɑ ɡire u ɡo. Mɑ u dɑ u kukuɑ kpee bɑɑ sɔɔ. Ge wee.

Yeremi 20:10

Nɑ nɔɔmɔ tɔn dɑbinu nu mɑn kɔ̃sɑ bwisikusimɔ. Bɑ mɔ̀, nɑndɑbu wɑ̃ɑ bɑɑmɑ. Su kɑ win ɡɑri dɑ wiruɡibun mi. Be bɑ rɑɑ kɑ mɑn nɔɔ tiɑ sɑ̃ɑ bɑ mɛɛrimɔ nɑ̀ n kon sokurɑ. Bɑ mɔ̀, sɔrɔkudo kon de bu mɑn sɑmbɑ ko. Kpɑ bu wɑ bu mɑn mwɑ bu mɔru kɔsie.

Abudiɑsi 1:7

Be i rɑɑ kɑ nɔɔ tiɑ sɑ̃ɑ, bɑ koo bɛɛ tɔnu kɑndu kuɑ, kpɑ bu bɛɛ ɡirɑ sere bɛɛn tem nɔɔ burɑ yerɔ. Be bɑ rɑɑ sɑ̃ɑ bɛɛn bɔrɔbɑ, bɑ koo bɛɛ dɑm dɔre. Kɑ be i rɑ rɑɑ di sɑnnu, bɑ koo bɛɛ yinɑ bɛriɑ. Adɑmɑ i ǹ ye tubumɔ.

Luku 19:27

Yen biru i kɑ nɛn yibɛrɛbɑ nɑ mini be bɑ kun kĩ n bɑndu di kpɑ i bu sɑkiri nɛn wuswɑɑɔ.